Daniyɛli 1:19 - Jula NT of Côte d’Ivoire

¹⁹ Masacɛ kumana ni o bɛɛ ye kelen kelen. Nka a k’a ye ko o si ta hakiritigiya ma Daniyɛli ni Hananiya ni Misahɛli ni Azariya ta bɔ. O kosɔn masacɛ ka o bla a yɛrɛ ta baaraw kunna.

ALA KA KUMA

¹⁹ A ye baro kɛ n'u ye. Kanbelen nunu bɛɛ la, a ma Daniyɛli, ni Ananiya ni Mikayɛli ani Azariya ɲɔgɔn ye. O la, u donna masacɛ ka baara la.

Daniyɛli 1:19 Iomraidhean Croise

Damina 41:46

Wagati min na o ka Yusufu wele ka taga Misiran masacɛ Farawona fɛ, o y’a sɔrɔ a si tun ye san bisaba. O le kɔ fɛ, a bɔra Farawona kɔrɔ ka taga Misiran jamana yaala.

Mas fɔlɔ 17:1

Cɛ dɔ tun bɛ Tisibe dugu kɔnɔ Galadi mara ra, a tɔgɔ tun ye ko Iliya; ale k’a fɔ Akabu ye ko: «Ne bɛ kari Matigi Ala ɲanaman, Izirayɛli ta Ala tɔgɔ ra, ne bɛ baara kɛ Ala min ye, ko nin san nataw bɛɛ ra, gɔmiji foyi tɛna jigi, sanji fana tɛna ben, fɔ ni ne yɛrɛ le nana a fɔ ko sanji ye ben tuun.»

Zanaw 22:29

Ni i ka mɔgɔ o mɔgɔ ye min timina ka di a ta baara ra, a laban o tigi bɛna taga baara kɛ masacɛw le ye, a tɛna baara kɛ mɔgɔ gbansanw ye tuun.

Yeremi 15:19

Ayiwa, Matigi Ala ta jaabi ye nin ye: «Ni i ka na ne fɛ tuun, ne bɛna i ta, ka i lɔ i lɔyɔrɔfɔlɔ ra ne ɲa kɔrɔ. Ni i ka fɛnɲanamanw faran ka bɔ fɛngbansanw na, o tuma i bɛna kɛ ne ta daramina ye. O ra, olugu le bɛna sekɔ ka na ele fɛ, ele le tɛna sekɔ ka taga olugu fɛ.

Daniyɛli 1:18

Ayiwa, masacɛ tun ka wagati min yira, o dafara minkɛ, baaradenw kuntigi tagara ni kanbelenw bɛɛ ye masacɛ fɛ.

Daniyɛli 1:4

O ye kɛ kanbelen dɔw ye, fiyɛn tɛ minw fari ra, ani minw cɛ ka ɲi. O ye kɛ mɔgɔ hakirimanw ye, ani mɔgɔ kolɔnbagaw ye fɛn bɛɛ ra, ani mɔgɔ karanninw, ani mɔgɔ barakamanw, ani mɔgɔ faamurikɛbagaw, minw bɛna se ka baara kɛ masacɛ ta so kɔnɔ, ani ka Babilɔnikaw ta kan ni o ta sɛbɛri degi.

Daniyɛli 1:5

Masacɛ yɛrɛ ta domuni ni a ta duvɛn le tun ka kan ka di o ma lon o lon ka o kɛ o ta baro ye. O ka kan ka karan fɔ san saba. O kɔ, o bɛ sɔrɔ ka don masacɛ ta baara ra.

Daniyɛli 1:6

Ayiwa, kanbelen minw ɲanawolomara, cɛ naani tun bɛ olugu ra minw tun bɔra Zuda ta gba ra. O tun ye Daniyɛli ye, ani Hananiya, ani Misahɛli, ani Azariya.

Daniyɛli 1:7

Baaradenw kuntigi ka tɔgɔ wɛrɛw la o ra. A ka Daniyɛli tɔgɔ la ko Bɛlisasari, ka Hananiya tɔgɔ la ko Sadaraki, ka Misahɛli tɔgɔ la ko Mesaki, ka Azariya tɔgɔ la ko Abɛdi Nego.

Daniyɛli 2:13

O ko latigɛra minkɛ dɔrɔn, o ka kɛ lɔnnikɛbagaw mina ye ko o bɛ taga o faga. O tagara Daniyɛli ni a tɔɲɔgɔnw fana yɔrɔɲini ko o bɛ o faga.

Daniyɛli 3:29

O ra, ne bɛ min latigɛ sisan, o ye nin ye: ‹Mɔgɔ o mɔgɔ, ni a ka kɛ siya o siya ta mɔgɔ ye, walama jamana o jamana mɔgɔ, walama ni a ka kɛ kan o kan fɔbaga ye, ni a ka kumajugu fɔ Sadaraki ni Mesaki ni Abɛdi Nego ta Ala ma, o tigi bɛ faga, k’a ta so ci k’a ton ɲɔgɔn kan i ko ɲamaɲama; sabu Ala wɛrɛ tɛ yi, min bɛ se ka mɔgɔ kisi i ko ale.› »