Lukas 23:21 - I bowon a pagpakikasungdu

²¹ Misan ay nagiinolang ide a magioyo, “Pakuin eya de padipa. Pakuin yu de padipa.”

Lukas 23:21 Iomraidhean Croise

Markos 15:13

Misan ay nagiinolang i kaagtaan a magioyo, “Pakuin eya de padipa.”

Lukas 23:20

Ta liwet a nagsurut dide i Pilato dehil de buot na a pabulwagen i Hisus.

Lukas 23:22

Ta tinanto pala ide ni Pilato ni tiluwon a sila, “Bekot, ta ano man i yinadi na a kasalanan? Ta anok pan te pekita a dehilan a panhahatolan diya ni kalebunan. Kanya yadi pa ay palapdit ko eya ta dingan pobulwag.”

Lukas 23:23

Misan ay namas pa ide a nagiinolang a geaged a mapelit a pakuin i Hisus de padipa. Ta de inapóan ngani ay nanalo di i kabuotan ni kaagtaan ide.

Huwen 19:15

Dingan nagiinolang ide, “Bunoin eya. Bunoin eya. Pakuin eya de padipa.” Misan tinanto ide ni Pilato, “Pepapaku yu man deko de padipa i hari yu?” Tinumubeg i ponu ide ni maghahandug ide, “Ang kami te hari ti an i Kaditasan a Hari yu.”

Yedi 13:28

Ta misan an ide te matud a dehilan a panhahatolan de diya ni kalebunan ay inaged de de Pilato i Hisus tangani pakuan de de padipa.