Daniyɛli 2:23 - Jula NT of Côte d’Ivoire

²³ Ne bɛmaw ta Ala, ne bɛ i bonya, ka i tando; sabu i ka hakiritigiya ni fanga di ne ma. An ka min daari i fɛ, i ka o yira ne ra; i ka masacɛ ta siko gundo yira an na.»

ALA KA KUMA

²³ N bɛmaw ka Ala, ne b'i fo k'i waleɲuman lɔn. Bari i ye lɔnniya ni fanga di ne ma. An tun ye min ɲini e fɛ, i y'o yira ne la. I ye masacɛ ka koo yira an na.»

Daniyɛli 2:23 Iomraidhean Croise

Damina 18:17

Matigi Ala ko: «Ne bɛna min kɛ Sodɔmu ni Gomɔri ra, yala ne bɛ se ka o dogo Iburahima ma wa?

Damina 31:42

Ne bɛmacɛ Iburahima ta Ala, ani ne facɛ Isiyaka bɛ tagama o Ala kelen min ɲasiran na, ni o Ala tun tɛ ni ne ye, ele tun bɛna ne borolakolon le bla ka taga. Ala ka ne ta sɛgɛ le ye, ani ne ta baara; o kosɔn kunu a ka nin kiti tigɛ an fla cɛ, ka nin ko latigɛ.»

Mas fɔlɔ 18:36

Wulafɛsaraka bɔwagati sera minkɛ, cira Iliya gbarara ka taga lɔ sarakabɔnan kɔrɔ, k’a fɔ ko: «Matigi Ala, Iburahima ni Isiyaka ni Izirayɛli ta Ala, a to nin mɔgɔw ye a lɔn bi ko ele le ye Ala ye Izirayɛli jamana ra, ko ne le ye i ta baaraden ye, ko ne ka nin kow bɛɛ kɛ i tɔgɔ le ra fana.

Mas fɔlɔ 8:57

An Matigi Ala ye kɛ ni an ye, i n’a fɔ a tun bɛ ni an bɛmaw ye cogo min na; a kana an to an kelen na, a fana kana ɲina an kɔ ka ye!

Lok fɔlɔ 29:10

Ayiwa, Dawuda ka baraka la Matigi Ala ye jama bɛɛ lajɛnnin ɲa na; Dawuda ko: «An bɛ baraka la i ye wagati bɛɛ, ani tuma bɛɛ, Matigi Ala, an fa Izirayɛli ta Ala,

Lok fɔlɔ 29:13

Sisan, an ta Ala, an bɛ i fo, ka i tando i tɔgɔ bonya kosɔn;

Lok 2nan 20:6

k’a fɔ ko: «Matigi Ala, an bɛmaw ta Ala, ele le tɛ Ala ye, min siginin bɛ sankolo kɔnɔ wa? Ele ta fanga le tɛ dunuɲa masayaw bɛɛ kan wa? Fanga ni sebagaya bɛ i boro; mɔgɔ si tɛ se ka lɔ ele ɲa.

Zaburu 21:2

E, Matigi Ala, masacɛ bɛ ninsɔndiya ele ta baraka le sababu ra. I k’a kisi minkɛ, o ko k’a jusu diya kosɛbɛ.

Zaburu 21:4

I nana a fɛ ni dugawu ɲanaman caman le ye; i ka sanin yɛrɛworo masafugula biri a kun na.

Zaburu 25:14

Matigi Ala b’a ɲasiranbagaw le don a ta jɛn ra; a bɛ a ta jɛnɲɔgɔnya siraw yira olugu le ra.

Zaburu 50:14

Ni i bɛ saraka bɔ Ala ye, a ye kɛ barakalari le ye; i ka dajuru minw ta Ala kɔrɔtaninba fɛ, o dafa.

Bɔri 3:15

Ala k’a fɔ tuun ko: «I bɛ taga nin fɔ Izirayɛlimɔgɔw ye ko: ‹Matigi Ala, aw bɛmaw ta Ala, Iburahima ta Ala, ani Isiyaka ta Ala, ani Yakuba ta Ala, ale le ka ne ci aw fɛ.› Ne tɔgɔ le bɛ o ye tuma bɛɛ, ani wagati bɛɛ. Wagati bɛɛ mɔgɔw bɛna ne wele o tɔgɔ le ra.

Zanaw 21:22

Hakiritigi bɛ se ka don cɛfariw ta dugu kɔnɔ, o jigi tun bɛ o ta bon barakaman min kan, a bɛ o ci.

