Daniyɛli 4:11 - Jula NT of Côte d’Ivoire

¹¹ A pɛrɛnna k’a fɔ ko: Aw ye yiri ben k’a borow bɛɛ tigɛtigɛ. Aw ye a yuguyugu k’a flaburuw bɛɛ bɔn dugu ma, k’a yiridenw bɛɛ burun ka o yɛrɛgɛ; kongosogow ye bori ka bɔ a jukɔrɔ, kɔnɔw fana ye bori ka bɔ a yiriborow ra.

ALA KA KUMA

¹¹ A pɛrɛnna kosɔbɛ k'a fɔ ko: Aw ka yiri nin ben, k'a bolow tigɛ, k'a furaburu bɔ, k'a deenw yɛrɛkɛ! Kongosogow ka boli ka bɔ a kɔrɔ, kɔnɔw ka wili ka bɔ a kan!

Daniyɛli 4:11 Iomraidhean Croise

Damina 11:4

O ko: «Aw y’a to an ye dugu dɔ lɔ, ani sankasojan dɔ; k’a janya fɔ a ye se sankolo ma. O ye kɛ tagamasiyɛn ye, k’a to an ye tɔgɔ sɔrɔ, janko an kana na yɛrɛgɛ ka taga dugukolo fan bɛɛ ra.»

Ezekiyɛli 31:12

Siya wɛrɛ mɔgɔw bɛɛ ra mɔgɔ farimanw, olugu k’a tigɛ k’a ben, ka taga k’a to yi. A yiriborow benbenna kuruw kan, ani kurufurancɛw bɛɛ ra. A yiriboromisɛnw karikarira ka benben jamana dingakolonw bɛɛ kɔnɔ. Dunuɲamɔgɔ minw bɛɛ tun bɛ sigi a suma kɔrɔ, olugu bɔra a kɔrɔ, k’a kelen to yi.

Ezekiyɛli 31:5

O kosɔn a tun janyara ka tɛmɛ kongoyiri tɔw bɛɛ kan; a yiriborow cayara, a yiriboromisɛnw janyara, sabu a wuritɔ, ji caman tun b’a kɔrɔ.

Matiyu 11:23

Ayiwa, Kapɛrinahumukaw, aw do? Aw b’a miiri ko aw ta dugu bɛna bonya ka se fɔ sankolo ma wa? Fiyewu! Aw bɛna jigi le ka se fɔ jahanama kɔnɔ; sabu kabako minw kɛra aw fɛ, ni o ɲɔgɔn tun kɛra Sodɔmu, o dugu tun bɛna to a nɔ ra fɔ ka na se bi ma.

Sariya 9:1

Izirayɛlimɔgɔw, aw ye lamɛnni kɛ! Aw bɛna Zuridɛn ba tigɛ bi. Siya minw ka ca ni aw ye, ani minw baraka ka bon ni aw ta ye, aw bɛna taga olugu ta jamanaw mina, ani o ta dugu barakaman minw lamininin bɛ ni kogojanw ye k’a wuri fɔ san fɛ.