Daniyɛli 2:37 - Jula NT of Côte d’Ivoire

³⁷ E, masacɛ, ele le ye masacɛw ta masacɛ ye, sabu sankolo tigi Ala ka masaya ni sebagaya ni fanga ni bonya di i ma.

ALA KA KUMA

³⁷ Ele, masacɛ! Masaw ka masa! Sankolotigi Ala ye masaya d'i ma, ka setigiya ni fanga ani tɔgɔba d'i ma.

Daniyɛli 2:37 Iomraidhean Croise

Mas 2nan 25:28

A tun bɛ kuma Yehoyakini fɛ i ko a teri; masacɛ minw tun minana ka taga Babilɔni i ko ale, a ka Yehoyakini sigi olugu bɛɛ kunna.

Lok 2nan 36:23

«Ne Sirusi, Pɛrɛsi masacɛ, ne ko: ‹Matigi Ala, sankolo tigi Ala ka dugukolo masayaw bɛɛ di ne ma. A ko ne ye so dɔ lɔ ale ye Zeruzalɛmu, Zuda mara ra. Ayiwa, aw ra jɔntigiw le ye a ta mɔgɔ dɔw ye? Matigi Ala, o ta Ala ye kɛ ni o tigiw ye; o ye wuri ka taga!› »

Ɛsidarasi 1:2

«Ne, Sirusi, Pɛrɛsi jamana masacɛ le ko: Matigi Ala, sankolo tigi Ala ka dugukolo masayaw bɛɛ di ne ma. A ko ne ye Alabatoso dɔ lɔ ale ye Zeruzalɛmu, Zuda mara ra.

Ɛsidarasi 7:12

«Ne Aritasɛrisɛsi, masaw ta masa, ne le bɛ nin sɛbɛ di sarakalasebaga Ɛsidarasi ma, min ye sankolo tigi Ala ta sariyaw karamɔgɔ ye. Ne bɛ bɛɛ fo.

Zaburu 62:11

Aw kana aw jigi la tɔɲɔri kan, walama ka aw boromala sonyari kan gbansan. Hali ni naforo ka caya cogo o cogo, aw kana aw jigi la a kan.

Zanaw 8:15

Ne le sababu ra, masacɛw sigira masaya ra, ne le sababu ra, kuntigiw bɛ se ka ko terenninw latigɛ.

Ezayi 10:8

O kosɔn o ko: ‹An ta jamana ɲamɔgɔw bɛɛ tɛ masacɛw le ye fana wa?

Ezayi 47:5

«Babilɔnikaw, aw ye je ka sigi, aw ye to dibi ra; mɔgɔ tɛna aw wele tuun ko: ‹Siyaw ta masamuso!›

Yeremi 28:14

sabu Fangatigi Ala, Izirayɛli ta Ala ko: Ne bɛna nɛgɛbere le la siyaw bɛɛ kan na, janko o ye to Babilɔni masacɛ Nebukadinɛsari ta fanga kɔrɔ; o fana bɛna to a ta fanga kɔrɔ le. Ne bɛ hali kongosogow bla a ta fanga kɔrɔ.› »

Yeremi 34:1

Babilɔni masacɛ Nebukadinɛsari ni a ta kɛrɛkɛjama bɛɛ, ani jamanaw ni siya minw bɛɛ tun bɛ a ta mara kɔnɔ, o mɔgɔw bɛɛ tun bɛ Zeruzalɛmu ni a kɛrɛfɛduguw bɛɛ kɛrɛra wagati min na, Matigi Ala ka nin kuma lase Yeremi ma, ko:

Ezekiyɛli 26:7

«Sabu Dunuɲatigi Ala ko: A flɛ, ne bɛna Babilɔni masacɛ Nebukadinɛsari lana ka bɔ sahiliyanfan na Tiri dugu kama; masaw ta masa lo. A bɛna na ni sow ye, ani sowotorow, ani sotigiw, ani kɛrɛkɛden jamaba.

Daniyɛli 1:2

Matigi Ala ka Zuda masacɛ Yehoyakimu don a boro. A ka Ala ta batoso ta minan dɔw cɛ. A ka o minanw ta ka taga ni o ye a ta ala ta bon kɔnɔ Sinehari jamana ra, ka taga o bla a ta ala ta bon ta naforoblayɔrɔ ra.

Daniyɛli 2:31

«E, masacɛ! I ta siko ra, i ka mɔgɔ bisigiya dɔ le lɔnin ye, belebeleba jamijan, a bɛ manamanana. Siranyafɛnba tun lo fana.

Daniyɛli 2:44

«Nka o masayaw wagati ra, sankolo tigi Ala bɛna masaya wɛrɛ sigi. O masaya tɛna ban ka ye, siya wɛrɛ si tɛna se ka fanga bɔsi o masacɛ ra fana. A bɛna masaya tɔw bɛɛ ci ka bɔ yi; a yɛrɛ bɛna sigi a ta fanga ra wagati bɛɛ.

