Daniyɛli 7:14 - Jula NT of Côte d’Ivoire

¹⁴ O ka kuntigiya ni bonya ni masaya di a ma, janko mɔgɔw bɛɛ, ani siyaw bɛɛ, ani kanw bɛɛ mɔgɔw ye baara kɛ a ye. A ta kuntigiya ye kuntigiya banbari le ye; a ta masaya fana tɛna cɛn ka ye fiyewu.»

ALA KA KUMA

¹⁴ Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!

Daniyɛli 7:14 Iomraidhean Croise

Zaburu 102:22

Ni o kɛra, o bɛna Matigi Ala tɔgɔ lakari Siyɔn dugu kɔnɔ, k’a tando Zeruzalɛmu;

Zaburu 103:19

Matigi Ala k’a ta masasiginan sigi sankolo kɔnɔ, a ta fanga bɛ danfɛn bɛɛ kan.

Zaburu 145:13

I ta masaya ye masaya wuribari le ye, i ta fanga bɛ yi wagati bɛɛ, ani tuma bɛɛ. Matigi Ala bɛ a ta darakan bɛɛ dafa, a bɛ ɲumanya kɛ a ta danfɛnw bɛɛ ye.

Zaburu 146:10

Matigi Ala bɛ to masaya ra wagati bɛɛ; Siyɔn dugumɔgɔw, aw ta Ala bɛ to masaya ra wagati bɛɛ, ani tuma bɛɛ! Aw ye Matigi Ala tando!

Zaburu 45:6

I ta biɲɛw da ka di; o bɛ masacɛ ta juguw sɔgɔ o sɔnkun na, ka mɔgɔw benben i sen kɔrɔ.

Zaburu 72:11

Masacɛw bɛɛ bɛna o kinbiri gban a kɔrɔ, siyaw bɛɛ bɛna baara kɛ a ye.

Zaburu 72:17

A tɔgɔ ye fɔ tuma bɛɛ; a tɔgɔ kana tunu fɔ ka taga dunuɲa wuri. Mɔgɔw bɛɛ ye dugawu kɛ ɲɔgɔn ye ni a tɔgɔ le ye; o bɛɛ y’a fɔ ko Ala k’a ta ɲa!

Zaburu 8:6

O bɛɛ n’a ta, i k’a dan k’a dɔgɔya ni Ala yɛrɛ dɔrɔn le ye; i ka bonya ni nɔɔrɔ masafugula sigi a kun na.

Ezayi 16:5

O kɔ, masaya dɔ bɛna wuri ka sabati a ta ɲumanya sababu ra; kuntigi dɔ bɛna sigi o masasiginan kan, ka kɛ kankelentigi ye Dawuda ta so kɔnɔ; a bɛna kiti tigɛ can kan, ka terenninya sira ko lateliya.

Ezayi 60:12

«Siya o siya, walama masaya o masaya, min tɛ baara kɛ i ye, o bɛ halaki; o siyaw bɛɛ bɛna halaki ka ban pewu.

Ezayi 9:6

A bɛna a ta masaya baraka bonya; a bɛna hɛra ladon Dawuda ta masaso ni a ta mara bɛɛ kɔnɔ, dan tɛ hɛra min na, ka masaya sigi k’a sabati can ni terenninya baraka ra, sisan, ani wagati tɔ bɛɛ ra. Fangatigi Ala bɛna nin le kɛ a ta kanuya barakaman kosɔn.

Ezayi 9:7

Matigi ka kuma dɔ fɔ Yakuba ta mɔgɔw kama, o kuma benna Izirayɛli kan.

Daniyɛli 2:35

O kɛra minkɛ, nɛgɛ o, bɔgɔ o, siranɛgɛ o, warigbɛ o, sanin o, o bɛɛ cira ɲɔgɔn fɛ, fɔ ka mugumugu. Fɔɲɔ k’a ta i n’a fɔ fɔɲɔ bɛ ɲɔkalaw ta cogo min na ɲɔgbasituma ra; a yɔrɔ si ma ye tuun. Nka kabakuru min k’a gbasi k’a ben, o kabakuru kɛra kuru belebele ye, fɔ ka dugukolo bɛɛ fa.

Daniyɛli 2:37

E, masacɛ, ele le ye masacɛw ta masacɛ ye, sabu sankolo tigi Ala ka masaya ni sebagaya ni fanga ni bonya di i ma.

Daniyɛli 2:44

«Nka o masayaw wagati ra, sankolo tigi Ala bɛna masaya wɛrɛ sigi. O masaya tɛna ban ka ye, siya wɛrɛ si tɛna se ka fanga bɔsi o masacɛ ra fana. A bɛna masaya tɔw bɛɛ ci ka bɔ yi; a yɛrɛ bɛna sigi a ta fanga ra wagati bɛɛ.

Daniyɛli 3:4

Kumalasebaga dɔ nana pɛrɛn k’a fɔ mɔgɔw ye ko: «Siyaw bɛɛ, jamanaw bɛɛ mɔgɔw, kanw bɛɛ mɔgɔw, masacɛ ko k’a fɔ aw ye,

Daniyɛli 4:3

Ne ka cira bla ko o ye Babilɔni lɔnnikɛbagaw bɛɛ wele ka na, janko o ye na ne ta siko kɔrɔ fɔ ne ye.

