प्रकाश 8:8 - डोटेली नयाँ करार

⁸ दोसरा स्वर्गदुतले आफ्नो तुरहि बजायो, रे एक ठुलो बल्लार्या पहाड जसो धेकिन्या चिज समुद्रमी खितियो। तबइकिलाइ समुद्रको एक तिहाइ भाग रगतमि बदलियो।

प्रकाश 8:8 Iomraidhean Croise

मर्कुस 11:23

साँच्चि म तमलाइ भण्नउ, यदि कसइले आफना हृदयमि संका नअरिबर आफले भण्या कुरणी परमेश्वरले पुरा अद्दया हुन भणि बिश्वास अरिबर यइ डाङालाइ उखेलिबर तु समुद्रइनि झड भण्यो भण्या, परमेश्वरले तइका निउति तसोइ अरिदिन्या हुन।

प्रकाश 11:6

तिननले उनरो सन्देश घोषणा अद्द्या बर्ष अग्गास बठेइ पानी पड्डा बठेइ रोक्दाइ निउति परमेश्वरले तिननलाइ अधिकार दिया छ। तिननले पानीलाइ रगत जसो रातो बनाउन्या रे पृथ्बीलाइ सब किसिमका भयानक दुःख दिन्या अधिकार लगइ पाया छन। यो प्राय जसो तिननले चाया जसो अद्द सक्दाहान।

प्रकाश 12:4

तइका पुछडले अग्गास एक तिहाइ तारालाइ सोइरिबर पृथ्बीमि खिद्दियो। बालक जन्मन्जेइ तइका बालकलाइ निल्दिउ भणि त्यो अजिङ्गर बालक जन्माउन लागेइ आइमाइका अगाडी कलियो।

प्रकाश 8:7

पइलो स्वर्गदुतले आफ्नो तुरहि बजायो, रे उतन्जेइ भौत हिउको बर्सा भयो रे रगतसित मिसाया आगो धर्तीमि आयो, रे धर्तिको एक तिहाइ भाग, रुखको एक तिहाइ भाग रे सब हरिया घाँस बल्या।

प्रकाश 9:15

तइ बेला चार दुत खोल्या थ्या, तिनन पइल्ली तयार भयाथ्या रे तिननलाइ यो समय, यइ दिन, यइ महिना रे यइ बर्षकि निउति तयार पाड्या थ्या। त्यो आब आइ सक्या थ्यो, तिननले संसारमी भया एक तिहाइ मान्सनलाइ माद्दु पणन्छ।

प्रकाश 9:18

तिन तीन बिपत्ति आगो, धुकाँ रे गन्धक जो घोडा मुख बठेइ निक्‍कलाथ्यो। तइले एक तिहाइ मान्सलाइ मार्यो।