प्रकाश 8:5 - डोटेली नयाँ करार

⁵ पइ स्वर्गदुतले धुपौरो समाइबर बेदिका मल्तिर बठेइ बल्लार्या कोइलाले तइलाइ भर्यो रे धर्तीमि खित्दियो। पइ गर्जन, आवाज, बिजुलिका चमक निकल्या रे भुइँचालो गयो।

प्रकाश 8:5 Iomraidhean Croise

मत्ती 24:7

क्याकि एक जातिका मान्स अर्खा जातिका मान्सलाइ हमला अद्या हुन, रे एक राज्यका मान्स अर्खा राज्यका मान्सका बिरोधमी लड्या हुन। रे भौत ठाउँमि भुइँचालो जान्या हो, रे अनिकाल पड्या हो।

लूका 12:49

“म पृथ्बीमि आगो खण्याँउनाइ आया हु, त्यो त बरु पइल्ली बठेइ सल्क्या भया हुनेइथ्यो!

प्रेरित 16:26

तब उतन्जेइ एक ठुलो भुइँचालो गयो, रे झेलका जग हलिया, रे उतन्जेइ जम्माइ ढोका उगड्या, रे सबका साङला खुल्या।

प्रेरित 4:31

तिननले प्रार्थना अरिसक्या पछा तिनन जम्मा भया ठाँउ काम्यो, रे तिनन सब जाना पबित्र आत्माले भरिया, रे तिननले साहससित परमेश्वरको सन्देश बोल्या।

प्रकाश 11:13

तसइ बेला एक ठुलो भुइँचालो यरुशलेम सहरमि गयो रे सहरको दस हिस्सा ढल्यो। भुइँचालामि सात हजार मान्स मर्या। और बाँच्या मान्स डराया रे स्वर्गका परमेश्वरलाइ महिमा दियो।

प्रकाश 11:19

स्वर्गमि परमेश्वरको मन्दिर खोलियो रे उनरा मन्दिर भितर उनरा करारको सन्दुक धेकियो। बिजुलिका चमक धेकिया। मेग गर्जनको आवाज सुणियो। भुइँचालो गयो रे ठुला-ठुला अठ्ठा पड्या।

प्रकाश 4:5

तइ सिंहासन बठेइ बिजुलि, आवाज रे गर्जन निकलाथ्या रे तइ सिंहासनका सामने सात बत्ति बल्लाथ्या। यिन परमेश्वरका सात आत्मा हुन।

प्रकाश 6:12

रे मइले थुमालाइ छैठौं मोहोर तोड्यो धेक्या, ताँ एक ठुलो भुइँचालो आयो। सुर्य भाङरा जसो कालो भयो, रे पन्युकि जुन रगत जसि रात भइ।

प्रकाश 8:3

पइ ताँ बठेइ अर्खा स्वर्गदुत आया, रे बेदिमि कल्लिया। तइ स्वर्गदुतले धुप बाल्लाइ सुनको कटउरा समाया थ्यो। रे सब परमेश्वरका मान्सनको प्रार्थनासित चडाउनाइ उनलाइ भौत धुप दिइयो। उनले धुप रे प्रार्थना परमेश्वरको सिंहासनका अगाडी सुनका बेदिमि बाल्यो।