Daniyɛli 12:10 - Jula NT of Côte d’Ivoire

¹⁰ Tɔɔrɔw bɛna mɔgɔ caman saninya, ka o gbɛ. Nka mɔgɔjuguw bɛna to o ta juguya ra; o tɛna foyi faamu. Mɔgɔ hakirimanw le bɛna nin kow faamu.

ALA KA KUMA

¹⁰ Mɔgɔ caaman bena saniya, u be kɛ jalakibaliw ye, u ka koo be yɛlɛma. Mɔgɔjuguw bena taga n'u ka juguya ye ɲa, u si tena foyi faamu. Nga hakilitigiw kɔni bena faamuli kɛ.

Daniyɛli 12:10 Iomraidhean Croise

Zaburu 107:43

Ni mɔgɔ min ye hakiritigi ye, o tigi bɛna nin kow kɔrɔsi, ka Matigi Ala ta ɲumanya ko faamu.

Zaburu 51:7

Can lo, ne worora ni terenbariya le ye, ne bamuso ka ne jurumuntɔ le kɔnɔ ta.

Zanaw 1:5

Hakiritigiw fana y’a lamɛn, ka dɔ fara o ta lɔnni kan; faamurikɛbagaw y’a lamɛn, janko ka o tagamacogo lɔn.

Ezayi 1:18

«Ayiwa, aw ye na, an ye kuma ka bɛn sa! Matigi Ala ko ten. Hali ni aw ta jurumunw wulennin lo cancan, o bɛna gbɛ pepepe. Ni o wulennin lo fɔ k’a fin, o bɛna gbɛ i ko sagasi gbɛman.

Ezekiyɛli 36:25

Ne bɛna ji saninyanin dɔ seriseri aw kan ka aw saninya; ne bɛna aw saninya ka bɔ aw ta saninyabariya bɛɛ ra, ka aw bɔ aw ta josɔn bɛɛ ra.

Ezekiyɛli 47:11

Nka kɔ fitiniw, ani jiborow, olugu tɛna saninya; o yɔrɔw bɛna kɛ kɔgɔbɔyɔrɔw ye.

Daniyɛli 11:33

Olugu ra minw ye kolɔnbagaw ye, olugu bɛna mɔgɔ tɔw caman karan Ala ta sariya ra. Nka o bɛna olugu dɔw faga, ka dɔw jɛni, ka dɔw borofɛnw bɛɛ bɔsi o boro, ka o bla kaso ra.

Daniyɛli 11:35

O kolɔnbaga minw tugura Ala kɔ, o bɛna olugu dɔw faga. Olugu ta saya le bɛna kɛ sababu ye, ka Ala ta mɔgɔw saninya, ka o gbɛ, fɔ ka taga wagati laban se; sabu wagati min latigɛra, o ma se ban.

Daniyɛli 12:3

Mɔgɔ minw kɛra mɔgɔ hakirimanw ye, olugu bɛna manamana i ko sankolo nɔɔrɔ; minw ka mɔgɔ caman karan terenninya sira ra, olugu fana bɛna manamana i ko sankolo lolow, wagati bɛɛ, ani tuma bɛɛ.

Oze ta kitabu 14:9

E, Efirayimu, ne ni batofɛn juman le bɛ kelen ye? Ne le bɛ aw ta daariri jaabi, ne le bɛ ne janto aw ra. Ne le bɛ i ko sipɛrɛsisun min nugunin lo tuma bɛɛ; aw bɛ den sɔrɔ ne le sababu ra.»

Jakariya 13:9

Ne bɛna o taranyɔrɔ kelen don tasuma ra, ka o yeele ka o saninya i ko o bɛ warigbɛ yeele k’a saninya cogo min na, ka o sɛgɛsɛgɛ kosɛbɛ i ko o bɛ sanin sɛgɛsɛgɛ cogo min na. O bɛna ne tɔgɔ wele, ne fana bɛna o jaabi. Ne bɛna a fɔ o ma ko: ‹Aw le ye ne ta mɔgɔw ye!› Olugu fana bɛna a fɔ ko: ‹Matigi Ala le ye an ta Ala ye!› »

Malaki 3:3

i ko mɔgɔ min bɛ warigbɛ yeele k’a saninya. A bɛna Levi* ta mɔgɔw saninya, ka o sɛnsɛn, i ko sanin ni warigbɛ bɛ sɛnsɛn cogo min na; o ra o bɛna sarakaw bɔ Matigi Ala ye ni terenninya ye.

Marika 4:11

Yesu k’a fɔ o ye ko: «Ala ta Masaya* gundo lɔnniya dira aw le ma; nka kɛnɛmamɔgɔw kɔni, a bɛɛ bɛ fɔ olugu ye ni talenw le ye.

Luka 24:25

O kɔ, Yesu yɛrɛ kumana o fɛ, a ko: «Aw mɔgɔ hakirintanw, ciraw ka kuma minw bɛɛ fɔ, aw tɛ la o ra joona.

