तितस 1:4 - डोटेली नयाँ करार

⁴ म यो चिठ्ठी तीतसलाइ लेख्दाछु। तु मेरो आफ्नोइ चेला जसोइ हइ क्याकि तुइले लगइ ख्रीष्टमी बिश्वास अरन्छइ। म प्रार्थना अद्दउ कि पिता परमेश्वर रे हामरा मुक्तिदाता येशू ख्रीष्ट तु प्रति अनुग्रही होउन रे तुलाइ सान्ति देउन।

डोटेलि

⁴ मुसित एकइ बिस्‍वासमि भया मेरो साँचो चेलो तितस तुलाइ मु यो चिट्‌ठि लेख्‍दा छु। परमेस्‍वर पिता रे हामुलाइ मुक्‍ति दिन्‍या ख्रिस्‍ट इसुले तुलाइ अनुग्रह रे सान्‍ति दिउन्‌।

तितस 1:4 Iomraidhean Croise

लूका 2:11

आज बेतलेहेम गाउँमी जो राजा दाउदको गाउँ हो। तमनका निउति एक जाना मुक्तिदाताको जन्म होइरइछ, जो ख्रीष्ट प्रभु हुन।

यूहन्नाले लेख्या सुसमाचार 4:42

तइ स्वानिलाइ तिननले भण्यो, “आब तुइले भण्या कुरणिका लाग्दा हामले बिश्वास अर्या होइन, तर हाम आफइले सुण्या हुनाले साँच्चि उन संसारका मुक्तिदाता हुन भणि हामले जाँणिराइछौ।”

रोमी 1:12

मेरो भणाइको अर्थ यो हो कि म तमनलाइ बलिया हुनाइलाइ सहयोग अद्द्या हु, रे तमनले मलाइ बलिया हुनाइलाइ सहयोग अद्द्या हउ। तमन बलिया हुन्या हउ क्याकि तमनलाइ था छ कि मइले कसेरी बिश्वास अर्या, रे म बलियो हुन्या हु क्याकि मलाइ था छ कि तमनले कसेरी बिश्वास अर्या।

रोमी 1:7

म यो चिठ्ठी रोम सहरमि भया तमन सबलाइ लेख्दाछु, जइलाइ परमेश्वरले प्रेम अददाहान रे जो उनरा आफ्ना पबित्र मान्स हुनाइलाइ बोलाइया छन: तमनलाइ परमेश्वर हामरा पिता रे प्रभु येशू ख्रीष्ट बठेइ अनुग्रहइ रे सान्ति।

२ कोरिन्थी 12:18

मइले तितसलाइ जा भणबर आग्रह अर्या रे तइ भाइलाइ उइका साथमि पठाया। कि तीतसले तमन बठेइ केइ आर्थिक सहयोग पायो? होइन, तमनलाइ था छ कि तितस रे मेरो एकइ मनसाय थ्यो रे एकइ तरिकाले काम अर्या हु।

२ कोरिन्थी 2:13

तर ताँ मेरा बिश्वासि भाइ तीतसलाइ तमन बठेइ खबर लेया नभेट्या हुनाले मेरा मनमि सान्ति भएन। तबइकिलाइ त्रोआस सहरका बिश्वासिन बठेइ बिदा लिबर म माकेडोनिया प्रदेसमि तितसलाइ भेट्टाइ फर्किबर आया।

२ कोरिन्थी 4:13

तर हाम प्रचार अद्द जारि राख्दाउ क्याकि हामले लगइ भजन लेखकका जसोइ बिश्वास राख्याछौ। भजन लेखकले भण्या थ्यो, “म परमेश्वरमि बिश्वास अद्दउ, तबइकिलाइ म बोल्या।”

२ कोरिन्थी 7:6

तर निरास भयालाइ सान्त्वना दिन्या परमेश्वरले तीतस आउन्ज्या हामलाइ सान्त्वना दियो।

२ कोरिन्थी 8:16

म परमेश्वरलाइ धन्यबाद दिनउ, जइले तीतसका हृदयमि तमरा निउति तसइ फिक्री राख्दियो, जसो म अद्दया अद्दउ।

