Daniyɛli 12:3 - Jula NT of Côte d’Ivoire

³ Mɔgɔ minw kɛra mɔgɔ hakirimanw ye, olugu bɛna manamana i ko sankolo nɔɔrɔ; minw ka mɔgɔ caman karan terenninya sira ra, olugu fana bɛna manamana i ko sankolo lolow, wagati bɛɛ, ani tuma bɛɛ.

ALA KA KUMA

³ Minw ye lɔnnikɛlaw ye, ani minw be mɔgɔw kalan tilenninya la, olu ka koo bena ɲa kosɔbɛ, u bena manamana tuma bɛɛ i n'a fɔ lolow.

Daniyɛli 12:3 Iomraidhean Croise

Bɔri 34:35

Ni Izirayɛlimɔgɔw tun ka Musa ɲada flɛ, o tun bɛ a ɲada manamanatɔ ye; o tuma Musa tun bɛ fani biri a ɲada ra tuun. Ni a bɛ taga kuma ni Ala ye, a bɛ fani bɔ a ɲada ra.

Zanaw 11:30

Mɔgɔ terennin bɛ den min kɛ, o yiri ye sisɔrɔyiri le ye; mɔgɔ hakiritigi le bɛ mɔgɔw sɔrɔ.

Zanaw 3:35

Hakiritigiw bɛna bonya sɔrɔ o ta cɛn ye, nka mɔgɔ hakirintanw ta bɛna kɛ maroya le ye.

Zanaw 4:18

Nka mɔgɔ terenninw ta sira bɛ i ko dugugbɛda yeelen; a yeelen bɛ to ka bonya, fɔ ka taga tere se kuncɛ.

Waajurikɛbaga 12:9

Ayiwa, Waajurikɛbaga tun ye hakiritigi ye; ka fara o kan, a ka mɔgɔw karan a ta lɔnniya ra. A ka zana caman lamɛn, ka o sɛgɛsɛgɛ, ka o labɛn ka ɲa, ka o sɛbɛ.

Ezayi 53:11

A ta sɛgɛ bɛɛ bannin kɔ fɛ, a ɲa bɛna dunuɲa ta yeelen ye tuun, fɔ ka wasa. I n’a fɔ mɔgɔ caman bɛna a lɔn, ne ta jɔn terennin bɛna o mɔgɔw jate mɔgɔ terenninw ye, a bɛna lɔ ni o ta terenbariyakow kunko ye.

Yeremi 23:22

Ni o tun bɛ ni ne ye ne ta kolatigɛyɔrɔ ra, o tun bɛna ne ta kumaw lase ne ta mɔgɔw ma, k’a to o ye sekɔ ka bɔ o ta sirajuguw kan, ka o ta kɛwalejuguw dabla.»

Daniyɛli 11:33

Olugu ra minw ye kolɔnbagaw ye, olugu bɛna mɔgɔ tɔw caman karan Ala ta sariya ra. Nka o bɛna olugu dɔw faga, ka dɔw jɛni, ka dɔw borofɛnw bɛɛ bɔsi o boro, ka o bla kaso ra.

Daniyɛli 11:35

O kolɔnbaga minw tugura Ala kɔ, o bɛna olugu dɔw faga. Olugu ta saya le bɛna kɛ sababu ye, ka Ala ta mɔgɔw saninya, ka o gbɛ, fɔ ka taga wagati laban se; sabu wagati min latigɛra, o ma se ban.

Daniyɛli 12:10

Tɔɔrɔw bɛna mɔgɔ caman saninya, ka o gbɛ. Nka mɔgɔjuguw bɛna to o ta juguya ra; o tɛna foyi faamu. Mɔgɔ hakirimanw le bɛna nin kow faamu.

Matiyu 13:43

Nka mɔgɔ terenninw, olugu bɛna manamana i ko tere, o Fa Ala ta Masaya ra. Min b’a fɛ ka faamuri kɛ, o ye jija ka mɛnni kɛ.»

