प्रकाश 2:3 - डोटेली नयाँ करार

³ म जाण्नउ कि तमनले ममि बिश्वास अर्या हुनाले तमनले धैर्यसित कष्ट सयाछौ, पइलगइ ममि तमरो भरोसा बलियो छ।

प्रकाश 2:3 Iomraidhean Croise

मर्कुस 15:21

जब तिनन सहर बठेइ बाइर जन्नाथ्या, तब सिमोन नाउको एक मान्स गाउँ बठेइ यरुशलेम सहरमि आउन्नाथ्यो। सिमोन कुरेनि सहरको थ्यो, रे उ सिकिंदर रे रुफसको बा थ्यो। सिपाइले उइलाइ आदेस दियो कि क्रुस उठाइबर तइ ठाउ सम्म लइजाउ, जाँ उन येशूलाइ क्रुसमि मद्द्या हुन।

लूका 14:27

जो मान्स आफ्नो दुःख सन रे मद्दाइलाइ तयार हुनइन, त्यो मेरा शिष्य हुना लायकको हुनइन।

लूका 18:1

तिनन सदाइ प्रार्थना अरुन रे निरास जन हुन भण्न्या उइले येशूले आफना शिष्यालाइ एक काहानि भण्यो:

लूका 21:19

तमरो धैर्य बठेइ तमनले आफ्नो प्राण पाउन्या हौ।”

लूका 5:5

तर सिमोनले जबाफ दिबर भण्यो, “गुरुज्यू हामले रातभरि मिहिनेत अरिबर लगइ केइलगइ फेला पाणेइन, पइलगइ तमले भण्या हुनाले म जाल हाण्नउ।”

लूका 8:15

तर निका जमिनमी पड्या चाइ तिन हुन, जइले बचन सुणिबर परमेश्वरको इच्छा अनुसार जीवन जिउनाहान, रे धैर्यसित फल फलानाहान।”

यूहन्नाले लेख्या सुसमाचार 15:21

तिननले यिन सब कुरणी मेरा शिष्या भया हुनाले अद्दया हुन क्याकि तिनन मलाइ पठाउन्या परमेश्वरलाइ चिन्नाइन।

रोमी 12:12

तमनसित भया आसामि तमनले आनन्द अददु पणन्छ, संकष्टमि धैर्य अर, लागातार प्रार्थनामि लागी रअ।

रोमी 16:12

प्रभुमि मिहिनेत अद्द्या बइनि त्रुफेना रे त्रोफोसालाइ अबिबादन दिय। प्रभुमि भौत मिहिनेत अद्द्या प्यारि बइनि परसीसलाइ अबिबादन दिय।

रोमी 2:7

धैर्यसित निका काम अरिबर महिमा, इज्जत रे अमरत्व खोज्ज्यालाइ परमेश्वरले अनन्त जीवन दिन्या हुन।

रोमी 8:25

तर हामसित अइल सम्म नभया कुरणी पाउन्या आसा अददाउ, तबइकिलाइ त्यो नपाउज्या तइ कुरणीकी निउति धैर्यसित प्रतिक्षा अददाउ।

१ कोरिन्थी 13:7

तिनन प्रेममि सबइ कुरणी सहनाहान, तिनन कभइ बिश्वास अद्द छाड्डाइन, तिनन सदाइ आसा अद्दाहान सबइ कुरणी सनाहान, तिनन असजि रे कष्टमी धैर्य रनाहान।

१ कोरिन्थी 16:16

मिहेनत अद्द्या रे समर्पण भइबर सेवा अद्दया इसा मान्सनका अधिनमी बस भणबर, म तमनलाइ बिन्ति अद्दउ।

२ कोरिन्थी 10:15

हाम सिमा निङालिबर औरका परिश्रममि घमण्ड अद्दाइन, तर हामरो आसा यो छ, कि तमरो बिश्वास बड्डारया बेला तमरा बिचमि हामरो काम झिक बड्डोइ जान्या हो,

