Daniyɛli 2:5 - Jula NT of Côte d’Ivoire

⁵ Masacɛ k’a fɔ o ye ko: «Ne ka min latigɛ, o le ye nin ye: ni aw ma se ka ne ta siko fɔ ne ye, k’a kɔrɔ fana fɔ, o bɛna aw mina ka aw faga, ka aw ta sow bɛɛ ci k’a ton ɲɔgɔn kan i ko ɲamaɲama.

ALA KA KUMA

⁵ Masacɛ y'a fɔ u ye ko: «Ne y'a ŋaniya ta ko n'aw ma ne ka siko nin ɲafɔ ne ye, ani k'a kɔrɔ fɔ, aw be faga ka tigɛtigɛ, aw ka soow be kɛ ɲamaɲama filiyɔrɔ ye.

Daniyɛli 2:5 Iomraidhean Croise

Mas 2nan 10:27

Baali ja tun bɛ kabakuru min kan, o ka o cici. O yɔrɔ nana kɛ sokɔtagayɔrɔ le ye fɔ ka na se bi ma.

Ɛsidarasi 6:11

Ne bɛ min fara o kan, o ye nin ye: Ni mɔgɔ o mɔgɔ ka nin sariya cɛn, aw ye o tigi ta bon yiri dɔ bɔ, ka o yiri nunbɔ, ka o turu o tigi kɔnɔ, ka se fɔ a kɔnɔbara ra, ka sɔrɔ k’a dulon o yiri ra. O kɔ, aw ye a ta bon cici k’a kɛ i ko sununkun.

Zaburu 50:22

Aw minw bɛ ɲina Ala kɔ, aw ye nin faamu, ni o tɛ, ne bɛna aw sogo tigɛtigɛ, mɔgɔ tɛna sɔrɔ ka aw bɔsi.

Zaburu 58:7

E, Ala, o ɲinw karikari o da kɔnɔ! Matigi Ala, nin jarakanbelenw dagbagaw karikari!

Daniyɛli 2:12

O ka o kuma fɔ minkɛ, masacɛ dimina kosɛbɛ. A ko o ye Babilɔni lɔnnikɛbagaw bɛɛ faga.

Daniyɛli 3:29

O ra, ne bɛ min latigɛ sisan, o ye nin ye: ‹Mɔgɔ o mɔgɔ, ni a ka kɛ siya o siya ta mɔgɔ ye, walama jamana o jamana mɔgɔ, walama ni a ka kɛ kan o kan fɔbaga ye, ni a ka kumajugu fɔ Sadaraki ni Mesaki ni Abɛdi Nego ta Ala ma, o tigi bɛ faga, k’a ta so ci k’a ton ɲɔgɔn kan i ko ɲamaɲama; sabu Ala wɛrɛ tɛ yi, min bɛ se ka mɔgɔ kisi i ko ale.› »

Daniyɛli 4:9

A flaburuw tun cɛ ka ɲi; a denw tun ka ca fana. Danfɛnw bɛɛ tun bɛ o ta domuni sɔrɔ a ra. Kongosogow tun bɛ na la a suma ra, kɔnɔw tun bɛ o ta ɲagaw la a yiriborow ra. Danfɛnw bɛɛ tun bɛ baro a yiridenw le ra.

Sariya 13:16

Ni can lo, aw ye taga o dugumɔgɔw bɛɛ faga ni kɛrɛkɛmuru ye. Aw ye o dugu ni a kɔnɔfɛnw bɛɛ halaki ka ban pewu, ka o ta bɛganw bɛɛ faga ni muru ye.

Yosuwe 6:26

O wagati ra, Zeriko dugu cinin kɔ, Yosuwe ka nin kuma fɔ k’a gbɛlɛya Zeriko dugu ko ra; a ko: «Ni mɔgɔ o mɔgɔ wurira ko a bɛ Zeriko dugu kogo lɔ tuun, Matigi Ala yɛrɛ ye o tigi danga. A bɛ baara dabɔ lon min na, a dencɛ fɔlɔ ye sa. A bɛ dugu donda konw don lon min na, a dencɛ laban fana ye sa.»

Sam fɔlɔ 15:33

Nka Samawilu ko a ma ko: «Ele ta kɛrɛkɛmuru ka muso dɔw bɔnɔ o denw na cogo min na, o cogo kelen na, ele fana bamuso bɛna bɔnɔ a ta den dɔ ra bi.» Samawilu ka Agagi faga Matigi Ala ɲa kɔrɔ Giligali.