प्रकाश 19:3 - डोटेली नयाँ करार

³ तिननले आजी एक बेर जोरले भण्यो, हल्लेलुयाह! बेबिलोनलाइ ध्वस्त पाड्डया आगो बठेइ धुवाँ कभइ लगइ बल्ल बन्द हुनइन।

प्रकाश 19:3 Iomraidhean Croise

यहूदा 1:7

यिन इस्राएली रे स्वर्गदुत जसेइ सदोम सहर रे गमोरा सहरमि रे तिनरा नजिकका सहरमि बस्सया मान्सनलाइ भया कुरणी सम्ज। मान्सन अनैतिक भयाथ्या रे सब प्रकारका ब्यभिचारले भरिया थ्या। तबइकिलाइ परमेश्वरले तिननलाइ आगोले भस्म पाण्यो। तिननसित भया कुरणी झुटा शिक्षककि निउति चेतावनी भया छ कि तिननलाइ लगइ अनन्त आगाले सजाय दिइन्या हो।

प्रकाश 14:11

तिननलाइ सताउन्या आगा बठेइ धुकाँ सदाइकि निउति अग्गासमी उड्डया हो। तिनन मान्सन जइले पसु रे मुर्तिलाइ आराधना अददाहान जो तइ पसु जसो धेकिन्छ, रे जइले पशुका नाउको चिन्ह लिनाहान, तिननलाइ पिडा बठेइ दिन रात कभइ राहात हुनइन।”

प्रकाश 18:18

जब तिननले सहरलाइ बल्लार्या आगो बठेइ धुवाँ धेक्द्या हुन, तिनन कला हाल्या हुन रे यिसो भणन्या हुन, “यइ महान सहर जस्तो और कोइ सहर आथिन।”

प्रकाश 18:9

तइ सहरसित व्यभिचार अद्द्या रे तइ सहरको सुख-बिलासमि रमाउन्या, जब धर्तिका राजाले सहर पोलिबर धुवाँ आउनारया धेक्दाहान, तिनन रुन्या हुन रे बिलाप अद्द्या हुन।

प्रकाश 19:1

सक्तिशाली स्वर्गदुतले बोली सक्या पछा मइले स्वर्ग बठेइ भौत मान्सनले बोल्या जसो एक आवाज सुण्या जो इसो थ्यो, “हल्लेलुयाह! परमेश्वरलाइ धन्यबाद होउ, उन मान्तर हामरा एक मुक्ति दिन्या परमेश्वर हुन, महिमा रे सामर्थ उनराइ हुन।

प्रकाश 19:4

पइ तिन चौबिसइ अगुवा रे तिनन चार जिउना प्राणिले घोप्टिबर सिंहासनमि विराजमान भया परमेश्वरलाइ यिसो भणबर आराधना अर्यो, “आमिन, हल्लेलुयाह!”