Daniyɛli 5:12 - Jula NT of Côte d’Ivoire

¹² sabu o Daniyɛli tɔgɔ, min bɛ wele fana ko Bɛlisasari, ale hakiri ka bon ni mɔgɔ bɛɛ ta ye. Lɔnniya ni hakiritigiya b’a fɛ. A bɛ sikow kɔrɔ fɔ, ka gundow lɔn, ka ɲininkarigbɛlɛnw bɛɛ jaabi. Aw ye taga Daniyɛli wele ka na, a bɛna sɛbɛri kɔrɔ fɔ.»

ALA KA KUMA

¹² Bari, a lɔnna ko hakili ɲanaman b'ale Daniyɛli tɔgɔla nin fɛ. Masacɛ ye min tɔgɔ la ko Bɛlitasari. Lɔnniya tun b'a fɛ kosɔbɛ, a tun be koo faamu, ani ka se ka sikow kɔrɔ fɔ, ka kodogoninw yira, ani ka koo gwɛlɛmanw ɲanabɔ. O la, i ka Daniyɛli wele, a ben'a kɔrɔ fɔ i ye.»

Daniyɛli 5:12 Iomraidhean Croise

Zaburu 16:3

Ala ta mɔgɔ saninman minw bɛ jamana kɔnɔ, ani jamana ɲamɔgɔw, olugu le ko ka di ne ye.

Zanaw 12:26

Mɔgɔ terennin bɛ sira yira a mɔgɔɲɔgɔn na, nka mɔgɔjugu ta sira b’a lafiri.

Zanaw 17:27

Mɔgɔ min b’a kumacogo kɔrɔsi, o tigi ka ko lɔn, mɔgɔ min hakiri siginin lo, o tigi ye faamurikɛbaga ye.

Ezekiyɛli 28:3

A flɛ, i ta hakiritigiya kɔni tɛmɛna hali Danɛli ta kan; gundo si ma dogo i ma.

Daniyɛli 1:17

Ala ka lɔnniya ni faamuri di o kanbelen naani ma o ta karan na, ka hakiritigiya fana di o ma. Ka fara o kan, Daniyɛli tun bɛ se ka ko yiraninw, ani sikow bɛɛ kɔrɔ lɔn k’a fɔ mɔgɔw ye.

Daniyɛli 1:7

Baaradenw kuntigi ka tɔgɔ wɛrɛw la o ra. A ka Daniyɛli tɔgɔ la ko Bɛlisasari, ka Hananiya tɔgɔ la ko Sadaraki, ka Misahɛli tɔgɔ la ko Mesaki, ka Azariya tɔgɔ la ko Abɛdi Nego.

Daniyɛli 2:26

Masacɛ ka Daniyɛli ɲininka. O tun bɛ Daniyɛli wele ko Bɛlisasari. Masacɛ ko: «Yala can lo ko ele bɛ se ka ne ta siko fɔ ne ye, k’a kɔrɔ fana fɔ ka la a kan wa?»

Daniyɛli 4:19

Masacɛ, o yiri ye ele yɛrɛ le ye. Ele ta baraka le bonyara, ka i ta fanga bonya fɔ k’a se sankolo ma. I ta masaya fanga sera fɔ dunuɲa yɔrɔ bɛɛ ra.

Daniyɛli 4:8

O yiri bonyara, ka bonya, fɔ ka taga a kun se sankolo ma; mɔgɔw tun bɛ to dunuɲa yɔrɔ bɛɛ ra k’a ye.

Daniyɛli 5:14

O ka i ko fɔ ne ye, ko Ala saninman yɛrɛ ta hakiri le bɛ i fɛ, ko mɔgɔ bɛ se ka faamuri ni lɔnniya ni hakiritigiya sɔrɔ i fɛ, hakiritigiya min tɛ sɔrɔ mɔgɔ si fɛ.

Daniyɛli 5:16

K’a sɔrɔ ne k’a mɛn ko i bɛ se ka gundow lɔn, ani ka ɲininkarigbɛlɛnw jaabiri lɔn k’a fɔ. Ayiwa, sisan ni i sera ka nin sɛbɛri karan k’a kɔrɔ fɔ ne ye, ne bɛna masaderege don i ra, ka sanin don i kan na, ka i kɛ ne ta jamana kuntigi sabanan ye.»

Daniyɛli 6:3

A ka kuntigiba saba sigi o fagama kɛmɛ ni mugan kunna; jamanatigiw tun ka kan ka o ta baarakɛtaw bɛɛ ɲafɔ o kuntigibaw le ye, janko mɔgɔ si kana se ka masacɛ janfa. Ayiwa, Daniyɛli fana tun ye o kuntigiba saba dɔ ye.

Daniyɛli 6:4

Nka Daniyɛli ta hakiri ni a ta lɔnniya tun ka bon ka tɛmɛ kuntigiba tɔw ni fagamaw bɛɛ ta kan. A kɛra ten, masacɛ tun b’a fɛ k’a sigi a ta jamana bɛɛ kunna.

Kɔlɔsikaw 1:29

O le kosɔn ne bɛ baara kɛra; Kirisita bɛ baraka min di ne ma, o baraka le bɛ sebagaya di ne ma, ne bɛ siyɛn ta ni o le ye.