Daniyɛli 5:23 - Jula NT of Côte d’Ivoire

²³ I ka i yɛrɛ bonya, ka i yɛrɛ suma ni sankolo tigi Ala ye. I sɔnna ka Alabatosoba ta minan saninmanw le ta, ka na duvɛn min o kɔnɔ, ele ni i ta jamana mɔgɔbaw, ani i ta furumusow, ani i ta muso wɛrɛw. I ka i ta jow le tando, i ta jo warigbɛramanw, ani a saninlamanw, ani a siranɛgɛramanw, ani a nɛgɛramanw, ani a yiriramanw, ani a kabakururamanw. O jo minw tɛ yeri kɛ, o tɛ mɛnni kɛ, o tɛ foyi lɔn. K’a sɔrɔ i nin, ani i ta ko bɛɛ bɛ Ala min boro, i ma o bonya!

ALA KA KUMA

²³ I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Daniyɛli 5:23 Iomraidhean Croise

Damina 14:19

A ka dugawu kɛ Iburama ye; a ko: «Ala ye baraka don Iburama ra, Ala Kɔrɔtaninba, sankolo ni dugukolo tigi.»

Damina 2:7

Masa Ala ka dugukolo bɔgɔ ta ka mɔgɔ lalaga ni a ye. O kɔ, a ka ɲanamanya nɛnɛkiri fiyɛ ni a dafɔɲɔ ye k’a don mɔgɔ nunwo fɛ; a kɛra mɔgɔ ɲanaman ye.

Mas 2nan 14:10

Yohasi k’a fɔ a ye fana ko: «I kɔni sera Edɔmukaw ra, o ye can ye; o le ka yɛrɛbonya don i jusu ra. I ka se min sɔrɔ, to ni o bonya ye, nka to i ta so yi. Mun na i bɛ kojugu dɔ ɲinina k’a di i yɛrɛ ma? Ele bɛna to a ra, Zuda mɔgɔw fana bɛna to a ra ni i ye.»

Ayuba 12:10

Fɛnɲanaman bɛɛ nin bɛ ale Ala le boro, ani adamadenw bɛɛ ta nɛnɛkiri.

Ayuba 31:4

Yala Ala tɛ ne tagamacogo yera wa? Yala a tɛ ne sentako kelen kelen bɛɛ jatera wa?

Zaburu 104:29

Nka ni i ka i ɲada dogo o ma, o jigi bɛ tigɛ, ni i ka i ta nin bɔ o ra, o bɛ sa, o bɛ sekɔ ka kɛ buguri ye tuun.

Zaburu 115:16

Sankolo ye Matigi Ala kelen ta ye; a ka dugukolo le di adamadenw ma.

Zaburu 139:3

Ni ne bɛ tagama ra, walama ni ne lanin lo, i ka o lɔn; i bɛ ne ta kow bɛɛ kala ma.

Zaburu 146:4

Ni o nɛnɛkiri ka mina o ra lon min na, o bɛ sekɔ o nɔ ra dugukolo buguri ra; o lon yɛrɛ ra, o ta kow bɛɛ bɛ ban.

Zanaw 20:24

Mɔgɔ ta dunuɲalatigɛ bɛ Matigi Ala le boro, o kosɔn adamaden yɛrɛ tɛ se ka foyi faamu a yɛrɛ ta kow ra.

Ezayi 13:11

Ne bɛna dunuɲamɔgɔw ta kojugu sara di o ma, ka mɔgɔjuguw ta terenbariya sara di o ma. Ne bɛna yɛrɛyiramɔgɔw ta yɛrɛbonya ban, ka mɔgɔ jusu farimanw ta wasoya bɔ o ra.

Ezayi 14:13

I tun b’a fɔra i yɛrɛ kɔnɔ ko: «Ne bɛna yɛlɛn ka taga fɔ sankolo kɔnɔ, ne bɛna ne ta sigiyɔrɔ layɛlɛn ka se fɔ Ala ta lolow kunna; ne bɛna taga sigi fɔ alaw ta jamalajɛnkuru kunna, fɔ sahiliyanfan kɔnɔnɔyɔrɔ ra!

