Daniyɛli 3:1 - Jula NT of Côte d’Ivoire

¹ Ayiwa, masacɛ Nebukadinɛsari nana batofɛn saninlaman dɔ lalaga. A janya tun ye nɔngɔn ɲa biwɔɔrɔ k’a bonya kɛ nɔngɔn ɲa wɔɔrɔ ye. O ka o batofɛn saninlaman lɔ Dura kɛnɛgbɛba ra, Babilɔni mara ra.

ALA KA KUMA

¹ Masacɛ Nabukodonozɔri ye mɔgɔja dɔ dilan ni sanu ye. Jaa nin jaɲa tun ye mɛtɛrɛ bi saba ye, a boɲa tun ye mɛtɛrɛ saba ye. A tun y'a lɔ Dura kɔkɛnɛ na Babilɔni mara la.

Daniyɛli 3:1 Iomraidhean Croise

Mas fɔlɔ 12:28

Ayiwa, masacɛ ka hakiri ɲini o ko ra. O kɔ, a ka misiden bisigiya fla lalaga ni sanin ye, k’a fɔ mɔgɔw ye ko: «Aw ye Zeruzalɛmu taga dabla, Izirayɛlimɔgɔw! Aw ta alaw ye nin ye! Olugu le ka aw labɔ Misiran jamana ra!»

Ɛsitɛri 1:1

Nin kow kɛra Sɛrisɛsi ta wagati le ra. O Sɛrisɛsi tɔgɔ min tun bɛ fanga ra mara kɛmɛ ni mugan ni wolonfla kunna, k’a ta Ɛndi jamana ra, ka taga a bla fɔ Etiyopi jamana ra.

Zaburu 135:15

Siya tɔw ta batofɛnw ye fɛn warigbɛramanw ni fɛn saninlamanw le ye; adamadenw yɛrɛ boro le ka o lalaga.

Bɔri 20:23

O ra, aw kana batofɛn warigbɛraman, walama a saninlaman si lalaga aw yɛrɛ ye. Aw kana batofɛn wɛrɛ fara ne kan. Aw kana o kɛ fiyewu.

Bɔri 32:31

Musa kɔsegira o le ra kuru kunna Matigi Ala fɛ. A tagara a fɔ a ye ko: «E, Matigi Ala, nin mɔgɔw ka jurumunba le kɛ. O ka batofɛn saninlaman le lalaga k’a bato.

Ezayi 2:20

O lon na, adamadenw tun ka batofɛn warigbɛramanw, ani batofɛn saninlaman minw lalaga o yɛrɛ ye, ka o kinbiri gban o kɔrɔ ka o bato, o bɛna o fɛnw firi totow ni tolenw fɛ.

Ezayi 30:22

O tuma aw ka warigbɛ la aw ta jo yiriraman minw kan, ani aw ka sanin gbasi k’a la aw ta jo nɛgɛraman minw kan, aw bɛna o fɛnw bɛɛ jate i ko fɛn saninyabariw. Aw bɛna o cɛ ka o firi, i ko fɛn nɔgɔninw, k’a fɔ o ma ko: «Aw ye taga ka bɔ yan!»

Ezayi 46:6

Dɔw bɛ o ta sanin bɛɛ bɔ bɔrɔ kɔnɔ, ka o ta warigbɛ jate ni sumanikɛnan ye; o bɛ o fɛnw di saninfagabaga ma, ko a ye ala dɔ lalaga ni o ye. O bɛna o kinbiri gban o batofɛn le kɔrɔ k’a bato!

Yeremi 10:9

O bɛ na ni warigbɛ gbasinin ye ka bɔ Tarisisi, o bɛ bɔ ni sanin fana ye Ufazi. Yirilɛsɛbaga bɛ fɛn dɔ tagamasiyɛn kɛ, saninfagabaga boro b’a lalaga. O bɛ o jow masiri ni faniɲuman bulamanw, ani a wulenmanw ye, k’a sɔrɔ o bɛɛ ye adamaden dɔ ta hakiri nɔ le ye.

Yeremi 16:20

Yala adamaden bɛ se ka ala lalaga a yɛrɛ ye wa? Ɔn-ɔn, sabu o fɛnw tɛ se ka kɛ alaw ye!› »

Daniyɛli 2:48

O kɔ, masacɛ ka Daniyɛli bonya kosɛbɛ, ka fɛnɲanaman caman di a ma. A ka Daniyɛli sigi Babilɔni* mara bɛɛ kunna, k’a kɛ lɔnnikɛbagaw bɛɛ ta ɲamɔgɔba ye.

