Daniyɛli 10:12 - Jula NT of Côte d’Ivoire

¹² A ko ne ma tuun ko: ‹Daniyɛli, i kana siran; sabu i ka i yɛrɛ majigi Ala ɲa kɔrɔ, ka Ala daari, janko ka faamuri sɔrɔ; ayiwa, kabini o lonw tere fɔlɔ, i ta Aladaari minana. Ne nana ka na i ta daariri kɔjaabi le fɔ i ye.

ALA KA KUMA

¹² A y'a fɔ ne ye ko: «Kana siran Daniyɛli. Ka koo kɔrɔ ɲini k'a lɔn, kabin'i y'o koo ta n'i sɔbɛ ye, ani ka to k'i yɛrɛ majigi e ka Ala ye, i ka kuma ser'a ma. I tun ye kuma min fɔ, ne nana o le kama.

Daniyɛli 10:12 Iomraidhean Croise

Zaburu 69:10

sabu i ta so ko hami bɛ ne jɛnina ne jusukun na i n’a fɔ tasuma. I mafiyɛnyabagaw bɛ mafiyɛnyarikuma minw fɔ i ma, o kumaw bɛ ben ne le kan.

Ezayi 35:4

Minw ja tigɛra, aw y’a fɔ olugu ye ko: «Aw ye jija! Aw kana siran! Aw ta Ala ye nin ye, a bɛ nana aw dimibɔ; Ala bɛna na aw juguw sara, a bɛna na aw kisi.»

Ezayi 41:10

Aw kana siran, sabu ne bɛ ni aw ye. Aw ja kana tigɛ, sabu ne le ye aw ta Ala ye, ne bɛna baraka don aw ra, ka aw dɛmɛ, ne bɛna aw tanga ne ta terenninya kosɔn, ni ne boro baraka ye.

Ezayi 41:14

Aw kana siran, Yakuba ta tumudenninw! Izirayɛli ta mɔgɔ barakantanw, ne bɛna aw dɛmɛ. Matigi Ala, aw kunmabɔbaga, Izirayɛli ta Ala saninman ko ten.

Ezayi 58:9

Ni aw ka weleri kɛ, Matigi Ala bɛna aw jaabi, ni aw kulera a nɔ fɛ, a bɛna a fɔ ko: ‹Ne flɛ nin ye!› «Nka aw ka kan ka aw ta jagboyafanga bɔ mɔgɔw kan, aw bɛ aw borokanden sin o ma ka kumajugu minw fɔ o ma, aw ye o dabla.

Ezayi 65:24

«O tuma ra, sani o ye ne daari, o y’a sɔrɔ ne ka o jaabi ka ban; sani o ye ban kuma ra, o y’a sɔrɔ ne ka o lamɛn ka ban.

Daniyɛli 10:11

A ko ne ma ko: ‹Daniyɛli, Ala ta mɔgɔ kanunin, ne bɛna min fɔ i ye, o lamɛn kosɛbɛ, k’a kɔrɔ faamu. I bɛ yɔrɔ min na, i wuri ka lɔ yi, sabu ne cira ele le fɛ sisan.› A ka o kuma fɔ ne ye minkɛ, ne yɛrɛyɛrɛtɔ wurira ka lɔ.

Daniyɛli 10:19

A k’a fɔ ne ye ko: ‹Ala ta mɔgɔ kanunin, i kana siran. I jusu suma, ka i yɛrɛ ja gbɛlɛya, ka baraka don i yɛrɛ ra.› K’a to kuma ra ni ne ye, baraka ka donna ne ra. Ne ko: ‹Ne matigicɛ, kuma sisan, sabu i ka baraka don ne ra.›

Sarakalasebagaw 16:29

«Ayiwa, nin ye sariya wuribari le ye aw fɛ. San karo wolonflanan, o karo tere tan, aw ka kan ka aw yɛrɛ majigi Ala ɲa kɔrɔ; aw man kan ka baara si kɛ o lon na, aw Izirayɛlimɔgɔw, ani lonan minw siginin bɛ aw fɛ.

Sarakalasebagaw 16:31

Aw man kan ka foyi kɛ o lon na; aw ka kan ka nɛnɛkiri, ka aw yɛrɛ majigi Ala ɲa kɔrɔ. O ye sariya wuribari le ye.

Jateri 29:7

«O karo wolonflanan tere tan, aw ye jamalajɛnba kɛ ka Matigi Ala bato, ka aw yɛrɛ majigi Ala ɲa kɔrɔ, ka aw diyanyafɛnw bɛɛ to yi; aw ka kan ka aw ta baara tɔw bɛɛ dabla o lon na.

Matiyu 28:10

Yesu ko o ma ko: «Aw kana siran. Aw ye taga a fɔ ne balemaw ye ko o ye taga Galile. O bɛna ne ye o yɔrɔ le ra.»

Matiyu 28:5

Mɛlɛkɛ k’a fɔ musow ye ko: «Aw kɔni, aw kana siran, sabu Yesu min gbengbenna yiri ra, ne k’a lɔn ko aw bɛ ale le yɔrɔɲinina.

Marika 16:6

O kanbelen k’a fɔ o ye ko: «Aw kana siran. Yesu Nazarɛtika, min tun gbengbenna yiri ra, aw bɛ o le yɔrɔɲinina. A kununa ka bɔ saya ra, a tɛ yan; aw ye a su layɔrɔ flɛ.

Luka 1:13

Mɛlɛkɛ ko: «Jakariya, i kana siran, Ala le ka i ta daariri lamɛn; i ta muso Elizabɛti bɛna dencɛ woro i ye, i bɛna a tɔgɔ la ko Yuhana.

Luka 1:30

O tuma mɛlɛkɛ k’a fɔ a ye ko: «I kana siran, Mariyamu, sabu Ala ka koɲuman le kɛ i ye.

Luka 2:10

Nka mɛlɛkɛ k’a fɔ o ye ko: «Aw kana siran, ne nana ɲagarikoba kibaro diman le fɔ aw ye; o bɛna kɛ mɔgɔw bɛɛ ta ɲagariko le ye.

Luka 24:38

Nka Yesu k’a fɔ o ye ko: «Mun kosɔn aw hakiri ɲagamina? Mun na o miiriya ɲɔgɔn bɛ aw jusukun na?»

Kɛwalew 27:24

A ko: ‹Pɔli, i kana siran, jagboya lo ko ele ye taga lɔ masacɛba Sezari ɲa fɛ. O kosɔn, mɔgɔ o mɔgɔ bɛ ni i ye kurunba kɔnɔ, Ala bɛna ele ni olugu bɛɛ kisi ɲɔgɔn fɛ a ta ɲumanya kosɔn.›

Yirari 1:17

Ne k’a ye minkɛ, ne benna a sen kɔrɔ, k’a kɛ i n’a fɔ ne sara le. A k’a kininboro la ne kan k’a fɔ ko: «I kana siran, ne le ye fɔlɔ ye, ani laban;