रोमी 16:12 - डोटेली नयाँ करार

¹² प्रभुमि मिहिनेत अद्द्या बइनि त्रुफेना रे त्रोफोसालाइ अबिबादन दिय। प्रभुमि भौत मिहिनेत अद्द्या प्यारि बइनि परसीसलाइ अबिबादन दिय।

रोमी 16:12 Iomraidhean Croise

मत्ती 5:47

यदि तमनले आफना भाइनलाइ मान्तरइ ढोग अरन्छौ भण्या, तमन और मान्सनले भण्न्ना बड्ता केइ अर्यानु। गैर-यहुदि जइले परमेश्वरको कानुन माण्नाइन्न, उननले तसो अद्दहान।

मत्ती 9:38

तबइकिलाइ फसलका प्रभुलाइ प्रार्थना अर, रे उनले भौत खेतालालाइ उनरो राज्यका बारेमि मान्सनलाइ प्रचार अददाइ पठाउन्या हुन।”

रोमी 16:11

मेरा संगि यहुदि मान्स हेरोदियन भाइलाइ अबिबादन दिय। प्रभुमि बिश्वास अद्द्या भाइ नर्किससका परिबारलाइ अबिबादन दिय।

रोमी 16:13

परमेश्वर बठेइ छान्या प्रभुका सेवामि खास सेवक रुफस भाइ रे तइकि इजा, जो मेरी लगइ इजा जसि हुन, तिननलाइ अबिबादन दिय।

१ कोरिन्थी 15:10

तर परमेश्वरका अनुग्रहले म येशू ख्रीष्टको छान्या शिष्य छु, रे ममि भया उनरो अनुग्रहले ठुलो परिणाम लेया छ। तर मइले त और येशू ख्रीष्टको छान्या शिष्यले भण्ना बडता मिहिनत अर्या। पइलगइ मइले होइन, तर परमेश्वरका अनुग्रहले मलाइ उनरो काम अददाइ सक्षम बनायो।

१ कोरिन्थी 15:58

तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।

१ कोरिन्थी 16:16

मिहेनत अद्द्या रे समर्पण भइबर सेवा अद्दया इसा मान्सनका अधिनमी बस भणबर, म तमनलाइ बिन्ति अद्दउ।

कलस्सी 1:29

तबइकिलाइ म कठोर मेहेनत अद्दउ ख्रीष्टले सक्तिशाली रुपमि ममि काम अद्दा छन, रे म उनले दिन्या सक्ति उनरा काम अददाइ प्रयोग अद्दउ।

कलस्सी 4:12

तमरा सहर बठेइ आया येशू ख्रीष्टका दास इपाफ्रासले लगइ अबिबादन पठाया छन। तिन सदाइ तमनकीलाइ लगनशिल भइबर प्रार्थना अददाहान, ताकि परमेश्वरले तमनलाइ बलिया रे सिद्द बनाउन सकुन, रे तमन परमेश्वरको पुरा इच्छा पालन अद्दाछौ भणबर पक्‍का हुन सक।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

१ तिमोथी 4:10

हामरा बिश्वासकी निउति हाम संघर्ष रे कडा मेहनत अददाउ क्याकि हाम जिबित परमेश्वरमि आसा राख्दाउ, जो सब मान्सनका मुक्तिदाता हुन, रे बिसेस अरिबर तिननकिलाइ जइले उनमी बिश्वास अददाहान।