Daniyɛli 1:5 - Jula NT of Côte d’Ivoire

⁵ Masacɛ yɛrɛ ta domuni ni a ta duvɛn le tun ka kan ka di o ma lon o lon ka o kɛ o ta baro ye. O ka kan ka karan fɔ san saba. O kɔ, o bɛ sɔrɔ ka don masacɛ ta baara ra.

ALA KA KUMA

⁵ Masacɛ y'a fɔ ko ale ka dumuni, n'a ka minnifɛn dɔ le ka kan ka di u ma loon o loon, ani k'u kalan fɔɔ saan saba, n'o dafara, u bena sɔrɔ ka baara kɛ ale masacɛ ye.

Daniyɛli 1:5 Iomraidhean Croise

Damina 41:46

Wagati min na o ka Yusufu wele ka taga Misiran masacɛ Farawona fɛ, o y’a sɔrɔ a si tun ye san bisaba. O le kɔ fɛ, a bɔra Farawona kɔrɔ ka taga Misiran jamana yaala.

Mas fɔlɔ 10:8

Ele ta mɔgɔw kɔni ta ka di. I ta jamana ɲamɔgɔw fana ta ka di, sabu olugu bɛ i kɔrɔ yan ka to ka i ta hakiritigiyakumaw lamɛn wagati bɛɛ.

Mas 2nan 25:30

Babilɔni masacɛ k’a mako bɛɛ ɲa o cogo le ra lon o lon, a si tɔ bɛɛ ra.

Lok 2nan 9:7

Ele ta mɔgɔw ta ka di, i ta jamana ɲamɔgɔw fana ta ka di, sabu olugu bɛ i kɔrɔ yan ka to ka i ta hakiritigiyakumaw lamɛn wagati bɛɛ.

Zanaw 23:3

I kana ɲabɔ a ta domuni dimanw fɛ, sabu mɔgɔnɛgɛdomuni lo.

Yeremi 15:19

Ayiwa, Matigi Ala ta jaabi ye nin ye: «Ni i ka na ne fɛ tuun, ne bɛna i ta, ka i lɔ i lɔyɔrɔfɔlɔ ra ne ɲa kɔrɔ. Ni i ka fɛnɲanamanw faran ka bɔ fɛngbansanw na, o tuma i bɛna kɛ ne ta daramina ye. O ra, olugu le bɛna sekɔ ka na ele fɛ, ele le tɛna sekɔ ka taga olugu fɛ.

Daniyɛli 1:19

Masacɛ kumana ni o bɛɛ ye kelen kelen. Nka a k’a ye ko o si ta hakiritigiya ma Daniyɛli ni Hananiya ni Misahɛli ni Azariya ta bɔ. O kosɔn masacɛ ka o bla a yɛrɛ ta baaraw kunna.

Daniyɛli 1:8

Nka Daniyɛli k’a latigɛ a jusukun na ko ale t’a fɛ ka masacɛ ta domunifɛnw domu, walama k’a ta duvɛn min, k’a yɛrɛ lanɔgɔ Ala ɲa kɔrɔ. O ra, a k’a fɔ baaradenw kuntigi ye k’a gbɛlɛya ko a kana olugu jagboya ka masacɛ ta fɛnw domu ka o yɛrɛ lanɔgɔ.

Matiyu 6:11

An ta bi domuni di an ma.

Luka 1:19

Mɛlɛkɛ ka Jakariya jaabi k’a fɔ a ye ko: «Ne le ye Jibirili ye. Ne le bɛ Ala kɛrɛ fɛ ka to ka a ta baaraw kɛ. Ale le ka ne ci ka na kuma i fɛ ka nin kibaro diman fɔ i ye.

Luka 11:3

An ta lon o lon domuni di an ma.

Luka 21:36

O kosɔn, aw ye aw janto aw yɛrɛ ra, ka Ala daari wagati bɛɛ, janko aw ye fanga sɔrɔ, kojugu minw bɛna kɛ, ka bɔsi o bɛɛ ma; ni o kɛra, Min kɛra Adamaden ye*, aw kun kɔrɔtanin bɛna se ka lɔ o ɲa kɔrɔ.»

Sam fɔlɔ 16:22

Sawuli ka cira bla Yese ma, ka taga a fɔ a ye ko: «A to Dawuda ye to baara ra ne fɛ yan, sabu a ko diyara ne ye kosɛbɛ.»