Daniyɛli 4:32 - Jula NT of Côte d’Ivoire

³² Dugukolo mɔgɔw bɛɛ lajɛnnin tɛ a ɲa na foyi ye. Ni min k’a diya, a bɛ o le kɛ sankolokɔnɔfɛnw na; dugukolo mɔgɔw fana ta bɛ ten. Mɔgɔ si tɛ se k’a ta baara lalɔ, walama k’a ɲininka ko: ‹Mun na i ka nin kɛ?›

ALA KA KUMA

³² Adamadenw te foyi ye a ɲana. Sankolo la setigiw faan fɛ, adamadenw faan fɛ, min ka d'a ye, a b'o le kɛ. Mɔgɔ si te se ka Ala bali koo la, mɔgɔ si te se k'a sɔsɔ.

Daniyɛli 4:32 Iomraidhean Croise

Lok 2nan 33:13

A ka Ala daari minkɛ, Ala k’a jaabi. Ala k’a ta makarikan lamɛn, k’a lasekɔ ka taga a ta masaya ra Zeruzalɛmu. O le ra, Manase k’a lɔn ko Matigi Ala le ye Ala ye.

Ayuba 42:2

Ne k’a lɔn ko fɛn bɛɛ se bɛ ele ye; ko foyi tɛ i ta kolatigɛnin si bari.

Ayuba 9:12

Ni a ka fɛn min mina, jɔn le bɛ se ka o bɔsi a boro? Jɔn le bɛ se k’a fɔ a ma ko: «I bɛ mun le kɛra tan?»

Zaburu 115:3

Anw ta Ala bɛ san fɛ, ni ko o ko k’a diya, a bɛ o kɛ.

Zaburu 135:6

Ni ko o ko ka Matigi Ala diya, a bɛ o kɛ, sankolo kɔnɔ, ani dugukolo kan, ani kɔgɔji n’a dunmanyɔrɔw bɛɛ ra.

Bɔri 8:10

O ka o cɛ ka o tonton ɲɔgɔn kan. A torira, k’a kasa kɛ jamana yɔrɔ bɛɛ ra.

Bɔri 9:14

Ni o tɛ, sisan kɔni ne bɛna tɔɔrɔ min lase i ni i ta jamana ɲamɔgɔw, ani i ta jamana mɔgɔw bɛɛ ma, o bɛna juguya kosɛbɛ. Ne bɛna o kɛ janko i ye a lɔn ko dugukolo bɛɛ kan, mɔgɔ si tɛ se ka a yɛrɛ suma ni ne ye.

Bɔri 9:29

Musa k’a fɔ Farawona ye ko: «Ni ne bɔra dugu kɔnɔ tuma min na, ne bɛna ne boro kɔrɔta Matigi Ala ma, k’a daari. Sanpɛrɛn ni sanbɛrɛ bɛna lɔ; janko i ye a lɔn ko dugukolo ye Matigi Ala ta le ye.

Ezayi 37:20

O ra, Matigi Ala, an ta Ala, an kisi ka bɔ Senakeribu boro, k’a to dunuɲa masayaw bɛɛ y’a lɔn ko ele kelenpe le ye Matigi Ala ye.»

Ezayi 40:15

A flɛ, siyaw bɛ i ko jiden kelen tɔninin minan kɔnɔ, o bɛ i ko kɛnkɛnden kelen, sumanikɛminan kɔnɔ; Matigi Ala bɛ kɔgɔji kɔfɛjamanaw lawuri i ko buguri.

Ezayi 40:17

Siyaw bɛɛ lajɛnnin tɛ foyi ye a ɲa kɔrɔ; a bɛ o bɛɛ jate i ko fɛn ɲacintanw, i ko fɛngbansanw.

Ezayi 45:3

Ne bɛna naforo dogoninw di i ma, naforo minw bɛ gundo yɔrɔw ra, janko i y’a lɔn ko ne le ye Matigi Ala ye, Izirayɛli ta Ala, min bɛ i wele i tɔgɔ ra.

Yeremi 27:5

‹Ne Ala le ka dugukolo dan, ani adamadenw ni bɛgan minw bɛ dugukolo kan; ne ka o dan ne ta sebagayaba ni ne ta fanga sababu ra. Ni mɔgɔ min ka ne diya, ne bɛ o fɛnw tigiya di o tigi le ma.

Daniyɛli 2:21

Ale le bɛ se ka wagatiw ni ko nataw yɛlɛma k’a kɛ a sago ye. A bɛ masa dɔ wuri ka dɔ sigi. A bɛ hakiritigiya di hakiritigiw ma, ka lɔnniya di kolɔnbagaw ma.

Daniyɛli 4:31

«Ayiwa, Ala tun ka wagati min latigɛ, o dafara minkɛ, ne, Nebukadinɛsari, ne ka ne ɲa kɔrɔta ka flɛri kɛ san fɛ. Ne hakiri kɔsegira ne ma. Ne ka baraka la Ala kɔrɔtaninba ye, k’a tando, k’a bonya, ale min ye Ala banbari ye. A ta kuntigiya ye kuntigiya banbari le ye; a ta masaya bɛ yi wagati bɛɛ, ani tuma bɛɛ.

Daniyɛli 5:21

O k’a gbɛn ka bɔ adamadenw cɛ ra. A hakiri kɛra i ko bɛganw ta. A tagara to bin kɔnɔ ni kongofaliw ye, ka bin ɲimi i ko misi. Gɔmiji k’a ɲigi bin kɔnɔ yi, fɔ lon min a yɛrɛ nana lɔ a ra, ko Ala kɔrɔtaninba ta masaya le bɛ adamadenw ta masaya kunna, ko ni mɔgɔ min ko diyara Ala ye, a bɛ masaya di o tigi le ma.

Yosuwe 4:24

A ka nin kow kɛ, janko dugukolo siyaw bɛɛ y’a lɔn ko ale Matigi Ala ta sebagaya ka bon, ani janko aw ye siran Matigi Ala ɲa tuma bɛɛ.»