Zanaw 24:5

Mɔgɔ hakiritigi baraka ka bon, dɔ le fana bɛ to ka fara mɔgɔ kolɔnbaga baraka kan;

Zanaw 8:14

Ladiri ni hakiriɲuman bɛ sɔrɔ ne le fɛ, ne le ye faamuri ye, sebagaya bɛ sɔrɔ ne le fɛ.

Waajurikɛbaga 7:19

Hakiritigiya bɛ hakiritigi baraka bonya ka tɛmɛ hali dugu ɲamɔgɔ cɛ tan kan.

Waajurikɛbaga 9:16

O kosɔn ne kɔni ko: Hakiritigiya ka fisa ni cɛfariya ye. Nka mɔgɔ tɛ fagantan ta hakiritigiya jate, mɔgɔ tɛ a ta kuma fana lamɛn.

Waajurikɛbaga 9:18

Hakiritigiya ka fisa ni kɛrɛkɛminanw ye, nka kojugukɛbaga kelen dɔrɔn bɛ se ka koɲuman caman cɛn.

Ezayi 12:1

O lon na, i bɛna a fɔ ko: «E, Matigi Ala, ne bɛ i fo ka i waleɲumanlɔn, sabu i tun dimina ne kɔrɔ, nka i ta dimi banna, i ka ne jusu saaro.

Yeremi 33:3

‹Ne wele, ne bɛna i jaabi; ne bɛna kobaw fɔ i ye, ani ko dogoninw, i tɛ ko minw lɔn.

Daniyɛli 1:17

Ala ka lɔnniya ni faamuri di o kanbelen naani ma o ta karan na, ka hakiritigiya fana di o ma. Ka fara o kan, Daniyɛli tun bɛ se ka ko yiraninw, ani sikow bɛɛ kɔrɔ lɔn k’a fɔ mɔgɔw ye.

Daniyɛli 2:18

A ko o ye sankolo tigi Ala daari, janko Ala ye makari o ra ka siko gundo yira o ra, janko o kana olugu ni Babilɔni lɔnnikɛbaga tɔw bɛɛ faga.

Amɔsi 3:7

O ra, Dunuɲatigi Ala tɛ foyi kɛ, ni a ma o gundo yira a ta jɔnw na, olugu minw ye a ta ciraw ye.

Matiyu 11:25

O wagati ra Yesu k’a fɔ ko: «Ne Fa Ala, sankolo ni dugukolo Matigi, ne bɛ baraka la i ye, sabu i ka nin kow dogo dunuɲa hakiritigiw, ani a kolɔnbagaw ma, k’a yira denmisɛnw na.

Luka 10:21

O wagati yɛrɛ ra, Nin Saninman* ka Yesu jusu fa ɲagari ra; a ko: «Ne Fa Ala, sankolo ni dugukolo tigi, ne bɛ baraka la i ye, sabu i ka nin kow dogo dunuɲa hakiritigiw, ani a kolɔnbagaw ma, k’a yira denmisɛnw na; can lo, ne Fa Ala, sabu o le diyara i ye.»

Yuhana 11:41

O ka kabakuru bɔ kaburu da ra. Yesu ka a ɲa kɔrɔta san fɛ ka Ala daari ko: «Ne Fa Ala, ne bɛ baraka la i ye, sabu i ka ne lamɛn.

Yuhana 15:15

Ne tɛ aw wele tuun ko baaradenw, sabu baaraden tɛ a matigicɛ ta kokɛtaw kala ma; ne bɛ aw wele ko ne teriw, sabu ne ka fɛn o fɛn sɔrɔ ne Fa fɛ ne ka aw karan o bɛɛ ra.

Yirari 1:1

Nin ye Yesu Kirisita ta ko yiraninw ye. Ala ka o kow fɔ a ye, janko a ye o yira a ta baaradenw na; sani wagati dɔɔnin, o kow bɛna kɛ. Yesu ka a ta mɛlɛkɛ ci ka na o kow yira a ta baaraden Yuhana ra.

Yirari 5:5

Cɛkɔrɔbaw ra, kelen ko ne ma ko: «I kana kasi. A flɛ, Zuda ta gba ta jara, Dawuda mamaden*, ale ka se sɔrɔ; a bɛ se ka kitabu tagamasiyɛn wolonfla bɔ, ka a dayɛlɛ.»