Ezayi 2:12

Can lo, Fangatigi Ala ka lon dɔ labɛn yɛrɛbonyabagaw, ani wasobagaw bɛɛ kama, ani minw bɛɛ bɛ o yɛrɛ kɔrɔta; a bɛna o bɛɛ majigi.

Ezayi 33:10

«Sisan kɔni, ne bɛna wuri, Matigi Ala ko ten. Sisan ne ta bonya bɛna yira; sisan ne bɛna kɔrɔta.

Ezayi 37:19

ka o ta alaw jɛni tasuma ra; nka o alaw fana tun tɛ ala ɲanamanw ye; mɔgɔw yɛrɛ boro ka fɛn minw lalaga ni yiri ni kabakuru ye, o lo; o kosɔn o sera ka o halaki.

Ezayi 37:23

Ele ka ne le mafiyɛnya, ka ne dɔgɔya wa? Ele kumana k’a yira ne le ra wa? Ele ka i ɲa don ne le ra wa, ne min ye Izirayɛli ta Ala saninman ye?

Ezayi 42:5

Ala, Matigi Ala, min ka sankolo dan, k’a bonya, ka dugukolo yɛrɛgɛ fan bɛɛ, ani fɛn o fɛn bɛ falen a kan, ka nɛnɛkiri don dunuɲamɔgɔw ra, ka nin don dunuɲa yaalabagaw ra, ale Matigi Ala ko:

Yeremi 10:23

E, Matigi Ala, ne k’a lɔn ko adamaden ta dunuɲalatigɛ tɛ a yɛrɛ boro, ko mɔgɔ tagamatɔ tɛ se k’a tɛmɛyɔrɔw latigɛ.

Yeremi 48:26

«Aw ye o lamin, fɔ ka o ɲanamini, sabu Mohabukaw ka o yɛrɛ bonya Matigi Ala ɲa kɔrɔ. O ye ben ka kolonkolon o ta fɔɔnɔ ra, olugu fana ye kɛ yɛrɛkofɛn ye.

Yeremi 50:28

Minw borira ka bɔsi Babilɔni jamana kɔnɔ, aw ye olugu kan mɛn: o bɛ nana Matigi Ala, an ta Ala ta dimibɔcogo lakari Siyɔn dugu kɔnɔ, ani a k’a ta batoso dimibɔ cogo min na.

Yeremi 50:29

«Aw ye kalanbonbagaw wele ka na Babilɔni kama, minw bɛɛ bɛ se kalanbon na. Aw ye na sigi k’a lamini, o si kana bɔsi. Aw ye o sara ka kaɲa ni o ta kɛwalew ye. O ka min kɛ, aw fana ye o ɲɔgɔn kɛ o ra, sabu o ka o yɛrɛ suma ni Matigi Ala ye, ka o yɛrɛ suma ni Izirayɛli ta Ala saninman ye.

Ezekiyɛli 28:17

I ta cɛɲa ka yɛrɛbonya don i jusu ra, i ta nɔɔrɔ kɛra sababu ye ka i ta hakiritigiya cɛn. O kosɔn ne bɛ i firi dugu ma, ka i kɛ flɛrifɛn ye masacɛ tɔw ɲa kɔrɔ.

Ezekiyɛli 28:2

«Adamaden, a fɔ Tiri dugutigi ye ko Dunuɲatigi Ala ko: ‹Yɛrɛbonya donna ele jusu ra, fɔ i ko: Ne ye Ala le ye, ne siginin bɛ alaw ta sigiyɔrɔ le ra kɔgɔji cɛ ma!› K’a sɔrɔ ele ye adamaden le ye, i tɛ Ala ye; nka i bɛ i yɛrɛ ta miiriya jate i ko Ala ta miiriya.

Ezekiyɛli 28:5

Hakiritigiyaba min bɛ i fɛ jagoko ra, o le ka i ta naforo caya; nka o naforo ko ka yɛrɛbonya don i jusu ra.

Ezekiyɛli 31:10

«O kosɔn Dunuɲatigi Ala ko: Yirisunba tun janyara kosɛbɛ, a k’a kun kɔrɔta ka se fɔ sankabaw ma; yɛrɛbonya donna a jusukun na a ta janya kosɔn.

