प्रकाश 9:15 - डोटेली नयाँ करार

¹⁵ तइ बेला चार दुत खोल्या थ्या, तिनन पइल्ली तयार भयाथ्या रे तिननलाइ यो समय, यइ दिन, यइ महिना रे यइ बर्षकि निउति तयार पाड्या थ्या। त्यो आब आइ सक्या थ्यो, तिननले संसारमी भया एक तिहाइ मान्सनलाइ माद्दु पणन्छ।

प्रकाश 9:15 Iomraidhean Croise

प्रकाश 20:7

एक हजार बर्ष भया पछा सैतान तइका कैद बठेइ छुटन्छ,

प्रकाश 8:10

तेसरा स्वर्गदुतले आफ्नो तुरहि बजायो, रे अग्गास बठेइ बल्या राँको जसो एक ठुलो तारा झण्यो, रे खोलाको एक तिहाइ भाग रे पानीका मुलमि त्यो झण्यो।

प्रकाश 8:7

पइलो स्वर्गदुतले आफ्नो तुरहि बजायो, रे उतन्जेइ भौत हिउको बर्सा भयो रे रगतसित मिसाया आगो धर्तीमि आयो, रे धर्तिको एक तिहाइ भाग, रुखको एक तिहाइ भाग रे सब हरिया घाँस बल्या।

प्रकाश 8:8

दोसरा स्वर्गदुतले आफ्नो तुरहि बजायो, रे एक ठुलो बल्लार्या पहाड जसो धेकिन्या चिज समुद्रमी खितियो। तबइकिलाइ समुद्रको एक तिहाइ भाग रगतमि बदलियो।

प्रकाश 8:9

रे समुद्रमी बस्स्या एक तिहाइ जिउना प्राणि मर्या। यइले समुद्रमी भया एक तिहाइ जहाज लगइ नास भया।

प्रकाश 9:10

तिनरि पुछडी रे खिल बिच्छिका जसा थ्या। तिनरि पुछडिमि भया खिलले पाँच महिना सम्म मान्सलाइ कष्ट दिन्या सक्ति छ।

प्रकाश 9:18

तिन तीन बिपत्ति आगो, धुकाँ रे गन्धक जो घोडा मुख बठेइ निक्‍कलाथ्यो। तइले एक तिहाइ मान्सलाइ मार्यो।