प्रकाश 2:23 - डोटेली नयाँ करार

²³ म तइका शिक्षालाइ पछ्याउन्या लाइ माद्द्या हु। रे सब मण्डलिले था पाउन्या छन कि म उइ हु जइले सबका बिचार रे आसयलाइ जाँच अरन्छ, रे म तमन हरेकलाइ तमनले अर्या काम अन्सार सबलाइ प्रतिफल दिन्या हु।

प्रकाश 2:23 Iomraidhean Croise

मत्ती 16:27

क्याकि म, मान्सको चेलो बाको महिमामि आफना स्वर्गदुतसित आउन्या हो, रे तसइ बेला उइले हरेक मान्सलाइ तइको काम अन्सारको फल दिन्या हो।

लूका 16:15

तब उनले तिननलाइ भण्यो, “मान्सनका अगाडी तमन धर्मि धेकिनाइ निको माण्न्छौ, तर परमेश्वरले तमरा हृदय जाण्नाहान, क्याकि मान्सका बिचइनि जी महत्वपूर्ण माणिन्छ, परमेश्वरको दृष्टिमि त्यो खराब माणिन्छ।”

यूहन्नाले लेख्या सुसमाचार 21:17

उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ।

यूहन्नाले लेख्या सुसमाचार 4:16

येशूले तइलाइ भण्यो, “जा तेरा बैकान बोलाइबर ल्या।”

प्रेरित 1:24

तिननले यिसेरी प्रार्थना अर्यो, “सब मान्सका मनको कुरणी जाण्न्या प्रभु, यिन दुइमि हइ तमले कइलाइ छानिराइछौ त्यो हामलाइ धेकाइ दिय,

रोमी 14:12

तबइकिलाइ हाममि हइ हरेकले आफ्ना आफ्ना कामको लेखा परमेश्वरलाइ दिनु पड्डया हो।

रोमी 8:27

मान्सनका ह्रदय बुज्जया परमेश्वरले पबित्र आत्माको बिचार बुज्जाहान, क्याकि परमेश्वरका इच्छा अनसार पबित्र आत्माले परमेश्वरका मान्सनकि निउति मध्यस्थता अद्दाहन।

२ कोरिन्थी 5:10

क्याकि हाम सब ख्रीष्टका न्याय आसनका अगाडी खडा हुनु पणन्छ, इसेरि सरीरमि हुन्ज्या आफले अर्या अनसार हरेकले निका वाँ खराब प्रतिफल पाउन्या हुन।

गलाती 6:5

क्याकि हाम हरेक आफ्नो-आफ्नो कामकीलाइ आफइ जिम्मेबार छौ।

हिब्रु 4:13

परमेश्वरका दृष्टिमि कोइ मान्स लुक्या आथिन। रे उनइ हुन, जसलाइ हामले जीवन भरि अर्या सब कामको लेखा दिनु पड्डया हो। उनरा अगाडी सब कुरणी स्पष्ट रे खुला छन।

१ पत्रुस 1:17

परमेश्वरले हरेक ब्यक्तिले अर्या काम जाण्नाहान, रे उन हरेकको केइ पक्षपात बिना न्याय अददाहान। जब तमन परमेश्वरलाइ प्रार्थना अर्न्छौ, तमनले उनलाइ बा भणन्छौ। तबइकिलाइ, सदाइ उनलाइ आदर अर, जबसम्म तमन यइ संसारमी परदेशी जसा भइबर बसन्छौ।

प्रकाश 2:11

तम जो सुणनाछौ, तइ सुण्या कुरणिका बारेमि ध्यानले सोच कि पबित्र आत्माले मण्डलिलाइ कि भण्नाहान। दुष्ट सक्तिलाइ परास्त अद्द्या मान्सनले दण्ड पाउन्या आथिन, जो दोसरो मृत्यु हो।”

प्रकाश 2:7

तम जो सुणनाछौ, तइ सुणा कुरणिका बारेमि ध्यानले सोच कि पबित्र आत्माले मण्डलिलाइ कि भण्नाहान। दुष्ट सक्तिलाइ परास्त अद्द्या मान्सनलाइ म उइ जीवन दिन्या रुख बठेइ फल खान्या अनुमति दिनउ, जो परमेश्वरको स्वर्गीय बगैंचामि उमरन्छ।”

प्रकाश 20:12

रे मइले मर्या मान्सन धेक्या, जो महत्वपूर्ण रे महत्वहिन छन, तइ सिंहासनका अगाडी कल्लिया धेक्या। मान्सन जो समुद्रमी डुबिबर मर्याथ्या, चिहानमि भया सबइ मर्या लगइ, सबइ मान्सन जो पातालमि थ्या, तिनन सब सिंहासनका सामने कल्लिया। त्यो किताब खोलियो जइमि अनन्त जीवन पाया मान्सनको नाउ लेखिया आथिन। तिन किताब लगइ खोलिया जइमि मान्सनले कि अर्याछ सब लेखियाथ्यो, रे प्रत्येकलाइ उइले अर्या काम अनसार न्याय गरियो, जो तइ किताबमी लेखियाथ्यो।

प्रकाश 22:12

पइ प्रभु येशूले भण्यो, “हेर, म छटाइ आउन्नार्याँउ। सब मान्सले जी अर्या छन तइ अन्सार म तिनन सबलाइ इनाम अथवा दण्ड दिनाइ आउन्ना छु।”

प्रकाश 6:8

तइ पछा मइले पेलो घोडा धेक्या रे घोडसवारको नाउँ मृत्यु थ्यो, रे पाताल तइका पछा लाग्याथ्यो। तिननले पृथ्बीमि बसोबास अद्द्या मान्सनको संख्याको चौथो भाग माद्द्या अधिकार पाए। तिननले उनलाइ तरबारले मार्यो, तिननले उनलाइ भोकले मार्यो रे तिननले उनलाइ खराब रोगले मार्यो रे तिननले जंगली राक्षसलाइ लगइ तिननलाइ माद्द लायो।