२ कोरिन्थी 11:23

कि तिनन ख्रीष्टका सेवक हुन? म झिक असल सेवक हु। पागलइ जसेरि म बोल्ला छु। मइले उइका भण्ना बरता परिश्रम अर्या। म उइका भण्ना बरता झेलमि भौत बेर पण्या। अनगिन्ती कोर्रा खाया, बेर बेरि मृत्युका मुखमि पण्या।

२ कोरिन्थी 4:1

तबइकिलाइ परमेश्वरका कृपा बठेइ हामसित परमेश्वरको बचन प्रचार अद्द्या सेवा भया हुनाले हाम हरेस खानाइन।

२ कोरिन्थी 4:16

तबइकिलाइ हाम हरेस खानाइन। हामरो शरीर बिस्तारइ मद्दोइ गया लगइ हामरो आत्मा भण्या दिन-दिनइ नयाँ हुनोइ जान्छ।

२ कोरिन्थी 5:9

तबइकिलाइ हाम उनसित स्वर्गमि हौ अथवा हाम यइ धर्तीमि हौ, उनलाइ भौत खुशी बनाउनुइ हामरो लक्ष हुन्छ।

२ कोरिन्थी 6:5

कुटाइ पिटाइमि, कैदमी, हुलदङ्गमि, परिश्रममि, उनिलो बस्स्या बेलामि, भोकमि,

गलाती 6:2

हामले एक अर्खालाइ सहयोग अददु पणन्छ, हाम मध्ये जो लगइ समस्यामि हुन्छ, रे इसेरि हामले ख्रीष्टको कानुन पालन अददाउ।

गलाती 6:9

भलाइ अद्द्या काममी हाम निरुत्साहित जन होउ, क्याकि यदि हामले कभइ हिम्मत हारेइन भण्या परमेश्वरले आफ्नो समयमि हामलाइ इनाम दिन्या हुन।

फिलिप्पी 2:16

अनन्त जीवन दिन्या बचन प्रचार अर ताकि मेरो परिश्रम, रे मिहिनेत खाली गएइन भणबर ख्रीष्ट फर्कि आउन्या दिनमि म गर्व अद्द सकु।

फिलिप्पी 4:3

म तमलाइ सोद्दउ, सिसिगुस, जसो तमरो नाउँ छ, बिश्वासयोग्य सहकर्मी, म तमनलाइ यो बिन्ति लगइ अद्दउ कि यिन दुइ स्वानी मान्सनलाइ मेलमिलापमि बसाइलाइ सहयोग अर, क्याकि यिनले मसित सुसमाचार फइलाउन्या काममी, कष्टमी रे मेरा और सहकर्मी सित मिहिनेत अरिराइछ, जइको नाउँ तइ किताबमी लेखिरइछ जइमि अनन्त जीवन पाया मान्सनको नाउ लेखिया छ।

कलस्सी 1:11

म प्रार्थना अद्दउ कि परमेश्वरले आफ्नो महान सक्तिले तमनलाइ भौत बलिया बनाउन ताकि तमन आनन्द रे धैर्यसित तमरा दुःख सहन सक।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

१ थेसलोनिकि 2:9

बिश्वासि भाइन हो, हामरा कष्ट रे मेहनतको सम्जना तमनलाइ पक्‍कालगइ छ, हामले दिन रात काम अरिबर परमेश्वरको सुसमाचार तमनलाइ प्रचार अर्या। ताकि तमनले हमलाइ खाचो भया चिज दिन जनपरउ।

१ थेसलोनिकि 5:12

बिश्वासि भाइन हो, हाम तमनलाइ बिन्ति अद्दाउ कि प्रभुमि तमरा अगुवालाइ आदर अर, जो तमरा बिचमि कडा परिश्रम अद्याहान, रे जइले तमनलाइ आत्मिक कुरणीमि सल्लाह दिनाहान।

२ थेसलोनिकि 3:13

तर बिश्वासि भाइन हो, तमन असल कुरणी अद्दाइ कभइ निरास जन होउ।

२ थेसलोनिकि 3:5

हाम प्रार्थना अददाउ कि प्रभु येशूले तमनलाइ धेकाया होस कि परमेश्वरले तमनलाइ कति प्रेम अददाहान, रे ख्रीष्टले कष्ट सया जसेरि तमन लगइ कष्ट सन सक।

