Daniyɛli 7:9 - Jula NT of Côte d’Ivoire

⁹ «Ayiwa, ne belen ka flɛri kɛ tuun, k’a ye ko o ka masasiginan dɔw blabla. Min tun bɛ yi kabini fɔlɔfɔlɔ, ale sigira o masasiginan dɔ kan. A ta derege tun gbɛra pepepe. A kunsigi gbɛra i ko sagasi gbɛman. A ta masasiginan tun bɛ i ko tasumamana; masasiginan senw tun bɛ i ko tasumakami.

ALA KA KUMA

⁹ «Ka n to filɛli la, masasigilan dɔw nana bila. Cɛkɔrɔba dɔ nana sigi. A kannafani tun gwɛnin lo parapara. A kunsigi tun be i n'a fɔ kɔɔrimugu. A ka masasigilan tun be i n'a fɔ tasuma. Sigilan seenw tun be i n'a fɔ takami.

Daniyɛli 7:9 Iomraidhean Croise

Mas fɔlɔ 22:19

Mise ko tuun ko: «Ayiwa, Matigi Ala ta kuma lamɛn. Ne ka Matigi Ala siginin ye a ta masasiginan kan; sankolo danfɛnw bɛɛ tun lɔnin bɛ a kɔrɔ, dɔw bɛ a kininboroyanfan fɛ, dɔw bɛ a numanboroyanfan fɛ.

Lok 2nan 18:18

Mise ko tuun ko: «Ayiwa, aw ye Matigi Ala ta kuma lamɛn sa. Ne ka Matigi Ala siginin ye a ta masasiginan kan; sankolo danfɛnw bɛɛ tun lɔnin bɛ, dɔw bɛ a kininboroyanfan fɛ, dɔw bɛ a numanboroyanfan fɛ.

Zaburu 45:8

I bɛ terenninya kanu, ka juguya kɔninya; o kosɔn Ala, i ta Ala ka i ɲanawoloma, ka turu kɛ i kun na, ka i ninsɔndiya, ka i fisaya i tɔɲɔgɔnw bɛɛ ye.

Zaburu 90:2

Sani kuruw ye dan, sani i ye dugukolo ni dunuɲa dan, ele le ye Ala ye wagati bɛɛ, ani tuma bɛɛ.

Zaburu 93:2

Ala, i ta masasiginan sigira kabini fɔlɔfɔlɔ, i bɛ yi wagati bɛɛ, ani tuma bɛɛ.

Ezayi 6:1

Masacɛ Oziyasi sara san min na, ne ka Matigi ye, a siginin bɛ masasiginan kɔrɔtanin dɔ kan san fɛ, a ta masaderege senkɔrɔyɔrɔ tun ka Alabatosoba fa.

Ezayi 9:6

A bɛna a ta masaya baraka bonya; a bɛna hɛra ladon Dawuda ta masaso ni a ta mara bɛɛ kɔnɔ, dan tɛ hɛra min na, ka masaya sigi k’a sabati can ni terenninya baraka ra, sisan, ani wagati tɔ bɛɛ ra. Fangatigi Ala bɛna nin le kɛ a ta kanuya barakaman kosɔn.

Yeremi 49:38

Ne bɛna ne ta masasiginan sigi Elamu mara kɔnɔ, ka o ta masacɛ ni o ta ɲamɔgɔw halaki; Matigi Ala ko ten.

Ezekiyɛli 1:26

Furancɛ koorinin min tun bɛ o kunw sanfɛyɔrɔ ra, fɛn dɔ tun bɛ o furancɛ kunna min cogoya tun bɛ i ko safiri lulu, k’a kɛ i ko masasiginan bisigi. Danfɛn dɔ tun bɛ o masasiginan bisigi kunna, fɔ a sanfɛyɔrɔ ra, min cogoya tun bɛ i ko adamaden.

Daniyɛli 7:13

«Ka ne lanin to hali bi, ne ka flɛri kɛ tuun; ne ka mɔgɔ dɔ ye, a nana ka bɔ sankolo ra, sankabaw kunna, a bɛ i ko adamaden. Min tun bɛ yi kabini fɔlɔfɔlɔ, a tun bɛ nana o kɔrɔ; o k’a mina ka na ni a ye o fɛ.

Daniyɛli 7:22

Nka min tun bɛ yi kabini fɔlɔfɔlɔ, ale nana kiti bɛn a kan ka jo di Ala kɔrɔtaninba ta mɔgɔ saninmanw ma. O kɔ, wagati sera minkɛ, masaya dira Ala ta mɔgɔ saninmanw ma.

