Daniyɛli 4:31 - Jula NT of Côte d’Ivoire

³¹ «Ayiwa, Ala tun ka wagati min latigɛ, o dafara minkɛ, ne, Nebukadinɛsari, ne ka ne ɲa kɔrɔta ka flɛri kɛ san fɛ. Ne hakiri kɔsegira ne ma. Ne ka baraka la Ala kɔrɔtaninba ye, k’a tando, k’a bonya, ale min ye Ala banbari ye. A ta kuntigiya ye kuntigiya banbari le ye; a ta masaya bɛ yi wagati bɛɛ, ani tuma bɛɛ.

ALA KA KUMA

³¹ «Loon nunu dafara tuma min na, ne Nabukodonozɔri ye n ɲaa kɔrɔta sanfɛ, ne hakili sigira tugu. Ne ye Fɛɛn bɛɛ kuntigi fo, k'a tanu. Ale min be yen tuma bɛɛ, ne y'ale boɲa. «A ka masaya ye waati bɛɛ koo ye, a ka fanga te ban abada!

Daniyɛli 4:31 Iomraidhean Croise

Damina 14:18

Ayiwa, Salɛmu dugu masacɛ, min ye Mɛlikisedɛki ye, ale nana Iburama fɛ ni buru ye, ani duvɛn. Ale tun ye Ala Kɔrɔtaninba ta sarakalasebaga le ye.

Ayuba 20:23

Wagati min a b’a kɔnɔbara fara, o wagati le ra, Ala bɛna a ta dimiba lajigi a kan, ka o bɔn a fari kan ka o kɛ a ta domuni ye.

Zaburu 145:13

I ta masaya ye masaya wuribari le ye, i ta fanga bɛ yi wagati bɛɛ, ani tuma bɛɛ. Matigi Ala bɛ a ta darakan bɛɛ dafa, a bɛ ɲumanya kɛ a ta danfɛnw bɛɛ ye.

Zanaw 29:23

Adamaden ta yɛrɛbonya le bɛ dɔgɔyari lase a ma, nka mɔgɔ majiginin bɛ bonya sɔrɔ.

Ezayi 14:27

Fangatigi Ala ka nin ko latigɛ ka ban; jɔn le bɛ se k’a bari? A boro kɔrɔtanin lo; jɔn bɛ se k’a lalɔ?

Daniyɛli 12:7

Lɛnfani donbaga min tun lɔnin bɛ baji kan, ne ka ale kumakan mɛn; a k’a kininboro wuri, k’a numanboro fana wuri san fɛ, ka kari Ala banbari tɔgɔ ra, k’a fɔ ko: ‹Nin kow bɛna kɛ ka se fɔ wagati kelen, ani wagati fla, ani wagati tarancɛ. Ni Ala ta mɔgɔ saninmanw baraka nana ban tuma min na pewu, nin kow bɛ sɔrɔ ka kɛ.›

Daniyɛli 4:24

«Ayiwa, o ra, masacɛ, sabari ka sɔn ne ta kuma ma. I ta jurumunkow dabla, ka terenninya sira ta; juguya dabla, ka hina ɲanibagatɔw ra. Ni o kɛra, Ala bɛ se ka dɔ fara i ta hɛra kan.»

Daniyɛli 4:26

Karo tan ni fla tɛmɛnin kɔ, Daniyɛli ta kuma kɔ fɛ, lon dɔ, ka masacɛ to a bɛ yaalayaalara a ta masaso sankaso kunna Babilɔni, a ka dugu flɛ,

Daniyɛli 4:30

O yɔrɔnin bɛɛ, o kuma kɛra can ye; o ko sera Nebukadinɛsari ma. O k’a gbɛn ka bɔ adamadenw cɛ ra, k’a bla ni kongosogow ye bin na. A ka bin ɲimi i ko misi; a tun bɛ si kɛnɛ ma, gɔmiji bɛ to k’a ɲigi. A kunsigiw nana janya k’a kɛ i ko bɔn kaman siw. A sɔninfaraw janyara k’a kɛ i ko kɔnɔw ta.

