Daniyɛli 3:17 - Jula NT of Côte d’Ivoire

¹⁷ Nka hali ni o ka anw firira tasumaba cɛ ma, anw ta Ala, an bɛ Ala min bato, ale bɛ se ka an kisi tasumaba ma; ale bɛna an kisi fana ka bɔ ele masacɛ boro.

ALA KA KUMA

¹⁷ Ni u y'an fili tasuma kɔnɔ, anw be Ala min bato, ale be se k'an kisi tasuma nin ma, ani k'an bɔsi ele masacɛ bolo.

Daniyɛli 3:17 Iomraidhean Croise

Damina 17:1

Ayiwa, Iburama nana san bikɔnɔntɔn ni kɔnɔntɔn sɔrɔ tuma min na, Matigi Ala k’a yɛrɛ yira a ra, k’a fɔ a ye ko: «Ne le ye Ala Sebɛɛtigi ye. Tagama ne ɲa kɔrɔ, ka kɛ mɔgɔ jusukungbɛnin ye.

Damina 18:14

Fɛn juman le bɛ se ka gbɛlɛya fɔ ka Matigi Ala kaɲa? San wɛrɛ ɲɔgɔntumasi, ne bɛna na i fɛ yan; o tuma Saran bɛna dencɛ sɔrɔ.»

Ayuba 34:29

Nka ni Ala jera, jɔn bɛ se k’a jaraki? Ni a k’a ɲada dogo, jɔn bɛ se k’a ye? O bɛɛ n’a ta, a bɛ min kɛ siyaw ra, a bɛ se ka o kelen kɛ adamadenw bɛɛ ra;

Ayuba 5:19

Deguko wɔɔrɔ bɛ se i ma, nka Ala bɛ i bɔsi a bɛɛ ra; hali n’a wolonflanan ka kɛ, foyi t’i sɔrɔ.

Zaburu 115:3

Anw ta Ala bɛ san fɛ, ni ko o ko k’a diya, a bɛ o kɛ.

Zaburu 37:39

Mɔgɔ terenninw ta kisiri bɛ bɔ Matigi Ala le ra; ale le ye o dogoyɔrɔ ye o degu wagatiw ra.

Zaburu 37:40

Matigi Ala bɛ o dɛmɛ, ka o bɔsi; a bɛ o bɔsi mɔgɔjuguw boro ka o kisi, sabu o ka o yɛrɛ karifa ale le ma.

Zaburu 73:20

Mɔgɔ bɛ min ye siko ra, ni i kununa, o bɛ tunu cogo min na, Matigi, i bɛna o mɔgɔw latunu o cogo le ra.

Ezayi 12:2

Can lo, Ala le ye ne Kisibaga ye! Ne jigi b’a kan, ne ja tɛna tigɛ; sabu Matigi Ala, Matigi Ala le ye ne ta baraka ye, ani ne ta dɔnkirila sababu; ale le ye ne kisibaga ye.»

Ezayi 54:14

I bɛna sabati terenninya sababu ra, i bɛna bɔsi mɔgɔw ta tɔɲɔri boro, i tɛna siran foyi ɲa, i bɛna bɔsi jatigɛkow boro, foyi tɛna se i ma tuun.

Yeremi 1:8

I kana siran o ɲa, sabu ne bɛna kɛ ni i ye, ne bɛna i tanga. Matigi Ala ko ten.»

Yeremi 15:20

Ne bɛna i kɛ nin mɔgɔw fɛ i ko siranɛgɛkogo barakaman; o bɛna i kɛrɛ, nka o tɛna se i ra, sabu ne bɛna kɛ ni i ye, janko ka i kisi, ka i bɔsi; Matigi Ala ko ten.

Yeremi 15:21

Ne bɛna i bɔsi ka bɔ mɔgɔjuguw boro, ne bɛna i kisi ka bɔ mɔgɔ jusu farimanw boro.»

