प्रकाश 6:16 - डोटेली नयाँ करार

¹⁶ तिननले पाहाड रे पखानलाइ भण्यो, “हाममि झड रे सिंहासनमि विराजमान भया बठेइ रे थुमाका क्रोध बठेइ हामलाइ लूका रे सिंहासनमि बस्या मान्सले हामलाइ धेक्द जन सकुन।

प्रकाश 6:16 Iomraidhean Croise

मत्ती 26:64

येशूले तिनलाइ भण्यो, “तमइले भणि हाल्या। रे पइलगइ म तमनलाइ भण्नउ, आब यइ पछा तमले म, मान्सको चेलोलाइ सर्ब सक्तिमान परमेश्वरको दाइन हाततिर सक्तिका ठाउँमि बस्या रे तमनले मलाइ बादलले घेर्याको अग्गास बठेइ आउन्नारया धेक्द्या हो।”

मर्कुस 3:5

उनले वलतिर पलतिर सब ठाउँ हेर्यो उन रिसाया रे उदास भया क्याकि उन सब सहमत भयइन रे तइ मान्सलाइ भण्यो, “तेरो हात सिदा अर।” तइ लुलो मान्सले येशूतिर आफ्नो हात लइय्यो रे त्यो निको भयो।

लूका 23:30

तइ बेला मान्सनले पाहाडलाइ भण्न्या हुन, ‘हाममि झड’ रे डाङालाइ ‘हामलाइ ढोकीदे’।

प्रकाश 10:6

उइले तइ नाउँको कसम खायो जो सदासर्वदा जिउना रनाहान जइले अग्गास, पृथ्बी, रे समुद्र, रे तिननमि सब थोक बनायो, रे उइले भण्यो, “आब अबेला हुनइन।

प्रकाश 19:15

सवारको मुख बठेइ एक धारिलो तरबार आउछ जइलाइ उनले जाति-जातिलाइ हराउनाइलाइ प्रयोग अददाहान, रे उइले तिननलाइ फलामको डन्डाले सासन अद्द्या हुन। उन सर्वसक्तिमान परमेश्वरको भयानक क्रोधको अंगुरको रसको कुण्डमी अंगुरको रस थिचीबर निकाल्ल्या हुन।

प्रकाश 20:11

रे मइले एक ठुलो सेतो सिंहासन, रे तइमि बसिर्यालाइ धेक्या। धर्ति रे अग्गास उनरा उपस्थिति बठेइ भागिबर गया, रे कसइले धर्ति रे अग्गासलाइ आजी धेकेइन।

प्रकाश 4:2

पबित्र आत्मा ममि आया। हेर, स्वर्गमि एक सिंहासन थ्यो रे एक जाना तइ सिंहासनमि बस्याथ्या

प्रकाश 4:5

तइ सिंहासन बठेइ बिजुलि, आवाज रे गर्जन निकलाथ्या रे तइ सिंहासनका सामने सात बत्ति बल्लाथ्या। यिन परमेश्वरका सात आत्मा हुन।

प्रकाश 4:9

जो सिंहासनमि विराजमान छन उनइ हुन जो सदासर्वदा जिउना रनाहान रे जबलगइ जिउना प्राणिले उनलाइ महिमा, आदर, धन्यबाद चडाउनाहान, तब तिन चौबिस जाना अगुवा उनरा सामने घोप्टो पडिबर उनरो उपासना अददाहान, रे दण्डबत अद्दाहान, आ-आफना मुकुट सिंहासनका अगाडी राखिबर इसेरि गाउनाहान:

प्रकाश 5:1

पइ सिंहासनमि विराजमान हुन्याका दाइन बाहुलिमी तइका दुएइ तिर लेखिया एक किताब मइले धेक्या, जो सात मोहर लाइबर बन्द अरियाको थ्यो।

प्रकाश 6:10

पइ तिनन इसो भणबर जोरले परमेश्वरलाइ पुकार्यो, “हे पबित्र रे सत्य प्रभु, क्याकि तम पृथ्बीमि बस्सया तिन दुष्ट मान्सनलाइ सजाय दिनाइ इति लामो समय सम्म पर्खन्छौ? हाम तमलाइ बिन्ति अददाउ कि तमले हामलाइ हत्या अद्द्या मान्सको ब्यवहारको बदला लिया।”

प्रकाश 9:6

यिन पाँच महिनामि मान्सनले मद्दाइलाइ बाटो खोज्ज्या हुन, तर तिनन मद्द सक्द्या होइन तिनन मद्द्या इच्छा अद्द्या हुन तर तिनन मद्द सक्द्या होइन।