Daniyɛli 4:19

Masacɛ, o yiri ye ele yɛrɛ le ye. Ele ta baraka le bonyara, ka i ta fanga bonya fɔ k’a se sankolo ma. I ta masaya fanga sera fɔ dunuɲa yɔrɔ bɛɛ ra.

Daniyɛli 4:22

Lon dɔ, o bɛna i gbɛn ka bɔ adamadenw cɛ ra. I bɛna taga to ni kongosogow le ye. I bɛ bin ɲimi i ko misi. I bɛ si kɛnɛ ma, gɔmiji bɛ to ka i ɲigi, ka taga se fɔ san wolonfla, janko i ye a lɔn ko Ala kɔrɔtaninba ta masaya bɛ adamadenw ta masaya kunna; ani ko ni mɔgɔ o mɔgɔ ko diyara Ala ye, a bɛ masaya di o tigi ma.

Daniyɛli 4:25

Ayiwa, Daniyɛli ka min fɔ, o kow bɛɛ sera Nebukadinɛsari ma.

Daniyɛli 4:3

Ne ka cira bla ko o ye Babilɔni lɔnnikɛbagaw bɛɛ wele ka na, janko o ye na ne ta siko kɔrɔ fɔ ne ye.

Daniyɛli 4:32

Dugukolo mɔgɔw bɛɛ lajɛnnin tɛ a ɲa na foyi ye. Ni min k’a diya, a bɛ o le kɛ sankolokɔnɔfɛnw na; dugukolo mɔgɔw fana ta bɛ ten. Mɔgɔ si tɛ se k’a ta baara lalɔ, walama k’a ɲininka ko: ‹Mun na i ka nin kɛ?›

Daniyɛli 4:34

O kosɔn, ne Nebukadinɛsari, ne bɛ Masa Ala, sankolo tigi tando, k’a kɔrɔta, k’a bonya. A ta kokɛtaw bɛɛ bɛnnin lo, a ta siraw bɛɛ terennin lo. Mɔgɔ o mɔgɔ bɛ a yɛrɛ bonya, a bɛ o majigi.»

Daniyɛli 5:18

Masacɛ, Ala kɔrɔtaninba tun ka masaya ni tɔgɔba ni bonya ni nɔɔrɔ di i facɛ Nebukadinɛsari ma.

Daniyɛli 7:14

O ka kuntigiya ni bonya ni masaya di a ma, janko mɔgɔw bɛɛ, ani siyaw bɛɛ, ani kanw bɛɛ mɔgɔw ye baara kɛ a ye. A ta kuntigiya ye kuntigiya banbari le ye; a ta masaya fana tɛna cɛn ka ye fiyewu.»

Oze ta kitabu 8:10

Efirayimu k’a ɲamɔgɔcɛw san ni bonyafɛnw le ye. Nka hali ni o ka bonyaw di siya wɛrɛw ma, ne bɛna o lajɛn; kuntigiw ta masacɛba bɛna o minako juguya, fɔ ka o halaki.

Matiyu 6:13

I kana a to Setana ye an nɛgɛ ka an bla kojugu ra, nka an bɔsi a boro. [Sabu masaya, ani sebagaya ni bonya ye ele le ta ye wagati bɛɛ. Amina.]›

Yuhana 19:11

Yesu ka Pilati jaabi ko: «Ala le ka o se di i ma bi, ni o tɛ, se foyi si tun tɛna kɛ ele fɛ ne kan; o le kosɔn min ka ne mina ka na ne di ele ma, o tigi le ka jurumunba kɛ ka tɛmɛ ele kan.»

Yirari 1:5

ani Yesu Kirisita, min ye seere kankelentigi ye, ani min fɔlɔ kununa ka bɔ saya ra, ani min ye dunuɲa masaw bɛɛ ta Masa ye. Ale min bɛ an kanu, ani ale min ka an kisi ka bɔ an ta jurumunw na a jori baraka ra,

Yirari 17:14

O bɛna Sagaden* kɛrɛ, nka Sagaden bɛna se sɔrɔ o kan, sabu ale le ye matigiw ta Matigi ye, ani masaw ta Masa. A ta mɔgɔ weleninw, minw ye a ta mɔgɔ ɲanawolomaninw, ani a ta mɔgɔ kankelentigiw ye, olugu fana bɛna se sɔrɔ ni Sagaden ye.»

Yirari 19:16

Tɔgɔ dɔ tun sɛbɛnin bɛ a ta derege kan, ani a woto kan, ko: «Masaw bɛɛ ta Masa, matigiw bɛɛ ta Matigi.»

Yirari 4:11

«An Matigi, an ta Ala, i ka kan ni bonya ye, ani tandori, ani sebagaya; sabu ele le ka fɛn bɛɛ dan. Fɛn bɛɛ danna, fɛn bɛɛ bɛ yi, ka kaɲa ni ele sago le ye.»

Yirari 5:12

O tun b’a fɔra ni kanba ye ko: «Sagaden min fagara ka kɛ saraka ye, ale le ka kan ni sebagaya ye, ani fɛn bɛɛ tigiya, ani hakiritigiya, ani fanga, ani bonya, ani nɔɔrɔ, ani tandori.»