Matiyu 19:28

Yesu k’a fɔ o ye ko: «Can ra ne b’a fɔ aw ye ko ni fɛn bɛɛ nana kɛ kura ye tuma min na, Min kɛra Adamaden ye*, ni o nana sigi a ta masasiginan nɔɔrɔman kan fɛn bɛɛ kunna, aw minw tugura ne nɔ fɛ, aw fana bɛna sigi masasiginan tan ni fla kan, ka Izirayɛli* ta siya tan ni fla ta kiti tigɛ.

Matiyu 24:45

«Jɔn le bɛna kɛ o baaraden terennin hakiriman ye sa, min matigicɛ bɛna a bla a ta baaradenw kunna, janko a ye domuni di o ma a wagati ra?

Yuhana 4:36

Min bɛ siman tigɛra, o tigi bɛ a ta sara sɔrɔra ka ban; a bɛ simankisɛ lajɛn ka a bla ɲanamanya banbari kosɔn. O cogo ra dannikɛbaga ni simantigɛbaga bɛɛ bɛ ɲagari ɲɔgɔn fɛ.

Yuhana 5:35

Yuhana tun kɛra i n’a fɔ fitinamana min bɛ yeelen bɔ aw cɛ ra; aw kɔni sɔnna ka ɲagari a ta yeelen na wagati dɔɔnin.

Kɛwalew 13:1

Ciraw ni karamɔgɔw tun bɛ Antiyɔsi lanabagaw cɛ ra: o tun ye Barinabasi ye, ani Simeyɔn min tɔgɔ lara ko Cɛfin, ani Lusisi min bɔra Sirɛni, ani Manahɛni min ni jamanatigi Herodi lamɔna ɲɔgɔn fɛ, ani Sɔli.

Kor fɔlɔ 3:10

Ayiwa, ka kaɲa ni Ala ta nɛɛma dinin ye ne ma, ne ka bon jubɔ i ko bonlɔbaga hakiritigi; o kɔ, mɔgɔ wɛrɛ nana lɔri kɛ a kan. Nka mɔgɔ o mɔgɔ bɛ lɔri kɛ a kan, o tigi ye a ta baarakɛcogo kɔrɔsi.

Ɛfɛsikaw 4:11

Ale le ka dɔw kɛ ciradenw* ye, ka dɔw kɛ ciraw ye, ka dɔw kɛ Kibaro Diman fɔbagaw ye, ka dɔw kɛ lanabagaw ta jɛnkuru kɔrɔsibagaw ye, ka dɔw kɛ lanabagaw karanbagaw ye.

Heburuw 5:12

Ɲɔgɔntumasi aw tun ka kan ka kɛ karamɔgɔw le ye; nka hali bi o belen bɛ aw karanna Ala ta Kuma damina le ra kura ye tuun. Hali bi aw mako bɛ nɔnɔ le ra, aw tɛ se ka domuni gbiriman domu.

Piy 2nan 3:15

Aw ye aw hakiri to a ra ko an Matigi ta muɲuri kun ye aw ta kisiri le ye. An balemacɛ kanunin Pɔli fana ka o le fɔ aw ye a ta sɛbɛ kɔnɔ, ka kaɲa ni a ta hakiritigiya ye, Ala ka hakiritigiya min di a ma.

Yirari 1:20

I ka lolo wolonfla minw ye ne kininboro kɔnɔ, ani i ka saninfitina wolonfla minw ye, o ye gundo le ye: lolo wolonfla, o ye lanabagaw ta jɛnkuru wolonfla ta mɛlɛkɛw le ye. Fitina wolonfla, olugu ye o jɛnkuru wolonfla le ye.»

Kititigɛbagaw 5:31

«E, Matigi Ala, i juguw bɛɛ ye halaki nin cogo ra! Nka minw bɛ i kanu, olugu ye manamana i ko tere bɛ manamana cogo min na teregban fɛ.» Ayiwa, o kɔ, Izirayɛli jamana tora ɲasuma ra, fɔ san binaani.