Daniyɛli 11:41 - Jula NT of Côte d’Ivoire

⁴¹ A bɛna don jamanaw bɛɛ ra ɲumanman na, ka o fana mina, ka mɔgɔ caman faga. Nka Edɔmukaw, ani Mohabukaw bɛna bɔsi a boro, ani Amɔnkaw ta ɲamɔgɔw.

ALA KA KUMA

⁴¹ Jamana min ka di ni jamanaw bɛɛ ye, a bena se yen. Mɔgɔ caaman nii bena to a la. Nga edɔmuw, ni mowabuw bena kisi, ani amoniw ɲamɔgɔw.

Daniyɛli 11:41 Iomraidhean Croise

Yeremi 48:47

Nka wagati nataw ra, Matigi Ala ko ten, ne bɛna Mohabu jamana lasekɔ a cogokɔrɔ ra tuun.» Matigi Ala ka kiti kuma min fɔ Mohabu ta ko ra, o kuma bɛ laban yan.

Yeremi 49:6

«Nka o kɔ fɛ, ne bɛna Amɔnkaw ta jamana lasekɔ a cogokɔrɔ ra tuun. Matigi Ala ko ten.»

Daniyɛli 11:16

O sahili masacɛ cɛnrikɛbaga bɛna a sago kɛ, sabu mɔgɔ si tɛna se ka lɔ a ɲa. Ni a nana tɛmɛ yɔrɔ caman na ka cɛnri kɛ ka ban, a bɛna taga sigi jamanaw bɛɛ ra ɲumanman na.

Daniyɛli 11:42

A bɛna a ta fanga sigi jamana wɛrɛw kan fana; hali Misiran jamana tɛna bɔsi.

Daniyɛli 11:45

A bɛna a ta masa fanibon lɔ kɔgɔji ni kuru nɔɔrɔman saninman furancɛ ra. Nka a ta wagati laban bɛna se; mɔgɔ si tɛna sɔrɔ k’a dɛmɛ.› »

Daniyɛli 8:9

Gban fitini dɔ fana bɔra o gbanw kelen kunna; o gban fitini bonyara kosɛbɛ. A k’a ta fanga ɲasin woroduguyanfan fɛ, ani terebɔyanfan na, ani jamanaw bɛɛ ra ɲumanman fan fɛ.