Yuhana 18:37

Pilati ko Yesu ma ko: «O tuma ele ye masacɛ le ye wa?» Yesu ka a jaabi ko: «I k’a fɔ cogo min na, ne ye masacɛ le ye. Ne nana woro dunuɲa ra min kosɔn, o ye ka can yira mɔgɔw ra. Mɔgɔ o mɔgɔ b’a fɛ ka tagama can kan, o tigi bɛ ne ta kuma lamɛn.»

Yuhana 7:17

Ni mɔgɔ min b’a fɛ ka Ala sago kɛ, o tigi bɛna a lɔn ni ne ta karan bɔra Ala le ra, walama ni a bɔra ne yɛrɛ le ra.

Yuhana 8:47

Mɔgɔ min ye Ala ta mɔgɔ ye, o tigi bɛ Ala ta Kumaw lamɛn. Aw tɛ a lamɛn, sabu aw tɛ Ala ta mɔgɔw ye.»

Kor fɔlɔ 6:11

K’a sɔrɔ aw dɔw tun bɛ o le ye. Nka Ala ka aw ko, ka aw saninya, ka aw jate mɔgɔ terenninw ye Matigi Yesu Kirisita tɔgɔ kosɔn, an ta Ala Nin Saninman* baraka ra.

Kor 2nan 7:1

Ayiwa, ne balema kanuninw, i n’a fɔ Ala ka o layiriw ta an ye, an ye an farikolo ni an jusukun saninya ka bɔ ko saninyabariw bɛɛ ra; an ye jija k’a to an ta saninyari ye dafa Alaɲasiran na.

Tite 2:14

Ale le ka a yɛrɛ di ka sa an kosɔn, janko ka an kunmabɔ kojuguw bɛɛ ma, ka an saninya ka an kɛ a yɛrɛ ta mɔgɔw ye, janko an ye an yɛrɛ cɛsiri ka kɛwaleɲuman kɛ tuma bɛɛ.

Heburuw 12:10

An faw tun bɛ an koro wagati dɔɔnin dɔrɔn le, ka kaɲa ni o sago ye. Nka Ala bɛ an koro an yɛrɛ ta nafa le kosɔn, janko an ye saninya i n’a fɔ ale Ala yɛrɛ.

Piy fɔlɔ 1:22

Aw sɔnna can ma ka aw jusukun saninya, janko ka aw balemaw kanu ni jusukun gbɛnin ye; o kosɔn aw ye ɲɔgɔn kanu kosɛbɛ ni aw jusukun bɛɛ ye.

Piy fɔlɔ 1:7

O kun ye janko ka aw ta lanaya le sɛgɛsɛgɛ. Aw ta lanaya ka fisa ni sanin ye, sabu sanin ye fɛn banta le ye, nka a ka kan ka don tasuma ra k’a saninya. Ni aw ta lanaya fana sɛgɛsɛgɛra, aw bɛna tandori ni bonya ni nɔɔrɔ sɔrɔ Yesu Kirisita nawagati ra.

Zan fɔlɔ 5:20

Nka Den min bɔra Ala ra, an k’a lɔn ko o le nana hakiritigiya di an ma, janko an ye Ala Cantigi lɔn; an bɛ Ala Cantigi ta jɛnɲɔgɔnya le ra, ani Den* min bɔra Ala ra, Yesu Kirisita. Ale le ye Ala Cantigi ye, ani ɲanamanya banbari.

Yirari 16:11

Mɔgɔw belen ka kɛ sankolo tigi Ala tɔgɔ cɛn ye, o ta jori dimi ni o ta tɔɔrɔ kosɔn; o ma nimisa ka o ta kojugu dabla.

Yirari 19:14

Sankolo kɛrɛkɛjamaw tun tugura a kɔ, o bɛ so gbɛmanw kan, fani gbɛman pepe ɲumanman bɛ o bɛɛ ra.

Yirari 19:8

Fanigbɛ pepe ɲumanman dɔ dira a ma ko a ye o don.» O fani ɲumanman ye Ala ta mɔgɔ saninmanw ta kɛwaleɲumanw le ye.

Yirari 22:11

Mɔgɔ min bɛ tagama terenbariya ra, o tigi ye tagama terenbariya ra. Mɔgɔ min bɛ a yɛrɛ lanɔgɔra, o tigi ye a yɛrɛ lanɔgɔ. Nka mɔgɔ min bɛ terenninya sira kan, o tigi ye to o kan. Mɔgɔ min saninyanin lo, o tigi belen ye saninya tuun.»

Yirari 3:18

Ayiwa, ne bɛ i ladi ko i ye sanin yɛrɛworo san ne fɛ janko i ye kɛ naforotigi ye, ko i ye fanigbɛw san ne fɛ, janko fani ye kɛ i ra, ani i fari lakolon kana to, ka maroya bla i ra; i ye ɲadimifla san ne fɛ ka o mun i ɲa ra, janko i ye yeri kɛ.

Sam fɔlɔ 24:13

Matigi Ala le bɛna ele ni ne ta kiti tigɛ; Matigi Ala le bɛna ne hakɛ bɔ i ra; ni o tɛ, ne yɛrɛ boro kɔni tɛna se i ma.