Daniyɛli 2:22 - Jula NT of Côte d’Ivoire

²² A bɛ fɛnbaw, ani fɛn dogoninw yira. Fɛn minw bɛ dibi ra, a ka o lɔn fana. Ale yɛrɛ siginin bɛ yeelen le cɛ ma.

ALA KA KUMA

²² Ale lo be kodogonin yira, koo minw kɔrɔ ka dun, ale lo b'o yira. Ale lo be dibikɔnɔko lɔn. Ale ka yɔrɔ ye kɛnɛ ye.

Daniyɛli 2:22 Iomraidhean Croise

Damina 41:16

Yusufu ka Farawona jaabi ko: «Farawona, ne tɛ, Ala le bɛna i ta siko kɔrɔ fɔ i ye ka ɲa.»

Ayuba 12:22

A bɛ dibirako dogoninw bɔ kɛnɛ kan, ka saya dibi bla yeelen na.

Ayuba 26:6

Lahara so dayɛlɛnin lo Ala ɲa kɔrɔ; lahara dibi yɔrɔ si dogonin tɛ Ala ma.

Zaburu 104:2

Yeelen ka i lamini i ko derege, i bɛ sankolo yɛrɛgɛ i ko fanibon.

Zaburu 25:14

Matigi Ala b’a ɲasiranbagaw le don a ta jɛn ra; a bɛ a ta jɛnɲɔgɔnya siraw yira olugu le ra.

Zaburu 36:9

I ta so fara fɛnɲuman minw na, i bɛ o di o ma fɔ ka o wasa; i bɛ koɲumanw kɛ o ye i ko mɔgɔ bɛ jiɲuman sɔrɔ k’a min cogo min na.

Waajurikɛbaga 8:1

Jɔntigi le ye hakiritigi ye? Jɔntigi le bɛ se ka kow kɔrɔ lɔn k’a fɔ? Hakiritigiya bɛ mɔgɔ ɲada manamana, a bɛ mɔgɔ ta ɲanasisi yɛlɛma k’a kɛ ninsɔndiya ye.

Ezayi 41:22

O ye na kuma, ka ko nataw ɲafɔ an ye. Fɔlɔfɔlɔkow kɛra cogo min na, o ye o ɲafɔ an ye; ni o kɛra, an bɛna miiri k’a lɔn min bɛna kɛ kɔ fɛ; walama aw ye ko nataw fɔ an ye.

Ezayi 41:26

Jɔn ka nin kow ye k’a fɔ kabini fɔlɔfɔlɔ janko an ye a lɔn? Jɔn kɔnna k’a yira an na, janko an ye a fɔ ko: «Can lo!» Mɔgɔ si ma nin ko fɔ, mɔgɔ si m’a ye k’a fɔ, mɔgɔ si ma foyi mɛn aw fɛ nin kow ra.

Ezayi 42:9

Ko minw tun kɔnna ka fɔ, a flɛ, olugu kɛra; sisan ne bɛna kokura le fɔ, nka sani a ye damina, ne bɛ aw lasɔmi.»

Ezayi 45:7

Ne bɛ yeelen bɔ, ne bɛ dibi don, ne bɛ hɛra lana, ne bɛ tɔɔrɔ lana. Ne Matigi Ala, ne le bɛ nin kow bɛɛ kɛ.

Yeremi 23:24

Yala mɔgɔ bɛ se ka dogo yɔrɔ dogonin dɔ ra ko ne Ala tɛna o tigi ye wa? Matigi Ala ko ten. Yala ne ta bonya ma sankolo ni dugukolo yɔrɔ bɛɛ fa wa? Matigi Ala ko ten.»

Yeremi 33:3

‹Ne wele, ne bɛna i jaabi; ne bɛna kobaw fɔ i ye, ani ko dogoninw, i tɛ ko minw lɔn.

Daniyɛli 2:11

Masacɛ, i ka min fɔ, o ka gbɛlɛn. Mɔgɔ si tɛ se ka nin ko fɔ masacɛ ye, ni an ta alaw tɛ, k’a sɔrɔ olugu fana tɛ adamadenw cɛ ra yan.»

Daniyɛli 2:19

Ayiwa, Ala ka o siko gundo yira Daniyɛli ra su fɛ siko ra. Daniyɛli ka sankolo tigi Ala fo.

Daniyɛli 2:47

Masacɛ ka kuma lase Daniyɛli ma k’a fɔ a ye ko: «Can ra, aw ta Ala le ye alaw bɛɛ ta Ala ye, ani masaw bɛɛ ta Matigi. Ale le bɛ se ka gundow yira; o kosɔn i sera ka nin gundo lɔn k’a fɔ.»