२ कोरिन्थी 8:23

तीतस मेरा संगी रे तमरा सेवामि मेरा सहकर्मी हुन रे भाइन भण्या तिनन मण्डलिका छान्या शिष्या हुन रे तिनरो जीवन ख्रीष्टको प्रशंसाकि निउति हो।

२ कोरिन्थी 8:6

तबइकिलाइ तीतसले पइल्ली बठेइ तमरा बिचमि यो दान उठाउन्या काम सुरु अर्या हुनाले, त्यो पुरा लगइ अरुन भणि हामले तिनलाइ बिन्ति अर्या।

गलाती 2:3

मेरा साथी तीतस जो ग्रीक हुन तिनरो कभइ खतना भया आथिन। तर यरुशलेम सहरमि भया तिन मण्डलिका अगुवानले उइलाइ स्वीकार अर्यो। तिननले उइलाइ खतना अददाइ कर अरेइन।

गलाती 3:26

जब तमनले ख्रीष्टका नाउँमि बप्तिस्मा लिया तब तमनले नयाँ लत्ता लाया जसेरि तमनले ख्रीष्टको स्वभाव धारण अर्या। तबइकिलाइ जब तमनले येशू ख्रीष्टलाइ बिश्वास अर्या तब तमन सब परमेश्वरका सन्तान भया।

गलाती 3:28

ख्रीष्टमी यहुदि मान्सन अथवा गैर-यहुदि मान्सन, नौकर अथवा स्वत्रन्त्र मान्समि केइ फरक आथिन। तमन बैकान अथवा स्वानी भया लगइ केइ फरक आथिन। ख्रीष्ट येशूमि हाम सब बराबर छौ।

एफिसी 1:2

म प्रार्थना अद्दउ कि हामरा पिता परमेश्वर रे प्रभु येशू ख्रीष्ट तमन प्रति अनुग्रही होउन रे तमनलाइ सान्तिमि बस्साइ सहयोग अर्या होउ।

कलस्सी 1:2

ख्रीष्टमी भया कलस्से सहरका परमेश्वरको मान्स रे भाइनलाइ: हामरा पिता परमेश्वरले तमनलाइ अनुग्रह रे सान्ति दिइराखुन।

१ तिमोथी 1:12

मलाइ बल दिन्या हामरा प्रभु येशू ख्रीष्टलाइ म धन्यबाद दिनउ, क्याकि उनले मलाइ बिश्वासयोग्य माणिबर आफ्ना सेवामि नियुक्त अर्याछ।

२ तिमोथी 1:1

यो चिठ्ठी म, पावल बठेइ हो। परमेश्वरले मलाइ येशू ख्रीष्टको छान्या शिष्य हुनाइलाइ नियुक्त अर्यो, ताकि म त्यो सन्देश प्रचार अददु सकु जो परमेश्वरले अनन्त जीवन दिन्या बाचा अर्याछ त्यो येशूमि बिश्वास बठेइ आउन्छ।

२ तिमोथी 1:2

तिमोथी, म यो चिठ्ठी तुलाइ लेख्दाछु, रे तु मेरो एक प्यारो चेलो जसोइ हइ। म प्रार्थना अद्दउ कि पिता परमेश्वर रे हामरा प्रभु येशू ख्रीष्ट तमन प्रति अनुग्रही रे कृपालु होउन रे तमनलाइ सान्ति देउन।

२ तिमोथी 4:10

क्याकि डेमासले यइ संसारमी भया चीजलाइ प्रेम अरन्छ रे मलाइ त्यागिबर उ थेसलोनिके सहरमि गया छ, भाइ क्रेसेन्स गलातिया प्रदेशमि गया छ, रे तीतस दलमातिया प्रदेशमि गया छ।

