प्रकाश 2:2 - डोटेली नयाँ करार

² मलाइ था छ तम कसा काम अर्न्छौ, तम कसेरी मेहनत अर्न्छौ रे कभइ हार माणनानु। मलाइ था छ कि तम दुष्ट मान्सनका झुटा शिक्षालाइ सनानु। तमले तसा मान्सलाइ परिक्षा अर्या जइले आफ छान्या शिष्या हुँ भण्नाहान तर साच्ची तिनन होइन, रे तमले पत्ता लाया कि तिनन झुटा छन।

प्रकाश 2:2 Iomraidhean Croise

मत्ती 7:23

रे म तिनलाइ साच्ची भण्नउ, ‘मइले तमनलाइ कभइ पछेण्या आथिन। ए दुष्ट काम अद्द्या, म बठेइ दुर होइजा।’”

यूहन्नाले लेख्या सुसमाचार 6:6

तर यो कुरणी फिलिपको जाँच अद्दाइ भण्या हो, क्याकि उनले जी अद्दाइ बटिरइथ्या त्यो उनलाइ थाथ्यो।

गलाती 1:7

साच्ची एक मान्तर सत्य सुसमाचार छ। तर केइ मान्सनले ख्रीष्टका बारेमिको सुसमाचारलाइ बद्ल्ल खोज्जा छन, रे तिननले तमनलाइ भ्रममि पाड्या छन।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

१ थेसलोनिकि 5:21

सब सन्देश परमेश्वर बठेइ हो कि होइन भणबर जान्नाइलाइ जाँच अर। निका सन्देसलाइ स्वीकार अर रे पालन अर।

२ तिमोथी 2:19

तर परमेश्वरका मान्सन जग जसाइ हुन जो स्थिर हुन्छ। इसइ जगमि यिन सब्द लेख्या छन: “प्रभु जणनाहान कि उनरा मान्सनको हुन” पइलगइ “जो लगइ प्रभुका हो तइले दुष्ट काम अद्द छाड्डु पणन्छ।”

हिब्रु 6:10

परमेश्वर निष्पक्ष छन, उनले तमनले अर्या काम रे और बिश्वासिनलाइ सहयोग अरिबर उनरो निउति धेकाया प्रेम बिस्सद्या आथिन। रे उन सम्जन्या हुन कि तमनले तिननलाइ आजी लगइ सहयोग अददाछौ।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

प्रकाश 2:5

याद अर कि तमनले कसेरी सुरुमि मलाइ प्रेम अरन्थ्या रे आब तमनले मलाइ इसो प्रेम अददानु। रे पाप अद्द छाडिबर परमेश्वरतिर फर्क रे जसो सुरुमी तमनले मलाइ प्रेम अर्या तसेरि मलाइ प्रेम अद्द सुरु अर। यदि तमनले पाप अद्द छाडिबर परमेश्वरतिर फर्कीयानु भण्या, म तमरा वाँ आउनउ रे म तमरो सामदान जाँ छ तइलाइ ताँ बठेइ हटाइबर तमनलाइ दण्ड दिन्या हु।

प्रकाश 2:6

तर म तमनसित खुशी लगइ छु क्याकि तमन निकोलसको समुहले सिकाया दुष्ट कामलाइ घृणा अर्न्छौ, जसेरि मइले तिनरा कामलाइ घृणा अद्दउ।

प्रकाश 2:9

मलाइ था छ कि तमलाइ सताइया छ रे तम गरिब छौ। तर आत्मिक कुरणीमि तम साच्ची धनि छौ। म उनरो बारेमि जाण्नउ जो दाबि अददाहान कि तिनन यहुदि मान्सन हुन, तर आथिन। तिननले तमरा बारेमि ननिका कुरणी भण्नाहान, तर तिनन साच्ची एक समुहका सदस्य हुन जो सैतानको हो।

प्रकाश 3:1

येशूले मलाइ इसो लगइ भण्यो, “सार्डिस सहरका मण्डलिका स्वर्गदुतलाइ यो सन्देश लेख: म उइ हुँ जइले मेरा हातमि सात तारा समाया छु रे जइले परमेश्वरका सात आत्मालाइ बाहिर पठाउनाहान। मलाइ था छ तम कसा काम अर्न्छौ। तमन ममि बिश्वासयोग्य बिश्वासिन जसो धेकिन्छ तर साच्ची तमन आब मलाइ पछ्याउन।

प्रकाश 3:15

मलाइ था छ तम कसा काम अर्न्छौ तमरा लक्षण पानी जसो छ जो न त तातो छ न ठण्न। म चाहनउ कि यदि तमन मलाइ पछ्याउन्छौ भण्या, साच्ची पछ्या, यदि होइन भण्या जन पछ्या।

प्रकाश 3:8

मलाइ था छ तम कसा काम अर्न्छौ। मलाइ था छ कि तमनसित थोक्काइ सक्ति छ, पइलगइ मइले तमनलाइ भण्या कुरणी तमनले पालन अर्या छौ। तमनले ममि लगातार बिश्वास अर्या छौ। तबइकिलाइ मइले तमरा निउति एक ढोका खोल्या छु जइलाइ कसइले बन्द अद्द सक्दइन।