प्रकाश 6:8 - डोटेली नयाँ करार

⁸ तइ पछा मइले पेलो घोडा धेक्या रे घोडसवारको नाउँ मृत्यु थ्यो, रे पाताल तइका पछा लाग्याथ्यो। तिननले पृथ्बीमि बसोबास अद्द्या मान्सनको संख्याको चौथो भाग माद्द्या अधिकार पाए। तिननले उनलाइ तरबारले मार्यो, तिननले उनलाइ भोकले मार्यो रे तिननले उनलाइ खराब रोगले मार्यो रे तिननले जंगली राक्षसलाइ लगइ तिननलाइ माद्द लायो।

प्रकाश 6:8 Iomraidhean Croise

मत्ती 11:23

रे तमन, कफर्नहुम गाउँका मान्सन, कि तु अग्गास सम्मइ उचिन्या हइ ब? तु नरक सम्मइ खितिन्या हइ। क्याकि तुमि अरिया अचम्मका काम सदोम सहरमि अरिया भया त्यो आजका दिन सम्म रइरनेइथ्यो।

मत्ती 24:7

क्याकि एक जातिका मान्स अर्खा जातिका मान्सलाइ हमला अद्या हुन, रे एक राज्यका मान्स अर्खा राज्यका मान्सका बिरोधमी लड्या हुन। रे भौत ठाउँमि भुइँचालो जान्या हो, रे अनिकाल पड्या हो।

१ कोरिन्थी 15:55

यिसेरी पबित्र शास्त्रामि लेख्या कुरणी पुरा हुन्या हो, ए मृत्यु तेरो बिजय काँ छ? ए मृत्यु तेरो दुःख दिन्या सक्ति काँ छ?

प्रकाश 1:18

म जीवनको स्रोत हुँ। म एकबेर मर्या तर आब जिउनो छु रे म सदाइकि निउति जिउनो हुन्या हु, रे मसित मृत्युमि अधिकार छ। रे पातालका साँचा म सितइ छन।

प्रकाश 12:4

तइका पुछडले अग्गास एक तिहाइ तारालाइ सोइरिबर पृथ्बीमि खिद्दियो। बालक जन्मन्जेइ तइका बालकलाइ निल्दिउ भणि त्यो अजिङ्गर बालक जन्माउन लागेइ आइमाइका अगाडी कलियो।

प्रकाश 9:15

तइ बेला चार दुत खोल्या थ्या, तिनन पइल्ली तयार भयाथ्या रे तिननलाइ यो समय, यइ दिन, यइ महिना रे यइ बर्षकि निउति तयार पाड्या थ्या। त्यो आब आइ सक्या थ्यो, तिननले संसारमी भया एक तिहाइ मान्सनलाइ माद्दु पणन्छ।

प्रकाश 9:18

तिन तीन बिपत्ति आगो, धुकाँ रे गन्धक जो घोडा मुख बठेइ निक्‍कलाथ्यो। तइले एक तिहाइ मान्सलाइ मार्यो।