तितस 1:3

रे आब ठीक बेलामि, परमेश्वरले मान्सनलाइ मेरा प्रचार बठेइ यो सुसमाचार प्रकट अर्याछ। परमेश्वर हामरा मुक्तिदाताले यो जिम्मा मलाइ दियो, यो काम उनकिलाइ अददाइलाइ आज्ञा दिया छन।

तितस 2:13

हाम इसो ब्यबहार अददाउ जब हाम तइ अदभूत दिनको प्रतिक्षा अद्दाउ जइको हामले आसा अर्या छु: त्यो दिन जब येशू ख्रीष्ट, जो हमरा महान परमेश्वर रे मुक्तिदाता हुन आफ्नो पुरा महिमासित संसारमी फर्कि आउन्याहुन।

२ पत्रुस 1:1

म, सिमोन पत्रुस तमनलाइ लेख्दाछु, म येशू ख्रीष्टको सेवक रे छान्या शिष्य हु। म तमन सबलाइ लेख्दाछु, जइले हाम सबइको समान अनमोल बिश्वास पाया छन, यो बिश्वास हामरा परमेश्वर रे मुक्तिदाता येशू ख्रीष्ट बठेइ हामलाइ दिइया हो, जइले हामलाइ परमेश्वरका नजरमि जी ठीक छ त्यो बनाउनाहान।

२ पत्रुस 1:11

रे परमेश्वरले तमनलाइ येशू ख्रीष्ट भया राज्यमि भव्य स्वागत दिन्या हुन, जो हामरा प्रभु रे मुक्तिदाता हुन, उनले ताँ सदासर्वदाकि निउति राजा भइबर राज्य अद्द्या हुन।

२ पत्रुस 2:20

जब येशू ख्रीष्टलाइ आफ्नो प्रभु रे मुक्तिदाता भणबर मान्सनले चिन्नाहान तब तिनन संसारका दुष्टता बठेइ भाग्दाहान। तर आब तिनन आजी ननिका काम अददामि लाग्या छन रे तिन ननिका कुरणीले आब तिननलाइ नियन्त्रण अरन्छ, तबइकिलाइ आब तिननले ख्रीष्टलाइ अस्वीकार अर्या तिनरो पछाडिको हालत बिश्वासि हुनाहइ पइल्लिको भण्ना झिक खराब हुन्छ।

२ पत्रुस 3:18

तर तमन लगातार हामरा प्रभु रे मुक्तिदाता येशू ख्रीष्टको अनुग्रह भौत भण्ना भौत अनुभव अददु पणन्छ, रे उनरा बारेमि तमरो बुजाइ बड्डु पणन्छ। उनलाइ अइल रे सदासर्वदा प्रसंसा होउ। आमेन।

२ पत्रुस 3:2

म इसो अददाछु, क्याकि परमेश्वरका अगमबक्ताले भौत समय पइल्ली बोल्या बचन रे हामरा प्रभु येशू ख्रीष्ट, हामरो मुक्तिदाताको शिक्षालाइ तमनले याद अर भणन्या म चाहनउ, जो तमरा वाँ आया छान्या शिष्याले तमनलाइ सिकायाथ्यो।

१ यूहन्ना 5:14

परमेश्वरमि हाम पक्‍का छौ, कि परमेश्वरका इच्छा अनसार प्रार्थनामि जी माग्याले लगइ उनले हामरो प्रार्थना सुण्नाहान।

यहूदा 1:3

प्रिय हो, हाम सबइ सहभागी भया येशू ख्रीष्ट बठेइ आउन्या हामरो मुक्ति रे नयाँ जीवनका बारेमि लेख्द्या मइले हरेक प्रयास अद्दाथ्या। तर आब म यइ चिठ्ठीका माध्यम बठेइ तमनलाइ उत्साहित हुनाइ आग्रह अद्दउ, ताकि तमनले ख्रीष्टिय बिश्वासलाइ बचाइ राख्दाइलाइ आजी कडा परिश्रम अद्द सक। परमेश्वरले आफ्ना मान्सनलाइ यो बिश्वास एकइ बेर दिइसक्या छ, रे यइलाइ परिबर्तन अद्द सकिनइन।