प्रकाश 7:1 - डोटेली नयाँ करार

^1-2 तइ पछा, मइले संसारका चार कुनामि चार जाना स्वर्गदुत कल्लिया धेक्या। तिन स्वर्गदुतले परमेश्वर बठेइ संसारलाइ हानि हुन्या अधिकार प्राप्त अर्यो चाहे त्यो समुद्रमी होउ अथवा जमिनमी। तिननले हावालाइ संसारका चार कुना बठेइ रोक्यो, ताकि समुद्रमी रे भुमिमि रे बनमि हावा चल्लारया जन होउ। मइले अर्खो स्वर्गदुतलाइ पुर्वमि प्रकट भया धेक्या। उनसित परमेश्वर बठेइ छाप थ्यो जो सदाइ जिउना छन। त्यो स्वर्गदुतले तिन चार जाना स्वर्गदुतलाइ ठुलो स्वरमि बोलायो रे उनले भण्यो,

प्रकाश 7:1 Iomraidhean Croise

मत्ती 24:31

उइले आफ्नो स्वर्गदुतलाइ तुरहिको ठुलो आवाजसित पठाउन्या हो, रे तिननले सबलाइ अग्गासका सबतिर बठेइ मइले चुन्या सब मान्सलाइ जम्मा अद्दया हुन।

मर्कुस 13:27

पइ मइले आफ्नो स्वर्गदुतलाइ पठाउन्या हु, रे तिनन गइबर मइले चुन्या सब मान्सलाइ जम्मा अद्दया हुन। तिननले सबलाइ अग्गासका सबतिर बठेइ जम्मा अद्दया हुन, संसारको सबतिर बठेइ ल्याउन्या हुन।

प्रकाश 20:8

रे धर्तिका चारै तिर भया गोग रे मागोग जातिलाइ लडाइका निउति जमा अराउनाइ निकलिबर आउन्या हो। तइका संख्या समुद्रका बालुवा जति भौत हुन्या हुन।

प्रकाश 6:6

कि एक मान्सले तिन चार जिउना प्राणि बिच बठेइ बोल्या जसो मइले सुण्या, “एक दिनको द्याणी मान्तर एक किलो धान किन्नाइ ठिक्‍क छ, रे तीन किलो गउँ लगइ एक दिनको द्याणी हुन्छ, तर तेल रे अंगुरको रसको मोल बदलिन्या होइन।”

प्रकाश 7:3

“हामले हामरा परमेश्वरका दासका चानामि मोहर नलाउन्ज्या धर्ति, समुद्र वाँ रुखलाइ केइ हानि जन अर।”

प्रकाश 8:7

पइलो स्वर्गदुतले आफ्नो तुरहि बजायो, रे उतन्जेइ भौत हिउको बर्सा भयो रे रगतसित मिसाया आगो धर्तीमि आयो, रे धर्तिको एक तिहाइ भाग, रुखको एक तिहाइ भाग रे सब हरिया घाँस बल्या।

प्रकाश 9:14

रे आवाजले छयाँउ दुतलाइ इसो भण्यो, “युफ्रेटिस भणिन्या ठुलो नदिका किनारमी बादिराख्या चार दुतलाइ खोल दिय।”

प्रकाश 9:4

जसेरि कसइलाइ बिच्छिले कट्या बठेइ दुःख पाउनाहान, तसेरि पाँच महिना सम्म तसा फटयाइग्रालाइ तिनन मान्सनलाइ दुःख दिन्या अनुमति दिइयो, जइका चानामि परमेश्वरको छाप थेइन। तर परमेश्वरले तिननलाइ आज्ञा दियो कि तिननले घाँस अथवा केइलगइ रुखलाइ नोक्सानी पुर्याउनु हुनइन रे मान्सनलाइ माद्दु हुनइन।