प्रकाश 18:23 - डोटेली नयाँ करार

²³ उइकी रात अनारो हुन्या हो, एक लगइ बत्ति नभया। ब्याउला रे ब्याउलि कोइलगइ खुशिको आवाज हुन्या आथिन। यो इसो हुन्या हो क्याकि उनरा व्यापारी जो संसारमी सबहइ महान थ्या, तिननले जादु-टोनाले जाति-जातिलाइ धोका दियो।

प्रकाश 18:23 Iomraidhean Croise

प्रेरित 8:11

तिनन तइलाइ माणन्थ्या, क्याकि भण्या भौत बेला बठेइ तइले आफना जादुगरिले मान्सनलाइ अचम्म पाड़िराइथ्यो।

प्रकाश 12:9

त्यो ठुलो अजिङ्गर तइका सबइ दुतसित धर्तीतिर खितियो। त्यो अजिङ्गर त्यो स्याप हो जो पइल्ली बठेइ छ जइलाइ सैतान भणिन्छ। यइ संसारका मान्सनलाइ भणकाउन्या यइ हो।

प्रकाश 17:2

तइसित धर्तिका राजानले व्यभिचार अरिराइछन, रे अंगुरको रसले मात्तिएकि जसेरि पृथ्बीका मान्सन तइका पापी काममी सहभागी भया।

प्रकाश 17:5

तइका चानाइनि एक नाउँ लेखिरइथ्यो: जइमि गोप्य अर्थ छ म सबइ बेश्याकि इजा हु रे संसारका सबइ घिनलाग्दो चीजकी इजा। म बेबिलोन ठुलो सहर हु

प्रकाश 18:22

ए बेबिलोन, तेरा सडकमि संगित, बिणा रे गायकको संगित, बाँसुली रे तुरहिको संगित आजी कभइ लगइ हुन्या आथिन। तेरा सबइ सिपालु कर्मी हराउन्या हुन, रे तेरा मिलमि पिस्साइ निउति अनाज हुन्या आथिन।

प्रकाश 18:9

तइ सहरसित व्यभिचार अद्द्या रे तइ सहरको सुख-बिलासमि रमाउन्या, जब धर्तिका राजाले सहर पोलिबर धुवाँ आउनारया धेक्दाहान, तिनन रुन्या हुन रे बिलाप अद्द्या हुन।

प्रकाश 21:8

तर जइले ममि बिश्वास अद्दाइन, तिनन गंधकले बलल्या ठाउँमि सामेल हुन बाद्य हुन्या हुन, जो दोसरो मृत्यु हो। रे यइ परिणाम तिनरो हुन्या हो, जो मान्सनका अगाडी मलाइ चिन्न डराउनाहान, कुकर्म अददाहान, हत्यारा हुन, अनैतिक यौन सम्बन्ध राख्दाहान, जादु अददाहान, मुर्तिपुजा अददाहान वाँ झुट बोल्लाहान।”

प्रकाश 22:15

खराब काम अद्द्या, रे मन्त्रतन्त्र अद्द्या, व्यभिचारि, हत्यारा, मुर्ति पुज्ज्या रे झुट बोलल्या तिनन कभइ लगइ सहर पस्स सक्दाइन।”

प्रकाश 22:5

ताँ कभइ रात हुन्या आथिन, रे सहरका मान्सनलाइ तिननलाइ बत्ति कि घामको उजालो चाइनइन, क्याकि परमेश्वर आफइ तिननमि चम्किन्या। तिनन राजा जसाइ सदाइ भरि राज्य अद्दया हुन।

प्रकाश 6:15

नतिजाको रुपमि पृथ्बीका राजा, राजकुमार, जर्नेल, धनि, बलिया, हरेक दास रे स्वतन्त्र मान्स पाहाडका गुफा रे पखान तल्तिर लुक्या।

प्रकाश 9:21

तिननले आफले अर्या हत्या, जादुगरी, व्यभिचार रे चोरिको काम अद्द छाडिबर परमेश्वरतिर फर्केइन।