Daniyɛli 6:26

Ayiwa, o kɔw kɔ, masacɛ Dariyusi ka sɛbɛ dɔ kɛ k’a ci mɔgɔw bɛɛ ma, ani siyaw bɛɛ, ani kan bɛɛ mɔgɔw, dunuɲa yɔrɔ bɛɛ ra. A k’a fɔ o ye ko: «Ala ye hɛra caman kɛ aw ye.»

Daniyɛli 7:18

Nka Ala kɔrɔtaninba ta mɔgɔ saninmanw le bɛna sigi masaya ra. Olugu le bɛna to kuntigiya ra wagati bɛɛ, ani tuma bɛɛ.›

Daniyɛli 7:27

O tuma ra, dunuɲa masayaw ta fanga bɛɛ, ani o ta kuntigiya bɛɛ, ani o ta bonya bɛɛ bɛna di Ala kɔrɔtaninba ta mɔgɔ saninmanw le ma. O ta masaya bɛna kɛ masaya banbari le ye. Dunuɲa fagamaw bɛɛ bɛna kɛ o ta jɔnw ye, ka o yɛrɛ majigi o ye.›

Abidiyasi 1:21

Olugu le bɛna se sɔrɔ, ka sigi Siyɔn kuru kan, ka o ta fanga sigi Edɔmukaw kan. O tuma masaya bɛna kɛ Ala ta ye.»

Mise 4:7

Minw tun ye sendimitɔw ye, ne bɛna olugu tɔ lawuri. Minw tun gbɛnna ka taga yɔrɔjan, ne bɛna olugu kɛ siya barakaman ye. Matigi Ala le bɛna kɛ o kuntigi ye Siyɔn kuru kan, k’a ta o lon na, fɔ wagati bɛɛ.

Matiyu 11:27

«Ne Fa ka fɛn bɛɛ labla ne ye. Mɔgɔ si tɛ Dencɛ lɔn ni Fa Ala tɛ, mɔgɔ si fana tɛ Fa Ala lɔn ni Dencɛ tɛ, ani ni Dencɛ b’a fɛ k’a yira mɔgɔ min na.

Matiyu 28:18

Yesu gbarara o ra, k’a fɔ o ye ko: «Fɛn bɛɛ se dira ne ma, sankolo kɔnɔ, ani dugukolo kan.

Luka 1:33

A bɛna sigi masaya ra Izirayɛli ta mɔgɔw* kunna wagati bɛɛ. A ta masaya tɛna ban fiyewu.»

Luka 10:22

Yesu ko: «Ne Fa ka fɛn bɛɛ labla ne ye. Mɔgɔ si tɛ Dencɛ lɔn ni Fa Ala tɛ, mɔgɔ si fana tɛ Fa Ala lɔn ni Dencɛ tɛ, ani ni Dencɛ b’a fɛ k’a yira mɔgɔ min na.»

Yuhana 12:34

Jama ko Yesu ma ko: «An k’a mɛn ko a sɛbɛra sariya* kitabu kɔnɔ ko Kisibaga* ɲanaman bɛna to wagati bɛɛ; nka ele ko, ko Min kɛra Adamaden ye*, ko o ka kan ka kɔrɔta ka bɔ dugukolo kan? O tuma, Min kɛra Adamaden ye, o ye jɔntigi le ye sa?»

Yuhana 3:35

Den min bɔra Ala ra*, Fa Ala bɛ o kanu, o kosɔn a ka fɛn bɛɛ sebagaya di a ma.

Heburuw 12:28

O cogo ra, an bɛna kɛ masaya min na, o fɛnw si le tɛna bɔ o nɔ ra. O kosɔn an ye Ala waleɲumanlɔn k’a bato, batori min ka di a ye; an ye o kɛ ni bonya ni Alaɲasiran ye.

Piy fɔlɔ 3:22

A yɛlɛra ka taga sankolo ra, ka taga sigi Ala kininboroyanfan fɛ; mɛlɛkɛw, ani kuntigiyaw, ani sebagayaw, o bɛɛ majigira Kirisita ta fanga le kɔrɔ.

Yirari 1:6

ka an kɛ a ta masaya mɔgɔw ye, ka an kɛ a Fa Ala ta sarakalasebagaw* ye, ayiwa, bonya ni sebagaya ye ale Yesu Kirisita le ta ye tuma bɛɛ, ani wagati bɛɛ. Amina.

Yirari 11:15

Mɛlɛkɛ wolonflanan k’a ta buru fiyɛ. Kumakan dɔw bɔra sankolo kɔnɔ, k’a fɔ ni fanga ye, ko: «Dunuɲa masaya fanga kɛra an Matigi ta ye, ani a ta mɔgɔ ɲanawolomanin; a bɛna sigi masaya ra tuma bɛɛ, ani wagati bɛɛ.»

Yirari 17:14

O bɛna Sagaden* kɛrɛ, nka Sagaden bɛna se sɔrɔ o kan, sabu ale le ye matigiw ta Matigi ye, ani masaw ta Masa. A ta mɔgɔ weleninw, minw ye a ta mɔgɔ ɲanawolomaninw, ani a ta mɔgɔ kankelentigiw ye, olugu fana bɛna se sɔrɔ ni Sagaden ye.»

Yirari 3:21

« ‹Ni min ka se sɔrɔ, ne bɛna a to o tigi ye sigi ne ta masasiginan kan ni ne ye, i n’a fɔ ne yɛrɛ ka se sɔrɔ cogo min na, ka sigi ni ne Fa Ala ye a ta masasiginan kan.