प्रकाश 13:7 - डोटेली नयाँ करार

⁷ राक्षसलाइ परमेश्वरका पबित्र मान्ससित लडाइ अद्दाइ रे जित्ताइ अनुमति दियो। संसारमी हरेक कुल, मान्सन, भासा रे जातिमी तइलाइ अधिकार दिइयो।

प्रकाश 13:7 Iomraidhean Croise

लूका 4:6

सैतानले उनलाइ भण्यो, “म यो सब अधिकार रे यइको गौरब तमलाइ दिनउ, क्याकि यिन जम्माइ मलाइ दिइराइछ, रे म जइलाइ इच्छा अद्दउ उइलाइ दिनउ।”

यूहन्नाले लेख्या सुसमाचार 19:11

येशूले जबाफ दियो, “यदि तमलाइ परमेश्वर बठेइ नदिया भया ममि तमरो केइ अधिकार हुनेइ थेइन। तबइकिलाइ मलाइ तमरा हातमि सुम्पिदिन्या मान्सन आजी बड्ता पापको दोषि हुन्या हुन।”

प्रकाश 10:11

पइ मलाइ यो भणियो, “बिभिन्न मान्सको समुह रे जातिलाइ, बिभिन्न भासा बोल्या मान्सनलाइ, रे राजानलाइ एक बेर आजी भण जी परमेश्वरले तमनलाइ बोल्लाइ निउति दिनाहान।”

प्रकाश 11:18

जाति-जाति तमसित रिसाया छन, आब तमरो क्रोध तिननमि आउन्या समय आया छ मर्या मान्सको न्यायको समय आयो आब यो समय लगइ हो जब तमले अगमबक्तालाइ इनाम दिन्या हौ जइले तमरो सेवा अददाहान तमरा सब मान्सन जइले तमलाइ आदर अददाहान, जो कमजोर छन रे जो सक्तिशाली छन जइलाइ महत्वपूर्ण माणिन्छ रे महत्वपूर्ण माणिनइन जब तसइ समयमि तमले संसारमी बिनास अद्द्यालाइ नास अददा हौ।”

प्रकाश 11:7

दुइ साक्षिले परमेश्वरको सन्देश प्रचार अरिसक्या पछा अतल कुण्ड बठेइ निकल्या यो राक्षस तिनन दुइ मान्ससित लड्डया हो, तिननलाइ जितिबर माद्द्या हो।

प्रकाश 12:17

जइका लाग्दा, त्यो अजिङ्गर आइमाइसित भौत रिसायो। तबइकिलाइ उनले तइ आइमाइका बंशका बिरुद्द युद्द घोषणा अर्यो। यिन बंस तिन मान्सन हुन जइले परमेश्वरका आज्ञापालन अददाहान रे येशूले सिकाया सत्य शिक्षालाइ साच्ची लगनशिल भइबर पछ्याउन्ना छन।

प्रकाश 17:15

तिन स्वर्गदुतले मलाइ भण्यो, पानी जो तुइले अइल बठेइ जइमि त्यो बेश्या बस्न्छे तिनन मान्सन, भिड, जाति, देस, रे भासा हुन।

प्रकाश 5:9

तिनन थुमाका बारेमि यो नयाँ गीत गाउन्ना छन, जो येशू ख्रीष्ट हुन: “तमन किताब खोल्लाइ मोहर समाउन्या रे तोडया योग्यका छौ, क्याकि मान्सनले तमरो बलि दिया छन, रे तमरा मृत्युको रगतले तमले परमेश्वरको निउति हरेक कुल, भासा, मान्स रे जाति बठेइ मान्सनलाइ छुटकारा दियो।