२ थेसलोनिकि 3:8

हामले कसइका रोटा सुदिसार खाएइन। रे हाम आफ्नो खाचोमी लगइ तमनमि हइ कसइमी भर पड्डु पडइन भणबर हामले रातदिन मिहनत अरिबर काम अर्या।

१ तिमोथी 4:10

हामरा बिश्वासकी निउति हाम संघर्ष रे कडा मेहनत अददाउ क्याकि हाम जिबित परमेश्वरमि आसा राख्दाउ, जो सब मान्सनका मुक्तिदाता हुन, रे बिसेस अरिबर तिननकिलाइ जइले उनमी बिश्वास अददाहान।

१ तिमोथी 5:17

कोइलगइ मण्डलिको अगुवा जइले आफ्नो काम निक्केरि अरन्छ, तइलाइ उचित आदर रे पर्याप्त पैसा पाउन्या सम्जीनु पणन्छ, बिसेस अरि तिनन जइले परमेश्वरको सन्देश सिकाउनाइ रे प्रचार अद्दाइ कडा मेहनत अद्दाहान।

हिब्रु 10:36

तमन विश्वासमा लगातार स्थिर हुनु पणन्छ। तब तमनले परमेश्वरको इच्छा पुरा अद्द्या हौ रे परमेश्वरले प्रतिज्ञा अर्या सब कुरणी पाउन्या हौ।

हिब्रु 12:1

हामरा वलतिर पलतिर यिन मान्सनको बिश्वासको गबाहीको प्रसस्तता छ। तबइकिलाइ आस, हामरा बाटामि आइ पड्डया बाधा रे हामलाइ अल्‍जाइ राख्द्या पापलाइ हाम पन्सायाऔ रे हामरा सामने भया दौड धैर्यसित दौडौ।

हिब्रु 13:13

तबइकिलाइ हाम लगइ सिबिर बाइर उनरा वाँ जानाउ, रे जसेरि उनले अनादर सहयो तसेरि हाम लगइ अनादर सहउ।

हिब्रु 6:10

परमेश्वर निष्पक्ष छन, उनले तमनले अर्या काम रे और बिश्वासिनलाइ सहयोग अरिबर उनरो निउति धेकाया प्रेम बिस्सद्या आथिन। रे उन सम्जन्या हुन कि तमनले तिननलाइ आजी लगइ सहयोग अददाछौ।

हिब्रु 6:15

अब्राहाम धैर्यसित लामो समय सम्म पख्या। तब उनले परमेश्वरले बाचा अर्या आशिस पायो।

२ पत्रुस 1:6

तमनले ज्ञानि भइबर मान्तर जीवन बिताउनु हुनइन, तर तमन आफइ संयमि लगइ हुनु पणन्छ। तमन आफइ संयमि हुन्या मान्तर होइन, तर तमन दुःखमि लगइ धैर्य भइबर बस्सु पणन्छ। तमन धैर्य भइबर बस्सु मान्तर होइन, तर तमनले परमेश्वरलाइ खुशी बनाउन्या जीवन लगइ जिउनु पणन्छ।

प्रकाश 1:9

म यूहन्ना, तमरो साथी बिश्वासि, हाम सब येशू ख्रीष्टको राज्यका भाग हौ, रे हाम सबइ दुःख कष्ट भोग्दाउ रे येशूका लाग्दा धीरजी भइबर सनु पणन्छ। परमेश्वरको बचन रे येशू ख्रीष्टको गवाहिका खातिर म पत्मोस भण्न्या टापुमि थ्या।

प्रकाश 3:10

कष्ट भोगन्ज्या धिरज राख्द्या मेरो सन्देशकिलाइ तमनले पालन अर्या, तबइकिलाइ म तमनलाइ सुरक्षित राख्दउ। यो परिक्षणको समय यइ संसारका सब मान्सनमि आउन्या हो।