Daniyɛli 5:11

«Cɛ dɔ bɛ i ta jamana ra yan, Ala saninman yɛrɛ ta hakiri le bɛ ale fɛ. I facɛ ta masaya wagati ra, i facɛ tun bɛ faamuri sɔrɔ o cɛ le fɛ, ani lɔnniya; o cɛ ta hakiritigiya bɛ i ko Ala saninman yɛrɛ ta. O kosɔn i facɛ, masacɛ Nebukadinɛsari tun ka o cɛ le kɛ jinamoriw ni lagbɛrikɛbagaw ni tagamasiyɛn lɔnbagaw ni jotigiw bɛɛ ta ɲamɔgɔ ye;

Daniyɛli 5:14

O ka i ko fɔ ne ye, ko Ala saninman yɛrɛ ta hakiri le bɛ i fɛ, ko mɔgɔ bɛ se ka faamuri ni lɔnniya ni hakiritigiya sɔrɔ i fɛ, hakiritigiya min tɛ sɔrɔ mɔgɔ si fɛ.

Matiyu 13:13

O le kosɔn, ne bɛ kuma o fɛ ni talenw ye, sabu olugu b’a flɛ, nka o tɛ a ye; o bɛ o toro malɔ, nka o tɛ a mɛn, o tɛ a faamu fana.

Yuhana 1:9

O yeelensɔbɛ le tun nana dunuɲa kɔnɔ ka na yeelen bɔ adamadenw bɛɛ ye.

Yuhana 21:17

Yesu ko Piyɛri ma a siɲaga sabanan na ko: «Yuhana dencɛ Simɔn, i bɛ ne kanu wa?» Piyɛri ɲa sisira, sabu Yesu ka a ɲininka fɔ siɲaga saba, ko: «I bɛ ne kanu wa?» A ko Yesu ma o le ra ko: «Matigi, i ka fɛn bɛɛ lɔn; ele yɛrɛ k’a lɔn ko ne bɛ ele kanu.» Yesu ko a ma ko: «I janto ne ta sagadenw na.»

Yuhana 8:12

O kɔ, Yesu ka kuma ta tuun k’a fɔ jama ye ko: «Ne le ye dunuɲa ta yeelen ye. Ni mɔgɔ min tugura ne kɔ, o tigi tɛna tagama dibi ra, nka o tigi bɛna yeelen sɔrɔ, min bɛ ɲanamanya di a ma.»

Kor fɔlɔ 4:5

O kosɔn, aw kana kɔrɔtɔ ka ko latigɛ mɔgɔ si tan fan fɛ k’a sɔrɔ a wagati ma se. Aw y’a to fɔ Matigi ye na. Fɛn o fɛn dogonin bɛ dibi ra, ale bɛna o bɛɛ bɔ kɛnɛ kan, ka mɔgɔw jusukun miiriyaw bɛɛ yira. O lon na, min ka kan ni tandori min ye, Ala bɛna o di o tigi ma.

Ɛfɛsikaw 3:5

Mɔgɔ minw tɛmɛna fɔlɔfɔlɔ, Ala tun ma o gundo yira olugu ra, i n’a fɔ a k’a yira cogo min na sisan a ta ciraden saninmanw ni a ta cira saninmanw na Nin Saninman* baraka ra.

Sariya 29:28

Ayiwa, ko dogoninw ye Matigi Ala, an ta Ala ta le ye; nka ko minw yirara an na, o ye anw ni anw denw ta le ye tuma bɛɛ, ani wagati bɛɛ, janko anw ye nin sariya ta kumaw bɛɛ sira tagama.

Tim fɔlɔ 6:16

Ale kelenpe le tɛ sa ka ye. A siginin bɛ nɔɔrɔ min na, o nɔɔrɔ bonyakojugu fɛ, mɔgɔ si tɛ se ka gbara a ra. Mɔgɔ si ɲa ma la a kan ka ye, mɔgɔ si fana tɛ se k’a ye. Bonya ni sebagaya banbari ye ale ta le ye. Amina.

Heburuw 4:13

Danfɛn si tɛ yi min dogonin lo Ala ɲa kɔrɔ. Fɛn bɛɛ bɛ a ɲa kɔrɔ kɛnɛ kan, fɛn si dogonin tɛ a ma; an bɛna taga lɔ ale Ala min ɲa kɔrɔ, janko an bɛɛ ye an ta fɔ.

Yakuba 1:17

Fɛn o fɛn bɛ di mɔgɔ ma, ni a ka ɲi, ni a dafanin lo, o bɛɛ bɛ bɔ sankolo ra, Fa Ala le fɛ, min ye sankolo yeelenw danbaga ye. A tɛ yɛlɛma ka bɔ a cogo ra i ko suma bɛ yɛlɛmayɛlɛma cogo min na.

Zan fɔlɔ 1:5

An ka kuma min mɛn Yesu Kirisita fɛ ka o fɔ aw ye, o ye nin ye: Ala ye yeelen le ye, dibiko si tɛ Ala ra.