Daniyɛli 6:18 - Jula NT of Côte d’Ivoire

¹⁸ O ka Daniyɛli firi dinga kɔnɔ, ka kabakuruba dɔ kɛ k’a datugu. Masacɛ k’a boronɔ la o kabakuruba kan; a ta jamanatigiw fana ka o boronɔ la a kan, janko mɔgɔ si kana na a fɔ ko a bɛ kabakuruba bɔ yi ka Daniyɛli labɔ o ɲina ma.

ALA KA KUMA

¹⁸ U ye kabakuru dɔ kolonkolon ka na dingɛ nin datugu. Masacɛ y'a ka taamasiɲɛ l'a kan n'a ka bololanigɛ ye, n'a ka mɔgɔbabaw ta fana, waasa mɔgɔ si kana se ka yɛlɛmani don Daniyɛli ka koo la.

Daniyɛli 6:18 Iomraidhean Croise

Sam 2nan 19:24

O kɔ, masacɛ k’a fɔ Simɛyi ye ko: «O tɛna i faga!» Masacɛ karira a ye.

Mas fɔlɔ 21:27

Akabu ka Iliya ta kuma mɛn minkɛ, a nimisara, fɔ k’a ta faniw mina ka o faran. A ka bɔrɔfani don a yɛrɛ ra, ka sun don. A tun bɛ si ni o bɔrɔfani le ye a kan na; a tagamacogo bɛɛ tun sumayara.

Ɛsitɛri 6:1

Ayiwa, o lon su fɛ masacɛ ma se ka sunɔgɔ. A ko, ko o ye na ni kitabu ye, fɔlɔfɔlɔkow, ani jamana ta kow sɛbɛra kitabu min kɔnɔ. Ayiwa, o nana o kitabu karan masacɛ ye.

Ayuba 21:12

O bɛ longanw ni koraw fɔ ka dɔnkiri la, ka ninsɔndiya ni filenfiyɛkanw ye.

Zaburu 137:2

Yirimisɛn minw tun bɛ o yɔrɔ ra, an tun ka an ta gɔniw dulon olugu ra.

Zaburu 77:4

Ni ne hakiri jigira Ala ra, ne bɛ to ka ŋuna; ni ne miirira a ma, ne jusu bɛ kasi.

Waajurikɛbaga 2:8

Ne ka warigbɛ ni sanin caman lajɛn, ka masacɛ wɛrɛw, ani jamana wɛrɛw ta naforow fana lajɛn ka o bla ne yɛrɛ ye. Ne ka dɔnkirilabaga cɛmanw ni a musomanw ta, dɔnkirila kama. Ne ka muso caman fana ta, o min ye cɛw diyanyakoba ye.

Kasikan 3:53

O ka ne firi kɔlɔn kɔnɔ ko o bɛ ne faga; o ka kabakuru dɔ kɛ ka ne datugu.

Daniyɛli 10:3

Ne ma sɔn ka domuni ɲanaman kɛ; ne ma sogo domu, ne ma duvɛn min. Ne ma turu mun ne yɛrɛ ra ka ne yɛrɛ kasa diya, fɔ ka taga o lɔgɔkun saba dafa.

Daniyɛli 2:1

Masacɛ Nebukadinɛsari ta masaya san flanan na, a ka siko dɔw kɛ. O ko k’a hakiri ɲagami kosɛbɛ, fɔ k’a bari sunɔgɔ ra.

Daniyɛli 6:19

O kɔ, masacɛ tagara a ta so. A ka su bɛɛ kɛ, a ma sɔn ka domuni kɛ. A ma sɔn a ta musow si ye na a kɔrɔ; a ma se ka sunɔgɔ fana.

Yirari 18:22

E, Babilɔni, gɔnifɔkan tɛna mɛn i fɛ tuun; dɔnkirilakan tɛna mɛn, filenfiyɛkan tɛna mɛn, burufiyɛkan tɛna mɛn. Bororabaarakɛbaga si tɛna ye tuun, simansikan tɛna mɛn tuun.