Daniyɛli 2:49

Nka Daniyɛli ka masacɛ daari ko a ye Babilɔni mara kuntigiya di Sadaraki ni Mesaki ni Abɛdi Nego ma. Ale yɛrɛ tora masacɛ ta masaso lu kɔnɔ.

Daniyɛli 3:14

A ka o ɲininka ko: «Sadaraki ni Mesaki ni Abɛdi Nego, yala can lo ko aw banna ko aw tɛ ne ta alaw bato, ani ko ne ka batofɛn saninlaman min lalaga ko aw tɛ o bato wa?

Daniyɛli 3:30

O kɔ, masacɛ ka dɔ fara Sadaraki ni Mesaki ni Abɛdi Nego ta kuntigiya kan tuun Babilɔni mara ra.

Daniyɛli 5:23

I ka i yɛrɛ bonya, ka i yɛrɛ suma ni sankolo tigi Ala ye. I sɔnna ka Alabatosoba ta minan saninmanw le ta, ka na duvɛn min o kɔnɔ, ele ni i ta jamana mɔgɔbaw, ani i ta furumusow, ani i ta muso wɛrɛw. I ka i ta jow le tando, i ta jo warigbɛramanw, ani a saninlamanw, ani a siranɛgɛramanw, ani a nɛgɛramanw, ani a yiriramanw, ani a kabakururamanw. O jo minw tɛ yeri kɛ, o tɛ mɛnni kɛ, o tɛ foyi lɔn. K’a sɔrɔ i nin, ani i ta ko bɛɛ bɛ Ala min boro, i ma o bonya!

Daniyɛli 5:4

O ka duvɛn min ka fa tuma min na, o ka o ta jow tando: o ta jo saninlamanw, ani a warigbɛramanw, ani a siranɛgɛramanw, ani a nɛgɛramanw, ani a yiriramanw, ani a kabakururamanw.

Oze ta kitabu 2:8

«Ayiwa, a flɛ, ne bɛna ŋaniw bla a ɲa, k’a ta sira datugu; ne bɛna kogo lɔ k’a lamini, a tɛna tɛmɛsira sɔrɔ tuun.

Oze ta kitabu 8:4

O yɛrɛ ka masacɛw sigi o yɛrɛ kunna, k’a sɔrɔ ne le ma o ci. O ka kuntigiw sigi o yɛrɛ kunna, k’a sɔrɔ ne ma bɔ a kala ma. O ka o ta warigbɛw ni o ta saninw gbasi ka o kɛ batofɛnw ye, ka o kɛ sababu ye ka o yɛrɛ halaki.

Habakuki 2:19

Ele min b’a fɔ yiri ma ko: ‹I wuri!› Ele min b’a fɔ kabakuru lɛsɛnin ma, nin tɛ min na, ko: ‹I kunu!› Bɔnɔ bɛna ele sɔrɔ. O fɛnw bɛ se ka ele karan mun le ra? Sanin ni warigbɛ dɔrɔn le bɛ o kan; nin foyi tɛ o ra.

Kɛwalew 17:29

«Ayiwa, ni an ye Ala denw ye, o tuma an man kan k’a miiri ko Ala bɛ i n’a fɔ batofɛn tɔw, mɔgɔ yɛrɛ boro ka o minw lalaga ni sanin ye, walama warigbɛ, walama kabakuru, ka kaɲa ni o yɛrɛ ta miiriya ye.

Kɛwalew 19:26

Nka nin Pɔli bɛ min kɛra, aw yɛrɛ bɛ o yera, aw fana b’a mɛnna; Ɛfɛsi dugu dɔrɔn tɛ, nka a bɛ ɲini ka kɛ Azi mara bɛɛ ta ko le ye. A ka mɔgɔ caman le hakiri yɛlɛma, ka o kunnacɛn, k’a fɔ o ye ko mɔgɔ boro bɛ batofɛn minw lalaga, ko o tɛ batofɛn ye.

Sariya 7:25

Aw ye o ta batofɛn lɛsɛninw jɛni tasuma ra. Sanin ni warigbɛ minw bɛ o batofɛnw na, aw kana ɲabɔ o dɔ fɛ, ka o ta; ni o tɛ, o bɛna kɛ sababu ye ka aw lafiri. Sabu Matigi Ala, aw ta Ala bɛ o fɛnw haramuya le.

Yirari 9:20

Nka o kojugu saba ma mɔgɔ minw faga, olugu belen ma nimisa, ka o yɛrɛ ta fɛn lalaganinw batori dabla. O ma jinaw bato dabla, ani jo saninlamanw, ani a warigbɛramanw, ani a siranɛgɛramanw, ani a kabakururamanw, ani a yiriramanw; k’a sɔrɔ o fɛnw tɛ yeri kɛ, o tɛ mɛnni kɛ, o tɛ tagama.