Daniyɛli 5:1 - Jula NT of Côte d’Ivoire

¹ Ayiwa, lon dɔ, masacɛ Baalitazari ka ɲanagbɛba dɔ kɛ, k’a ta jamana mɔgɔbaw ladiya. O tun ye mɔgɔ waga kelen. Masacɛ ka duvɛn min ni a ta mɔgɔbaw ye.

ALA KA KUMA

¹ Masacɛ Balitazari ye dumuniba labɛn a ka mɔgɔbaba waa kelen ye. A ye duvɛn min n'u ye.

Daniyɛli 5:1 Iomraidhean Croise

Damina 40:20

Ayiwa, tere saba nana dafa, ka bɛn Farawona worolon kunbɛn ma. O ɲanagbɛ ra, a ka domuniba dɔ tobi a ta jamana ɲamɔgɔw bɛɛ ye. A ka minnifɛndibagaw kuntigi ni burujɛnibagaw kuntigi labɔ kaso ra a ta jamana ɲamɔgɔw ɲa na.

Ɛsitɛri 1:3

A ta masaya san sabanan na a ka ɲanagbɛba dɔ labɛn a ta kuntigiw ni a ta jamana ɲamɔgɔw ye. Pɛrɛsikaw ni Mɛdikaw ta kɛrɛkuntigiw fana tun bɛ ni a ye, ani jamanatigiw ni jamana ɲamɔgɔw.

Ezayi 22:12

O lon na, Matigi, Fangatigi Ala tun k’a fɔ aw ye ko aw ye kasi, ka maɲumankokasi kɛ, ka aw kun li, ka bɔrɔfaniw don aw yɛrɛ ra.

Ezayi 22:14

Fangatigi Ala ka nin kuma fɔ k’a don ne toro ra; a ko: «Fɔ ka taga se aw ta saya ma nin terenbariyakow tɛna yafa aw ma fiyewu!» Matigi, Fangatigi Ala ko ten.

Yeremi 50:35

«Aw ye kɛrɛkɛmuru ta Babilɔnikaw kama! Matigi Ala ko ten. Aw ye kɛrɛkɛmuru ta Babilɔni dugumɔgɔw kama! Aw ye kɛrɛkɛmuru ta o ta fagamaw, ani o ta hakiritigiw kama!

Yeremi 51:39

Ni o ta nege wurira o nɔ fɛ kosɛbɛ tuma min na, o tuma, ne bɛna ɲanagbɛba labɛn o ye; k’a to o ye min fɔ ka ɲanamini, ka o jusu diya kosɛbɛ; o kɔ, o bɛ sunɔgɔ banbari kɛ, o tɛna wuri sunɔgɔ min na ka ye; Matigi Ala ko ten.

Yeremi 51:57

«Ne bɛna o ta kuntigiw ni o ta hakiritigiw lamin fɔ ka o ɲanamini, ani o ta jamanatigiw, ni o ta ɲamɔgɔw, ni o ta cɛfariw. O bɛna sunɔgɔ banbari le kɛ, o tɛna wuri sunɔgɔ min na ka ye. Masacɛ le ko ten, masacɛ min tɔgɔ ye ko Fangatigi Ala.

Daniyɛli 5:30

Nka o lon yɛrɛ su fɛ, o ka Babilɔni ta masacɛ Baalitazari faga.

Nahɔmu 1:10

Hali ni o melegenin bɛ ɲɔgɔn na i ko ŋaniyiriw, hali ni o minna ka fa, a bɛna o jɛni ka ban, i ko binjalan.