Daniyɛli 11:12

Worodugu masacɛ ni a ta mɔgɔw bɛna o yɛrɛ bonya, ko o ka se sɔrɔ o kɛrɛ ra. O bɛna mɔgɔ caman faga, nka o bɛɛ n’a ta, o ta fanga tɛna mɛɛn;

Daniyɛli 8:11

A k’a yɛrɛ bonya fɔ k’a yɛrɛ suma ni sankolo danfɛnw Kuntigiba yɛrɛ ye. Saraka minw ka kan ka bɔ lon o lon sankolo danfɛnw Kuntigiba ye, a ka o bɛɛ lalɔ; a ka sankolo danfɛnw Kuntigiba ta yɔrɔ saninman lanɔgɔ.

Habakuki 2:4

«Mɔgɔ min bɛ a yɛrɛ bonya, o tigi jusukun tɛ sira terennin ta; nka mɔgɔ terennin bɛ ɲanamanya a ta lanaya le sababu ra.

Kɛwalew 17:25

Mɔgɔ boro fana tɛ baara kɛ a ye, k’a kɛ i n’a fɔ a mako b’a ra ko mɔgɔ ye a dɛmɛ; sabu ale yɛrɛ le bɛ ɲanamanya ni nɛnɛkiri ni fɛn bɛɛ di danfɛnw bɛɛ ma.

Kor fɔlɔ 8:4

Ayiwa, min ye josɔnsogo ta ko ye, yala an bɛ se k’a domu wa, walama an tɛ se k’a domu? Anw k’a lɔn ko batofɛn wɛrɛ si tɛ dunuɲa kɔnɔ, ni Ala kelenpe tɛ.

Tim fɔlɔ 3:6

A fana man kan ka kɛ lanabagakura ye, ni o tɛ, yɛrɛbonya bɛ se ka don a ra, k’a to kiti min benna Setana kan, o ɲɔgɔn ye ben a kan fana.

Heburuw 4:13

Danfɛn si tɛ yi min dogonin lo Ala ɲa kɔrɔ. Fɛn bɛɛ bɛ a ɲa kɔrɔ kɛnɛ kan, fɛn si dogonin tɛ a ma; an bɛna taga lɔ ale Ala min ɲa kɔrɔ, janko an bɛɛ ye an ta fɔ.

Yirari 9:20

Nka o kojugu saba ma mɔgɔ minw faga, olugu belen ma nimisa, ka o yɛrɛ ta fɛn lalaganinw batori dabla. O ma jinaw bato dabla, ani jo saninlamanw, ani a warigbɛramanw, ani a siranɛgɛramanw, ani a kabakururamanw, ani a yiriramanw; k’a sɔrɔ o fɛnw tɛ yeri kɛ, o tɛ mɛnni kɛ, o tɛ tagama.

Kititigɛbagaw 16:23

Lon dɔ, Filisikaw ta masacɛw ka mɔgɔw lajɛn ka ɲanagbɛba dɔ kɛ, ka sarakaba bɔ o ta ala ye, min tɔgɔ ye ko Dagɔn. O tun b’a fɔra ko: «An ta ala ka Samusɔn don an boro, Samusɔn min tun ye an jugu ye.»

Sam fɔlɔ 17:26

Cɛ minw tun bɛ Dawuda kɔrɔ, Dawuda ka olugu ɲininka ko: «Ni mɔgɔ min sera ka nin Filisikacɛ faga, ka maroya bɔ Izirayɛli kan, mun le bɛna kɛ o tigi ye? O tuma nin Filisikacɛ kɛnɛsigibari ye jɔn le ye, fɔ a bɛna kɛ Ala ɲanaman ta kɛrɛkɛjama mafiyɛnya ye?»

Sam fɔlɔ 17:36

I ta jɔncɛ ka jaraw ni warabaw faga ten le. Nin Filisikacɛ kɛnɛsigibari ta fana bɛna kɛ i n’a fɔ o waraw ta kɛra cogo min na; sabu a ka Ala ɲanaman ta kɛrɛkɛjama mafiyɛnya.