Daniyɛli 5:20 - Jula NT of Côte d’Ivoire

²⁰ Nka yɛrɛbonya nana don a ra tuma min na, ani a k’a jusukun gbɛlɛya minkɛ, fɔ ka kɛ wasobagaba ye, Ala k’a bɔ masaya ra, k’a ta bonya bɛɛ bɔ a kan.

ALA KA KUMA

²⁰ Nga a dusu nana gwɛlɛya, yɛrɛboɲa donn'a la. O tuma na, a gwɛnna ka bɔ masaya la, a ka dawula banna.

Daniyɛli 5:20 Iomraidhean Croise

Mas 2nan 17:14

Nka o tun ma o kuma lamɛn; o ka o torokun gbɛlɛya, k’a kɛ i ko o bɛma minw tun ma la Matigi Ala ra, o ta Ala.

Lok 2nan 32:25

Nka o koɲuman min kɛra Ezekiyasi ye, a ma kɛ o lɔnbaga ye. Yɛrɛbonya donna a jusu ra; o kɛra minkɛ, Ala ta dimi sera ale ni Zuda ni Zeruzalɛmu bɛɛ ma.

Lok 2nan 36:13

A nana muruti hali Nebukadinɛsari yɛrɛ kama, k’a sɔrɔ Nebukadinɛsari tun k’a jagboya ka kari Ala ra ale ye. A k’a torokun gbɛlɛya, k’a jusukun gbɛlɛya; a ma sɔn ka sekɔ Matigi Ala, Izirayɛli ta Ala fɛ.

Bɔri 18:11

Ne k’a lɔn sisan ko Matigi Ala le ka bon ka tɛmɛ batofɛn tɔw bɛɛ kan; sabu a ka Izirayɛlimɔgɔw kisi ka bɔ Misirankaw ta juguya kɔrɔ, ka o ta juguya ben o yɛrɛ kan.»

Bɔri 9:17

O bɛɛ n’a ta, hali bi i ka ne ta mɔgɔw bari; i ma sɔn k’a to o ye taga.

Bɔri 9:7

Farawona ka mɔgɔ ci ka taga ɲininkari kɛ o ko ra. O nana a fɔ a ye ko foyi ma faga Izirayɛlimɔgɔw ta bɛganw na. Nka o bɛɛ n’a ta, Farawona belen k’a jusukun gbɛlɛya; a ma sɔn fiyewu k’a to Izirayɛlimɔgɔw ye taga.

Zanaw 16:18

Yɛrɛbonya kɔ ye halakiri ye, waso kɔ ye ben ye.

Zanaw 16:5

Matigi Ala bɛ mɔgɔ yadanin haramuya; sigiya t’a ra, Ala tɛna a to ni a ma a ta hakɛw juru sara a ra.

Ezayi 47:1

Ala ko: «Aw ye jigi ka sigi buguri ra, Babilɔni dugumɔgɔw! Aw ye sigi dugu ma, sabu masasiginan tɛ aw fɛ tuun, aw Babilɔnikaw! Mɔgɔ tɛna aw wele tuun ko: ‹Dugu ɲasumanin, dugu fɛrɛnin!›

Yeremi 13:18

«A fɔ masacɛ ni masamuso ye ko: ‹Aw ye jigi ka sigi dugu ma, sabu masafugula min tun ye aw ta masiri ye, o bɔra aw kun na ka ben.›

Yeremi 19:15

«Fangatigi Ala, Izirayɛli ta Ala ko: ‹Ne tun ka kojugu minw bɛɛ fɔ nin dugu kama, ani a kɛrɛfɛduguw bɛɛ, ne bɛna o kojugu ben o kan, sabu o ka o kun gbɛlɛya, ka ban ka ne ta kumaw lamɛn.› »

Yeremi 48:18

Aw ye jigi ka bɔ aw ta bonya cɛ ra; aw ye sigi dugukolo jalan kan, aw Dibɔn dugumɔgɔw, sabu Mohabu jamana halakibaga bɛ nana aw kama, a bɛna aw ta masabonbaw cici.

Ezekiyɛli 30:6

«Matigi Ala ko: ‹Misiran dɛmɛbagaw bɛɛ bɛna ben; baraka min ka yɛrɛbonya bla o ra, o bɛna ban. K’a ta Migidɔli ka taga se fɔ Siyɛni, kɛrɛkɛmuru bɛna o yɔrɔw ta mɔgɔw bɛɛ faga. Dunuɲatigi Ala ko ten.

Ezekiyɛli 31:10

«O kosɔn Dunuɲatigi Ala ko: Yirisunba tun janyara kosɛbɛ, a k’a kun kɔrɔta ka se fɔ sankabaw ma; yɛrɛbonya donna a jusukun na a ta janya kosɔn.

Daniyɛli 11:36

« ‹Ni fɛn o fɛn kɔni ka o masacɛ diya a bɛna o le kɛ. A bɛna a yɛrɛ kɔrɔta, ko ale ka bon ni batofɛnw bɛɛ ye. Kumajugu minw ɲɔgɔn ma deri ka mɛn fɔlɔ, a bɛna o le fɔ Ala kɔrɔtaninba yɛrɛ ma. A bɛna tɔgɔ sɔrɔ fɔ ka taga Ala ta dimi wagati se; sabu Ala ka min latigɛ a kama, a bɛna o kɛ a ra.

Daniyɛli 4:26

Karo tan ni fla tɛmɛnin kɔ, Daniyɛli ta kuma kɔ fɛ, lon dɔ, ka masacɛ to a bɛ yaalayaalara a ta masaso sankaso kunna Babilɔni, a ka dugu flɛ,

Daniyɛli 4:28

Ayiwa, sani masacɛ ye ban o kuma ra dɔrɔn, kumakan dɔ bɔra sankolo ra, k’a fɔ ko: «Masacɛ Nebukadinɛsari, i ta masaya bɛna bɔsi i boro.

Daniyɛli 8:8

«Bakɔrɔnin fanga bonyara kosɛbɛ. Nka tuma min na a ta fanga tun bɛ a tan ni fla ra, a gban jamijan karira. Nka a karira minkɛ, gban jamijanba naani wɛrɛ bɔra o nɔ ra, ka ɲasin dunuɲa fan naani bɛɛ ra.

Luka 18:14

Yesu ko: «Ne b’a fɔ aw ye ko Ala ka o ninsaraminabaga ta jurumunw yafa a ma; a sekɔra ka taga so kɔnɔ. Nka Farisicɛ ta jurumunw ma yafa. Sabu mɔgɔ o mɔgɔ bɛ a yɛrɛ kɔrɔta, Ala bɛ o tigi majigi, nka mɔgɔ o mɔgɔ bɛ a yɛrɛ majigi, Ala bɛ o tigi kɔrɔta.»

Heburuw 3:13

Nka Ala ka «bi» min ko fɔ, ka aw to o ra, aw ye ɲɔgɔn ladi lon o lon, janko jurumun kana kɛ sababu ye ka aw lafiri ka aw jusukun gbɛlɛya.

Sam fɔlɔ 6:6

Aw kana aw jusukun gbɛlɛya i n’a fɔ Misirankaw ni Farawona k’a kɛ cogo min na! Sabu Ala nana olugu tɔɔrɔ kosɛbɛ fɔ a ma ɲa, o ka Izirayɛlimɔgɔw labla ko o ye taga.