प्रकाश 9:20 - डोटेली नयाँ करार

²⁰ रे और मान्सन जो बिपत्ति बठेइ मरेइन, तिननले आफना सुनका मुर्ति, चाँदी, काँसा रे ढुङा रे काठका मुर्तिलाइ आराधना अद्द छाडेइन जो तिननले बनाया थ्या। तिन मुर्ति धेक्द सक्दाइन, बोल्ल सक्दाइन रे हिट्ट लगइ सक्दाइन, तिननले भूतलाइ पुज्ज लगइ छाडेइन।

प्रकाश 9:20 Iomraidhean Croise

मत्ती 21:32

म यो भण्नउ क्याकि जब बप्तिस्मा दिन्या यूहन्नाले कसेरी धर्मि जीवन जिउन्या भणिराइथ्यो, तमनले उनलाइ बिश्वास अर्यानु। तर कर उठाउन्यावाला रे बेश्याले उनमी बिश्वास अर्यो, रे तमनले यो धेकिबर लगइ पाप अद्द छाडिबर परमेश्वरतिर फर्कीयानु, रे उनमी बिश्वास अर्यानु।”

प्रेरित 17:29

तबइकिलाइ हाम परमेश्वरका सन्तान भया हुनाले, परमेश्वर सुन, चाँदी कि ढुङा जसा हुन भणि हामले सोच्चु होइन, यिन मान्सनका कला रे उनले सम्ज्या रुप मान्तर हुन।

प्रेरित 19:26

तर त्यो पावल कि भण्ना छ, तमन आफइ धेक्दाछौ रे सुण्नाछौ। मान्सनका हातले बनाया देबता चाइ देबताइ होइन, भण्ना छ। उइले एफिसस सहरमि मान्तर होइन तर एसिया प्रदेशका भौत मान्सनलाइ उसकाइबर भडकाउन्नाछ।

प्रेरित 7:41

पइ तिन दिनमि तिननले एक बाछ्छाको मुर्ति बनायो रे तइ मुर्तिलाइ बलि चडायो रे तिनन आफनाइ हातका काममी खुशी भया।

२ कोरिन्थी 12:21

मलाइ डर लाग्या छ, कि म आजी आउन्ज्या मेरा परमेश्वरले मलाइ तमरा सामने होच्याइ दिन्या हुन रे भौत जनाका निउति मइले सोक अद्दु पड्डया छ, जइले अगाडी पाप अर्याथ्या। रे आफले अरेका असुद्दता व्यभिचार रे छाडापन बठेइ पाप अद्द छाडिबर परमेश्वरतिर फर्क्या आथिन हुन्ना।

१ तिमोथी 4:1

पबित्र आत्माले प्रस्ट भण्नाहान कि यिन अन्तका दिनमि केइ मान्सनले ख्रीष्टको शिक्षामि बिश्वास अद्दया आथिन। तिननले भूत आत्मा बठेइ आया शिक्षालाइ ग्रहण अद्दया हुन, जइले तिनन बहकाउन्या हो रे झुटा शिक्षामि बिश्वास अद्दया हुन जो सैतान बठेइ आउन्छ।

प्रकाश 15:1

तइ पछा मइले स्वर्गमि फरक चिन्ह धेक्या जो अचम्मको रे भौत डर लाग्दो थ्यो। ताँ सात बिभिन्न किसिमका बिपत्ति बोक्या सात स्वर्गदुत थ्या तिन बिपत्ति छाड्डीबारका हुन, क्याकि जब तिनन सकिनाहान तब परमेश्वरको रिस सकियो।

प्रकाश 16:8

चौथा स्वर्गदुतले कटौरामि भया चिज सुर्यका मथिमि खणेयो, सुर्यलाइ और तातो हुन्या अनुमति दियो रे इसइले मान्सन चरम रे डर लाग्दो गर्मिले जलाइया थ्यो।

प्रकाश 9:19

क्याकि तिन घोडासित मान्सनलाइ माद्दाइ दुइ फरक चिज थ्या, पइलो तिनरा मुख बठेइ निकल्या कुरणी, दोसरो तिनरा पुछडी, क्याकि तिनरि पुछडि स्यापइ जसि थिन। मान्सनलाइ काटटाइ तिनरा मुन्टा थ्या।

प्रकाश 9:21

तिननले आफले अर्या हत्या, जादुगरी, व्यभिचार रे चोरिको काम अद्द छाडिबर परमेश्वरतिर फर्केइन।