प्रकाश 16:9 - डोटेली नयाँ करार

⁹ मान्सन प्रचण्ड ताताले बल्या, रे तिननले परमेश्वरलाइ श्राप दियो, क्याकि उनइलाइ तइ बिपत्तिमि अधिकार दियाथ्यो। तिननले आजी लगइ पाप अद्द छाडिबर परमेश्वरतिर फर्केइन रे परमेश्वरलाइ महिमा दिनाइ इन्कार अर्यो।

प्रकाश 16:9 Iomraidhean Croise

लूका 13:3

म तमनलाइ भण्नउ, तसो होइन, तर यदि तमनले पाप अद्द छाडिबर परमेश्वरतिर फर्क्यानु भण्या तमन सब तसेरि नइ नास हुन्या हउ।

लूका 13:5

तसो होइन, तर म तमनलाइ भण्नउ, यदि तमनले पाप अद्द छाडिबर परमेश्वरतिर फर्कि यानु भण्या, तमन सब तसेरि नइ नास हुनेहउ।”

२ कोरिन्थी 12:21

मलाइ डर लाग्या छ, कि म आजी आउन्ज्या मेरा परमेश्वरले मलाइ तमरा सामने होच्याइ दिन्या हुन रे भौत जनाका निउति मइले सोक अद्दु पड्डया छ, जइले अगाडी पाप अर्याथ्या। रे आफले अरेका असुद्दता व्यभिचार रे छाडापन बठेइ पाप अद्द छाडिबर परमेश्वरतिर फर्क्या आथिन हुन्ना।

प्रकाश 11:13

तसइ बेला एक ठुलो भुइँचालो यरुशलेम सहरमि गयो रे सहरको दस हिस्सा ढल्यो। भुइँचालामि सात हजार मान्स मर्या। और बाँच्या मान्स डराया रे स्वर्गका परमेश्वरलाइ महिमा दियो।

प्रकाश 14:7

उइले ठुला आवाजमी भण्यो, “परमेश्वरकि डर माण क्याकि यो उनले मान्सनको न्याय अद्द्या बेला हो। उनरो आराधना अर क्याकि उनइले अग्गास, धर्ति, समुद्र रे पानीका मुल बनायो।”

प्रकाश 16:21

हरेक चालिस किलोका अठ्ठा मान्सनमि अग्गास बठेइ ओइरिन लाग्या, जइका लाग्दा तिननले परमेश्वरलाइ श्राप दियो, क्याकि परमेश्वरले पठाया बिपत्ति बठेइ तिननले भौत दुःख भोग्दा थ्या।

प्रकाश 2:21

मइले तइलाइ पाप अद्द छाडिबर परमेश्वरतिर फार्कनाइ समय दिया, तर तइले तइ ननिका काम बन्द अद्द बठेइ इन्कार अरि।

प्रकाश 9:20

रे और मान्सन जो बिपत्ति बठेइ मरेइन, तिननले आफना सुनका मुर्ति, चाँदी, काँसा रे ढुङा रे काठका मुर्तिलाइ आराधना अद्द छाडेइन जो तिननले बनाया थ्या। तिन मुर्ति धेक्द सक्दाइन, बोल्ल सक्दाइन रे हिट्ट लगइ सक्दाइन, तिननले भूतलाइ पुज्ज लगइ छाडेइन।