Mise 5:2

O kosɔn Ala bɛna a ta mɔgɔw to o kelen na, fɔ muso min ka kan ka den woro, o ye den woro, ani a balema tɔw ye sekɔ ka taga fara Izirayɛlimɔgɔw kan.

Habakuki 1:12

Ele le tun tɛ yi kabini fɔlɔfɔlɔ wa? E, Matigi Ala, ne ta Ala saninman, ele min tɛ sa ka ye! E, Matigi Ala, i ka nin mɔgɔw labɛn an ta kiti le kama. E, an ta Ala barakaman, i ka o sigi ko o ye an ta kojuguw hakɛw le bɔ an na.

Matiyu 17:2

O yɔrɔ ra, Yesu cogoya yɛlɛmana o ɲa na. A ɲada manamanana i ko tere, a ta faniw gbɛra pepe i ko yeelen.

Matiyu 28:3

A tun bɛ manamanana i ko sanmanamana; a ta derege tun gbɛnin lo pepepe.

Marika 9:3

A ta faniw barara ka gbɛ fɔ ka manamana. A tun gbɛra cogo min na, fanikobaga si tɛ dugukolo kan min bɛ se ka fani ko k’a gbɛ o cogo ra.

Kɛwalew 2:30

Dawuda tun ye cira le ye; a tun k’a lɔn fana ko Ala karira a ye ko lon dɔ a bɛna a mamaden dɔ sigi a ta masasiginan kan a nɔ ra.

Kɛwalew 2:33

A kɔrɔtara ka taga sigi Ala kininboroyanfan fɛ tuma min na, a tun ka Nin Saninman* min layiri ta an ye, a Fa Ala ka o di a ma. A fana ka o Nin Saninman le lajigi ka na an kan, i ko aw b’a yera, ani aw b’a mɛnna cogo min na.

Filipikaw 3:9

ani ka to a ta jɛnɲɔgɔnya ra. Ne tɛ o sɔrɔ ne yɛrɛ ta terenninya sababu ra, sariya sira tagama kosɔn. Terenninya min bɛ sɔrɔ lanaya baraka ra Kirisita ra, ne b’a sɔrɔ o le sababu ra; o terenninya bɛ sɔrɔ Ala fɛ lanaya sababu ra.

Tim fɔlɔ 6:16

Ale kelenpe le tɛ sa ka ye. A siginin bɛ nɔɔrɔ min na, o nɔɔrɔ bonyakojugu fɛ, mɔgɔ si tɛ se ka gbara a ra. Mɔgɔ si ɲa ma la a kan ka ye, mɔgɔ si fana tɛ se k’a ye. Bonya ni sebagaya banbari ye ale ta le ye. Amina.

Zan fɔlɔ 1:5

An ka kuma min mɛn Yesu Kirisita fɛ ka o fɔ aw ye, o ye nin ye: Ala ye yeelen le ye, dibiko si tɛ Ala ra.

Yirari 1:14

A kunsigi gbɛnin lo pepepe i ko sagasi gbɛman, walama i ko sanbɛrɛ. A ɲadenw bɛ i ko tasumamana.

Yirari 19:18

janko ka masacɛw sogo domu, ani kɛrɛmasaw sogo, ani fangatigiw sogo, ani sow sogo, ani sotigiw sogo, ani mɔgɔ suguya bɛɛ sogo: jɔnw ni hɔrɔnw, mɔgɔbaw ni fitiniw.»

Yirari 20:4

Ne ka masasiginan dɔw ye. Minw sigira o masasiginanw kan, se dira olugu ma ko o ye kiti tigɛ. Ayiwa, o tun ka minw kun tigɛ Yesu ta seereya ni Ala ta Kuma waajuri kosɔn, olugu minw tun ma sɔn ka wara bato walama ka wara ja bato, minw tun ma sɔn tagamasiyɛn ye kɛ o ten kan walama o boro ra, ne ka olugu ninw ye. O kɛra mɔgɔ ɲanamanw ye tuun, ka sigi kuntigiya ra ni Kirisita* ye fɔ san waga kelen.

Yirari 4:2

O yɔrɔnin kelen bɛɛ ra, Nin Saninman* ka ne ta. Ne ka masasiginan dɔ ye sankolo kɔnɔ; dɔ tun siginin bɛ o kan.