प्रकाश 17:11 - डोटेली नयाँ करार

¹¹ त्यो राक्षस जो भौत पइल्ली जिउनो थ्यो रे अइल यइ समयमि आथिन, उन आठौं राजा हुन। तर त्यो आठौं राजा सुरुका सात मध्ये एक हो। छाड्डीबार तइ राजालाइ पक्‍कालगइ सदाइकि निउति सजाय दिइन्या हो।

प्रकाश 17:11 Iomraidhean Croise

प्रकाश 13:10

जो झेलमि जानु पड्ड्या नियतका छन, तिनन साच्ची झेलमि पड्ड्या हुन, रे जो पक्‍का छन कि तिनन तरबारले मद्द्या हुन तिनन साच्ची तरबारले मरिन्या हुन। तबइकिलाइ परमेश्वरका मान्सनले कठिनाइ सनु पणन्छ, जो उनले अनुभव अददाहान रे बिश्वासमि पक्‍का रनु पणन्छ, तिननले धैर्य हुनु पणन्छ रे उनमी भरोसा राख्दु पणन्छ।

प्रकाश 13:12

यइ दोसरा राक्षसले पइलो राक्षसको सब अधिकार प्रयोग अरन्छ। दोसरा राक्षसले धर्ति रे तइमि बस्सयालाइ पइलो राक्षसको आराधना अद्द लाउनथ्यो, जइको मृत्यु ल्याउन सक्द्या जसो बड्ताइ चोट लाग्या चिन्ह थ्यो त्यो चोट निको भयो।

प्रकाश 13:3

तइ राक्षसका एक मुन्टामि बड्ताइ चोट लाग्या जसो चिन्ह धेकिन्थ्यो जइले उइलाइ मृत्यु ल्याउन सकनथ्यो, तर तइको चोट निको भयो, तबइकिलाइ धर्तिका मान्सन अचम्म माणिबर तइ राक्षसका पछा लाग्या।

प्रकाश 17:8

तुइले धेक्या तइ राक्षस एक समय जिउनो थ्यो, तर आब जिउनो आथिन, यो अतल कुण्ड बठेइ त्यो बाइर आउन्यावालो छ, रे परमेश्वरले तइलाइ पूरारुपमी नास अद्द्या हुन। संसारमी बस्स्या तिन मान्सन जइका नाउँ परमेश्वरले संसारको सृष्टि हुनाहइ पइल्ली तइ किताबमी लेख्या आथिन जइमि अनन्त जीवन पाया मान्सनको नाउ लेखिया छ। तिनन सब तइ राक्षसलाइ धेकिबर अचम्म पड्डया हुन। यो एक बेर जिउनो थ्यो आब यो बच्या आथिन, तर आजी यो फिर्ता आउन्या हो।”