Daniyɛli 10:2 - Jula NT of Côte d’Ivoire

² «O wagatiw ra, ne Daniyɛli, ne ka lɔgɔkun saba kɛ, ka ne yɛrɛ majigi Ala ɲa kɔrɔ, ka ne diyanyafɛnw bɛɛ ye ka o to yi.

ALA KA KUMA

² Ne Daniyɛli tora dusukasi la lɔgɔkun saba.

Daniyɛli 10:2 Iomraidhean Croise

Nehemi 1:4

Ayiwa, ne ka o kumaw mɛn minkɛ, ne sigira ka kasi. Ne ɲanasisira fɔ tere dama; ne ka sun don, ka sankolo tigi Ala daari.

Zaburu 42:9

Tere fɛ, Matigi Ala bɛ a ta ɲumanya yira ne ra; su fɛ, ne bɛ dɔnkiri la k’a tando, ka ne ta ɲanamanya tigi Ala daari.

Zaburu 43:2

sabu ele le ye ne dogoyɔrɔ ye, ne ta Ala. Mun kosɔn i banna ne ra? Mun kosɔn ne ɲanasisinin le bɛ yaalayaala, ne juguw fana bɛ ne minako juguya?

Ezayi 66:10

Aw ye ninsɔndiya ni Zeruzalɛmu ye, ka ɲagari a kosɔn, aw minw bɛɛ b’a kanu! Aw ye ninsɔndiya ka ɲagari, aw minw bɛɛ tun bɛ kasira Zeruzalɛmu kosɔn!

Yeremi 9:1

E, ni ne tun bɛ se ka dugutagabagaw ta lonanjigibon dɔ sɔrɔ kongokolon kɔnɔ yi sa! Ne tun bɛna bɔ ne ta mɔgɔw kɔrɔ, ka ne yɛrɛ mabɔ o ra, ka taga fɔ yɔrɔjan; sabu o bɛɛ ye jɛnɛyakɛbagaw le ye, o bɛɛ ye mɔgɔjanfabagaw le ye!

Daniyɛli 10:12

A ko ne ma tuun ko: ‹Daniyɛli, i kana siran; sabu i ka i yɛrɛ majigi Ala ɲa kɔrɔ, ka Ala daari, janko ka faamuri sɔrɔ; ayiwa, kabini o lonw tere fɔlɔ, i ta Aladaari minana. Ne nana ka na i ta daariri kɔjaabi le fɔ i ye.

Matiyu 9:15

Yesu ka o jaabi ko: «Yala kɔɲɔcɛ teriw bɛ se ka o ɲa kumu k’a sɔrɔ o ni kɔɲɔcɛ bɛ ɲɔgɔn fɛ kɔɲɔya ra wa? O tɛ se ka kɛ! Nka lon min na o bɛna kɔɲɔcɛ ta ka bɔ o kɔrɔ, o lon na kɔni o bɛna sun don.

Rɔmukaw 9:2

Ɲanasisiba le bɛ ne kan, ne jusukun fana tɔɔrɔnin lo tuma bɛɛ ne balema Izirayɛlimɔgɔw kosɔn.

Yakuba 4:9

Aw ye lɔ a ra ko aw ye barakantanw ye, ka kasi fɔ ka ɲaji bɔ. Aw ye aw ta yɛrɛko yɛlɛma k’a kɛ kasi ye, ka aw ta ɲagari kɛ jusukasi ye.

Yirari 11:5

Ni dɔ ko a bɛ kojugu kɛ o ra, tasuma bɛ bɔ o da ra ka o tigi jɛni. Ni mɔgɔ min ko a bɛ kojugu kɛ o ra, o tigi ka kan ka faga o cogo le ra.