Daniyɛli 3:25 - Jula NT of Côte d’Ivoire

²⁵ Masacɛ ko: «O bɛɛ n’a ta, ne ɲa bɛ cɛ naani le ra, o bɛ yaalayaalara tasuma cɛ ma, o si sirinin tɛ; tasuma ma nɔ bla o si ra fana. A naaninan cogoya bɔra alaw ta mɔgɔ dɔ le fɛ.»

ALA KA KUMA

²⁵ Masacɛ ko: «Ne ɲaa be mɔgɔ naani na, u si sirinin tɛ, u be taamana tasuma kɔnɔ. Tasuma te foyi kɛra u la. Mɔgɔ naaninan bɔnin be batofɛn dɔ fɛ.»

Daniyɛli 3:25 Iomraidhean Croise

Ayuba 1:6

Ayiwa, lon dɔ Ala ta mɛlɛkɛw nana lɔ Matigi Ala ɲa kɔrɔ; Setana fana nana lɔ o cɛ ra.

Ayuba 38:7

wagati min sɔgɔmada ta lolow tun bɛ jɛnna ka dɔnkiri la ka ninsɔndiya ɲɔgɔn fɛ, ani wagati min Ala ta mɛlɛkɛw bɛɛ tun bɛ ɲagarira fɔ ka pɛrɛn?

Ayuba 5:19

Deguko wɔɔrɔ bɛ se i ma, nka Ala bɛ i bɔsi a bɛɛ ra; hali n’a wolonflanan ka kɛ, foyi t’i sɔrɔ.

Zaburu 34:7

Ni ɲanibagatɔ ka Matigi Ala wele, a b’a lamɛn; a b’a kisi ka bɔ a ta degukow bɛɛ ra.

Zanaw 30:4

Jɔntigi le yɛlɛnna ka taga sankolo kɔnɔ ka sekɔ ka na ka ye? Jɔntigi le ka fɔɲɔ mina a boro kɔnɔ ka ye? Jɔntigi le ka ji mina k’a don a ta deregeba jukɔrɔ ka ye? Jɔntigi le ka dugukolo danw bɛɛ sigi? A tigi tɔgɔ ye di? A dencɛ fana tɔgɔ ye di? Ni i ka o lɔn, a fɔ!

Ezayi 43:2

Hali ni aw bɛ jibaw le cɛtigɛ, ne bɛna to ni aw ye; hali ni aw bɛ baji le cɛtigɛ, ji tɛna aw datugu. Hali ni aw bɛ tagama tasuma cɛ ma, a tɛna aw jɛni, tasumamana tɛna se aw ma.

Yeremi 1:19

O bɛna i kɛrɛ, nka o tɛna se i ra sabu ne bɛ ni i ye, ne bɛ i tanga. Matigi Ala ko ten.»

Yeremi 1:8

I kana siran o ɲa, sabu ne bɛna kɛ ni i ye, ne bɛna i tanga. Matigi Ala ko ten.»

Yeremi 15:21

Ne bɛna i bɔsi ka bɔ mɔgɔjuguw boro, ne bɛna i kisi ka bɔ mɔgɔ jusu farimanw boro.»

Daniyɛli 3:18

Nka hali ni a ma an kisi, i ye a lɔn ka la a ra, masacɛ, ko an kɔni tɛna i ta alaw bato fiyewu, walama i ka i ta batofɛn saninlaman min lalaga, ka o bato.»

Daniyɛli 3:24

Dɔɔnin kɛra, Nebukadinɛsari barara ka wuri ka lɔ; a kabakoyara. A k’a ta jamana ɲamɔgɔw ɲininka ko: «O tuma an ma cɛ saba le siri ka o firi tasuma ra wa?» O ka masacɛ jaabi ko: «Masacɛ, cɛ saba le firira tasuma ra.»

Daniyɛli 3:28

Nebukadinɛsari ka kuma ta, k’a fɔ ko: «An ye Sadaraki ni Mesaki ni Abɛdi Nego ta Ala tando. Ale le k’a ta mɛlɛkɛ ci ka na a ta baaradenw bɔsi, sabu o lara o ta Ala ra. O banna ne masacɛ ta kuma ma, ka sɔn ka o farikolo di a ye jɛni, sani o ye ala wɛrɛ bonya, ka ala wɛrɛ bato, min tɛ o ta Ala ye!

Daniyɛli 6:23

Ne ta Ala k’a ta mɛlɛkɛ ci ka na jaraw da datugu, o si ma se ka foyi kɛ ne ra, sabu Ala k’a ye ko ne jarakibari lo; ne ma kojugu si kɛ ele fana ra, masacɛ.»

Marika 16:18

hali ni o ka sa mina, walama ni o ka minnifɛn dɔ min, min bɛ se ka mɔgɔ faga, o tɛna foyi kɛ o ra. O bɛna o boro la banabagatɔw kan ka Ala daari ka o kɛnɛya.»

Luka 1:35

Mɛlɛkɛ ka a jaabi ko: «Nin Saninman* bɛna jigi i kan, Ala Kɔrɔtaninba ta sebagaya bɛna i datugu i ko yirisuma. O le kosɔn, i bɛna dencɛ saninman min woro, o bɛna wele ko Den min bɔra Ala ra*.

Kɛwalew 28:5

Nka Pɔli ka a boro yuguyugu ka sa ben tasuma ra; Pɔli yɔrɔ si ma a dimi.

Rɔmukaw 1:4

nka ka kaɲa ni Nin Saninman* ye, a kununa ka bɔ saya ra minkɛ, Ala k’a yira o fɛ ni a ta sebagaya ye, ko Den* min bɔra ale ra, ko o lo.

Piy fɔlɔ 3:13

Ayiwa, ni aw jijara koɲuman na, jɔn le bɛna aw tɔɔrɔ o kosɔn?