Daniyɛli 4:8 - Jula NT of Côte d’Ivoire

⁸ O yiri bonyara, ka bonya, fɔ ka taga a kun se sankolo ma; mɔgɔw tun bɛ to dunuɲa yɔrɔ bɛɛ ra k’a ye.

ALA KA KUMA

⁸ Yiri nin boɲana ka kɛ yiriba ye! A kuun sera sankolo ma. A be ye fɔɔ diɲɛ daan na.

Daniyɛli 4:8 Iomraidhean Croise

Damina 41:38

Farawona k’a fɔ a ta jamana ɲamɔgɔw ye ko: «An bɛ se ka mɔgɔ juman le sɔrɔ tuun Ala ka hakiri di min ma i ko nin cɛ?»

Ezayi 46:1

Bɛli dɛsɛra, Nebo baraka banna; o ka o jow siri bɛganw le kɔ ra, donitabɛganw. Aw tun bɛ o jo minw ɲu fɔlɔfɔlɔ ka taga ni o ye, olugu le kɛra doni ye bɛganw kɔ ra, fɔ ka bɛganw sɛgɛ!

Ezayi 63:11

O ra, o hakiri jigira wagati tɛmɛninw na, wagati min Musa tun bɛ ni a ta mɔgɔw ye. O ko: «Ala min ka a ta mɔgɔw labɔ kɔgɔji kɔnɔ, ka sagagbɛnbaga ni a ta sagaw labɔ, ale bɛ min sa? Ala min tun k’a ta Nin Saninman lajigi o cɛ ra, ale bɛ min sa?

Yeremi 50:2

«Aw ye nin fɔ siya tɔw ye, k’a to o y’a mɛn; aw ye tagamasiyɛn dɔ kɔrɔta, k’a lakari bɛɛ ye. Aw kana a dogo, aw y’a fɔ ko: ‹Babilɔni minana, Bɛli maroyara, Merodaki jigi tigɛra! O ta batofɛnw maroyara, o ta jow jigi tigɛra!›

Ezekiyɛli 17:23

Ne bɛna a turu Izirayɛli kuruw bɛɛ ra jamijan le kunna. A bɛna wuri ka yiriborow bɔ, ka den, ka kɛ sɛdiriyiri cɛɲumanba ye. Kɔnɔ suguyaw bɛɛ bɛna sigi a jukɔrɔ; kɔnɔ suguyaw bɛɛ bɛna sigi a yiriborow suma ra.

Daniyɛli 1:7

Baaradenw kuntigi ka tɔgɔ wɛrɛw la o ra. A ka Daniyɛli tɔgɔ la ko Bɛlisasari, ka Hananiya tɔgɔ la ko Sadaraki, ka Misahɛli tɔgɔ la ko Mesaki, ka Azariya tɔgɔ la ko Abɛdi Nego.

Daniyɛli 2:11

Masacɛ, i ka min fɔ, o ka gbɛlɛn. Mɔgɔ si tɛ se ka nin ko fɔ masacɛ ye, ni an ta alaw tɛ, k’a sɔrɔ olugu fana tɛ adamadenw cɛ ra yan.»

Daniyɛli 2:26

Masacɛ ka Daniyɛli ɲininka. O tun bɛ Daniyɛli wele ko Bɛlisasari. Masacɛ ko: «Yala can lo ko ele bɛ se ka ne ta siko fɔ ne ye, k’a kɔrɔ fana fɔ ka la a kan wa?»

Daniyɛli 3:14

A ka o ɲininka ko: «Sadaraki ni Mesaki ni Abɛdi Nego, yala can lo ko aw banna ko aw tɛ ne ta alaw bato, ani ko ne ka batofɛn saninlaman min lalaga ko aw tɛ o bato wa?

Daniyɛli 4:18

ani a flaburuw tun cɛ ka ɲi, a denw tun ka ca, fɔ danfɛnw bɛɛ tun bɛ o ta domuni sɔrɔ a ra, ani kongosogow tun bɛ na la a suma ra, kɔnɔw tun bɛ o ta ɲagaw la a yiriborow ra,

Daniyɛli 4:9

A flaburuw tun cɛ ka ɲi; a denw tun ka ca fana. Danfɛnw bɛɛ tun bɛ o ta domuni sɔrɔ a ra. Kongosogow tun bɛ na la a suma ra, kɔnɔw tun bɛ o ta ɲagaw la a yiriborow ra. Danfɛnw bɛɛ tun bɛ baro a yiridenw le ra.

Daniyɛli 5:14

O ka i ko fɔ ne ye, ko Ala saninman yɛrɛ ta hakiri le bɛ i fɛ, ko mɔgɔ bɛ se ka faamuri ni lɔnniya ni hakiritigiya sɔrɔ i fɛ, hakiritigiya min tɛ sɔrɔ mɔgɔ si fɛ.