Daniyɛli 11:24 - Jula NT of Côte d’Ivoire

²⁴ Ka mɔgɔw to hɛra ra, a bɛna taga don jamana yɔrɔɲumanw na, ka taga mɔgɔw kɛrɛ, ka o ta borofɛnw ni o ta naforow cɛ, ka o di a ta mɔgɔw ma; k’a sɔrɔ hali a bɛmaw ma sɔn ka o ko ɲɔgɔn kɛ. A bɛna a fɔ ko a bɛ dugu barakaman dɔw fana kɛrɛ. Nka a bɛna wagati dama dɔrɔn le kɛ o kow ra.

ALA KA KUMA

²⁴ Mɔgɔw be hɛrɛ la tuma min na, a bena taga jamana yɔrɔɲuman na ka koo kɛ, a faaw ma se ka min ɲɔgɔn kɛ. A bena na ben o yɔrɔ mɔgɔw kan k'u ka minanw n'u ka nafolow tilan a ka mɔgɔw cɛ. A bena dugu barikaman dɔw kɛlɛko jati minɛ, nga o ye waati dɔɔni koo ye dɔrɔn.

Daniyɛli 11:24 Iomraidhean Croise

Nehemi 9:25

O ka o ta dugu barakamanw, ani o ta dugukoloɲumanw ta. Bon minw tun fanin bɛ fɛnɲuman suguya bɛɛ ra, o ka o bonw ta, ka kɔlɔn sogininw fana ta, ani rɛzɛnsunw, ani oliviyesunw, ani yiridenta camanba. I ta ɲumanyaba baraka ra, o ka domuni kɛ, ka fa, fɔ ka tɔrɔ, ka to ka fɛndimanw diyabɔ.

Zanaw 17:8

Minw bɛ bonyafɛnw di mɔgɔw ma dogo ra, a bɛ olugu ɲa na ko fla le bɛ o bonyaw ra, ko ni i ka bonya di dɔrɔn, ni i boro ka don fɛn o fɛn na, o bɛ ɲa.

Zanaw 19:6

Mɔgɔ caman b’a fɛ ka o yɛrɛ ko diya fagamaw ye, mɔgɔ min bɛ mɔgɔ sɔn, bɛɛ bɛ kɛ o teri ye.

Zanaw 23:7

sabu mɔgɔ dɔ lo, ni a ka wari o wari bɔ, a bɛ o bɛɛ jate mina a yɛrɛ kɔnɔ; a b’a fɔ i ma ko: «A domu! A min!» K’a sɔrɔ o kuma tɛ bɔra a jusukun na.

Ezekiyɛli 34:14

Ne bɛna taga ni o ye yɔrɔɲumanw le ra; o marayɔrɔ bɛna kɛ Izirayɛli jamana kuruw sanfɛyɔrɔw ra. O bɛna laganfiya o bɛganmarayɔrɔ ɲumanmanw na, ka bin nugunin caman sɔrɔ k’a domu Izirayɛli kuruw kan.

Ezekiyɛli 38:10

«Dunuɲatigi Ala ko: O wagatiw ra, miiriya dɔw bɛna don ele Gɔgi jusu ra; i bɛna dabarijugu dɔ le siri.

Daniyɛli 11:23

Minw bɛɛ bɛna jɛnɲɔgɔnya don ni a ye, a bɛna o bɛɛ nanbara; a ta fanga baraka bɛna to ka bonya ka taga ɲa, k’a sɔrɔ a ta mɔgɔw man ca.

Daniyɛli 7:25

A bɛna kumajuguw fɔ Ala kɔrɔtaninba ma, ka Ala kɔrɔtaninba ta mɔgɔ saninmanw tɔɔrɔ. A bɛna a fɔ ko a bɛ Ala ta mɔgɔ saninmanw ta wagati sigininw ni o ta sariyaw yɛlɛma. Mɔgɔ saninmanw bɛna kɛ a ta fanga kɔrɔ fɔ wagati kelen, ani wagati dɔw, ani wagati tarancɛ.

Jateri 13:20

Aw ye dugukolo cogoya flɛ, ni a ka di walama ni a man di, ni yiriw b’a ra walama ni yiri t’a ra. Aw ye jija ka na ni jamana yiriden dɔw ye fana.» O wagati tun ye rɛzɛn fɔlɔw mɔwagati le ye.

Matiyu 9:4

Yesu fana ka o ta miiriya lɔn. A ko o ma ko: «Mun kosɔn nin miirijuguw ɲɔgɔn bɛ aw jusukun na?

Kititigɛbagaw 9:4

O ka warigbɛ biwolonfla bɔ o ta jo Baali Beriti ta jobon na, ka o di Abimelɛki ma. Abimelɛki ka mɔgɔkunntanw ani mɔgɔkolon dɔw gban a yɛrɛ kɔ, ka to ka olugu sara ni o wari ye.