तितस 1:15 - डोटेली नयाँ करार

¹⁵ क्याकि जइ मान्सनका हृदय परमेश्वरका अगाडी सुद्द छन, तिननकिलाइ सब कुरणी रिति अन्सार सुद्द छन, तर तिन मान्सन जो दुष्ट रे येशूमि बिश्वास अद्दाइन्न तिननले अद्दया सब कुरणी असुद्द हुनाहान। क्याकि तिनरा हृदय रे बिबेक दुएइ पुरा रुपमि असुद्द भया छन।

डोटेलि

¹⁵ सुद्‍द मान्‍सलाइ सप्‍पइ थोक सुद्‍दइ हुनाछन्‌। तर असुद्‍द रे बिस्‍वास नअद्‍याकि निउति भन्‍या केइ कुरा लइ सुद्‍द हुनइन्‌। क्‍यालाइकि तिनरो मन रे बिबेकसमेत असुद्‍द भया हुन्‍छ।

तितस 1:15 Iomraidhean Croise

मत्ती 15:18

तर मान्स जी सोच्चान जी अद्दाहान जी बोल्लाहान रे त्यो कुरणी ह्रदय बठेइ आउन्छे, रे तिनले परमेश्वरका अगाडी मान्सलाइ असुद्द बनाउछ।

प्रेरित 10:15

आजी दोसर्या पत्रुसले इसो आवाज सुण्यो, “यदि परमेश्वरले केइ खानाइ निउति स्वीकारयोग्य बनाया छ भण्या, यो खानाइ निउति स्वीकार आथिन भणबर जन भणइ।”

रोमी 14:14

म जाण्नउ, रे प्रभु येशूमि मलाइ पक्‍का छ, कि सब खाना चलन अनसार सुद्द छन, तर जइले त्यो असुद्द माणन्छ, तइका निउति त्यो अशुद्धइ हुन्छ।

रोमी 14:20

क्याकि तमनले बिसेस खानेकुरणी खान खोजीबर परमेश्वरका कामलाइ नष्ट जन अर। चलन अनसार सब चिज सुद्द छन, तर यदि यइले और मान्सनलाइ पाप अद्द लाउछ भण्या इसो खानु गलत हो।

रोमी 14:23

तर यदि हामरा हृदयमि खान्या बारेमि संका छ तर छाड्डीबार त्यो खानाउ भण्या हाम दोषि हुनाउ, क्याकि हामले हृदयमि बिश्वास अर्या कुरणीको जसोइ अद्दाइन। यदि तमनले ठीक आथिन भणबर बिश्वास अर्या कुरणी अरन्छौ भण्या तमनले पाप अददाछौ।

१ कोरिन्थी 10:23

तमन भणन्छौ कि हाम सब कुरणी अद्दाइ स्वतन्त्र छौ, तर सब कुरणी हामरि निउति असल होइन। हाम सब कुरणी अद्दाइ स्वतन्त्र छौ, तर सब कुरणीले परमेश्वरमि हामरो बिश्वास बलियो बनाउनइन।

१ कोरिन्थी 10:25

तमनले यिसो अददु पणन्छ। तमनले दोकानमि बेचिन्या कसइ मासु लगइ खान सकन्छौ। यो मुर्तिलाइ चडाया हो कि होनइ भणबर जन सोध, तब तमरो बिबेकले यइका बारेमि तमनलाइ केइ दोस दिनइन।

१ कोरिन्थी 10:31

निचोडमि, म तमनलाइ भणनउ कि तमन खा अथवा पिय, अथवा तमन जी लगइ अर, सब परमेश्वरका महिमाका निउति अर।

१ कोरिन्थी 8:7

तर हामरा कोइ बिश्वासीले अइल सम्म बुज्या आथिन कि मुर्तिमि केइ सक्ति आथिन। क्याकि तिननले पइल्ली यिन मुर्तिको पुजा अद्दया अर्न्थ्या, अइल तिननले जब मुर्तिलाइ चडाया खानाइ खानाहान, तब तिनन गल्तिले यिसो सोच्चाहान कि तिनन अइल लगइ मुर्तिपुजामि सामेल छन। तिनन आफ्ना सोचाइमि पक्‍का आथिन, तिननले गल्तिले सोच्चाहान कि मुर्तिलाइ चडाया खानाइ खायाले तिनन पाप अददाहान।

१ तिमोथी 6:5

रे तिनरो दिमाक ननिका संकाले भरिया हुन्छ रे तिनन औरसित लगातार बिबाद अददाहान। रे तिनन सत्य कि हो बुज्जाइन्न, तिननले सोच्चाहान कि परमेश्वरको सेवा अददु भण्याको धनि हुनु हो।

हिब्रु 10:22

उनले आफ्नो रगत बठेइ हामरो हृदय पबित्र बनायो, ताकि हाम था पाउन सकौ कि हाम आब दोषि आथिन। उनले हामलाइ पबित्र बनाया छ भणि धेकाउनाइ हामरो शरीरलाइ पानिले धोयो। तबइकिलाइ मेरा बिश्वासि भाइन हो, आफना पुरा हृदय रे बलियो बिश्वाससित परमेश्वर काँ वाँ जाऔ।

हिब्रु 12:15

सतर्क हो, कि कोइ मान्स परमेश्वरको अनुग्रह पाउनाइ असफल जन होउ, रे कसइलाइ तमरा बिचमि समस्या ल्याउन जन दिय। तइ किसिमका मान्सले तमन भौतलाइ भ्रष्ट पाणन्छ।

हिब्रु 9:14

तर ख्रीष्ट पाप रहित थ्या, रे उनले आफइलाइ अनन्त रे आत्मिक बलिका रुपमि परमेश्वरलाइ चडायो। तबइकिलाइ उनरो रगत भौत सक्तिशाली छ रे हामरो बिबेकलाइ सुद्द बनाउन्छ। आब हाम जिबित परमेश्वरको सेवा अद्द सक्दाउ रे त्यो काम अद्द्या आथिनु, जइले मृत्यु तिर लइजान्छ।