Daniyɛli 3:26

O kɔ, Nebukadinɛsari gbarara tasumaba kɔrɔ. A ko: «Sadaraki, Mesaki, Abɛdi Nego, Ala kɔrɔtaninba ta baaradenw, aw ye bɔ ka na yan!» Sadaraki ni Mesaki ni Abɛdi Nego bɔra tasuma ra.

Daniyɛli 6:16

Nka o mɔgɔw teliyara ka na a fɔ masacɛ ye k’a gbɛlɛya tuun ko: «Masacɛ, i yɛrɛ k’a lɔn ko Mɛdikaw ni Pɛrɛsikaw ta sariya ra, ni fɛn o fɛn sɛbɛra, ka masacɛ boronɔ la a kan ka ban, o tɛ se ka yɛlɛma tuun dɛ!»

Daniyɛli 6:23

Ne ta Ala k’a ta mɛlɛkɛ ci ka na jaraw da datugu, o si ma se ka foyi kɛ ne ra, sabu Ala k’a ye ko ne jarakibari lo; ne ma kojugu si kɛ ele fana ra, masacɛ.»

Daniyɛli 6:27

A ko: «Ne bɛ nin fɔ aw ye k’a gbɛlɛya, ko ne ta jamana yɔrɔ bɛɛ ra, mɔgɔ bɛɛ ye siran Daniyɛli ta Ala ɲa, k’a bonya. Ale le ye Ala ɲanaman ye, ani Ala banbari; a ta masaya tɛna cɛn ka ye, dan tɛ a ta kuntigiya fana ra.

Mise 7:7

Ayiwa, ne kɔni, ne ɲa lɔnin bɛ Matigi Ala le ra. Ne jigi bɛ ne kisibaga Ala le kan; ne ta Ala bɛna ne jaabi.

Luka 1:37

Sabu foyi si tɛ Ala kaɲa.»

Kɛwalew 20:24

Nka ne tɛ ne ta saya, walama ne ɲanaman jate fɛnba ye. Min ka gbɛlɛn ne ma, o ye ko ne ye ne ta tagama kɛ ka se a dan ma, ani Matigi Yesu ka baara min karifa ne ma, ne ye o kɛ ka dafa, ka Ala ta nɛɛma Kibaro Diman* ko fɔ mɔgɔw ye.

Kɛwalew 21:13

Pɔli ko: «Aw kana kasi ten, ka ne jusu kasi. A kana dan kasorabla dama ma, hali ni ne ka kan ka sa Zeruzalɛmu, Matigi Yesu tɔgɔ kosɔn, ne sɔnna o ma.»

Rɔmukaw 8:31

Ayiwa, an bɛna mun le fɔ nin ko ra sa? Ni Ala bɛ an fɛ, jɔn le bɛ se ka wuri an kama?

Kor 2nan 1:10

Ale Ala le ka an kisi o sayajugu ma, ale le bɛna an bɔsi tuun o saya ɲɔgɔn ma. An jigi b’a kan ko siɲaga wɛrɛ a belen bɛna an bɔsi tuun,

Heburuw 7:25

O le kosɔn minw bɛ gbara Ala ra Yesu sababu ra, a bɛ se ka olugu kisi wagati bɛɛ ka bɔ jurumun bɛɛ ra, sabu a ɲanaman lo wagati bɛɛ, a bɛ Ala daari o ye.

Sam fɔlɔ 17:37

Matigi Ala min ka ne kisi jaraw ni warabaw ma, ale kelen le bɛna ne kisi ka bɔ nin Filisikacɛ boro.» Sawuli ko Dawuda ma ko: «Ayiwa, taga! Matigi Ala ye kɛ ni i ye.»

Sam fɔlɔ 17:46

Bi kɔni, Matigi Ala bɛna ele don ne boro; ne bɛna i faga ka i kunkolo tigɛ. Ne bɛna Filisikaw ta kɛrɛkɛdenw faga ka o sogo di kɔnɔw ni kongowaraw ma. Dunuɲa bɛɛ bɛna a lɔn ko Ala barakaman bɛ Izirayɛlimɔgɔw fɛ.