Daniyɛli 4:32

Dugukolo mɔgɔw bɛɛ lajɛnnin tɛ a ɲa na foyi ye. Ni min k’a diya, a bɛ o le kɛ sankolokɔnɔfɛnw na; dugukolo mɔgɔw fana ta bɛ ten. Mɔgɔ si tɛ se k’a ta baara lalɔ, walama k’a ɲininka ko: ‹Mun na i ka nin kɛ?›

Daniyɛli 4:34

O kosɔn, ne Nebukadinɛsari, ne bɛ Masa Ala, sankolo tigi tando, k’a kɔrɔta, k’a bonya. A ta kokɛtaw bɛɛ bɛnnin lo, a ta siraw bɛɛ terennin lo. Mɔgɔ o mɔgɔ bɛ a yɛrɛ bonya, a bɛ o majigi.»

Daniyɛli 5:20

Nka yɛrɛbonya nana don a ra tuma min na, ani a k’a jusukun gbɛlɛya minkɛ, fɔ ka kɛ wasobagaba ye, Ala k’a bɔ masaya ra, k’a ta bonya bɛɛ bɔ a kan.

Daniyɛli 5:28

Parisini, o kɔrɔ ye ko ‹a taranna›. Ala ka i ta masaya bɔ i bɔrɔ, k’a taran, ka dɔ di Mɛdikaw ma, ka dɔ di Pɛrɛsikaw ma.»

Daniyɛli 6:27

A ko: «Ne bɛ nin fɔ aw ye k’a gbɛlɛya, ko ne ta jamana yɔrɔ bɛɛ ra, mɔgɔ bɛɛ ye siran Daniyɛli ta Ala ɲa, k’a bonya. Ale le ye Ala ɲanaman ye, ani Ala banbari; a ta masaya tɛna cɛn ka ye, dan tɛ a ta kuntigiya fana ra.

Matiyu 3:17

Kumakan dɔ bɔra sankolo kɔnɔ ko: «Nin le ye ne Dencɛ kanunin ye; a ko ka di ne ye haali.»

Luka 12:20

Nka Ala ko a ma ko: ‹Naloman! Bi su nin na yɛrɛ, i nin bɛna mina i ra. I ka fɛn minw lajɛn i yɛrɛ ye, o bɛna kɛ jɔn ta le ye sa?› »

Yuhana 12:28

Ne Fa, i tɔgɔ bonya!» Kumakan dɔ bɔra sankolo ra ko: «Ne k’a bonya ka ban, nka ne bɛna a bonya kokura tuun.»

Tes fɔlɔ 5:3

Tuma min na mɔgɔw bɛna kɛ a fɔ ye ko: «An bɛ hɛra ra! An laganfiyara!» O tuma le ra cɛnriba bɛna bara ka cun o kan, i ko kɔnɔdimi bɛ bara muso lasiritɔ ra cogo min na; o tɛna bɔsi fiyewu.

Yirari 16:7

Ne ka sarakajɛnifɛn* kan mɛn, ko: «Can lo, Matigi Ala Sebɛɛtigi; i ta kolatigɛninw bɛ kɛ ka kaɲa ni can ni terenninya le ye.»

Sam fɔlɔ 13:14

Nka sisan i ta masaya tɛna mɛɛn tuun. Matigi Ala k’a yɛrɛ diyanyamɔgɔ ɲini, a bɛna min sigi k’a kɛ a ta mɔgɔw kuntigi ye; sabu Matigi Ala tun ka ci min fɔ ele ye, ele ma o kɛ.»

Sam fɔlɔ 15:23

Ka muruti Matigi Ala ma, o ni lagbɛrikɛ ta jurumun bɛɛ ka kan. Ka i yɛrɛ bonya, o ni jobato jurumun bɛɛ ka kan. I banna Matigi Ala ta kuma ma minkɛ, Matigi Ala fana bɛ ban ele ra, ka i wuri ka bɔ masaya ra.»