प्रकाश 13:3 - डोटेली नयाँ करार

³ तइ राक्षसका एक मुन्टामि बड्ताइ चोट लाग्या जसो चिन्ह धेकिन्थ्यो जइले उइलाइ मृत्यु ल्याउन सकनथ्यो, तर तइको चोट निको भयो, तबइकिलाइ धर्तिका मान्सन अचम्म माणिबर तइ राक्षसका पछा लाग्या।

प्रकाश 13:3 Iomraidhean Croise

लूका 2:1

तिन दिनमि सम्राट अगस्टसले आफ्नो सारा रोमी साम्राज्यमि जनगणना लिय भण्न्या हुकुम जारि अर्यो।

यूहन्नाले लेख्या सुसमाचार 12:19

तब फरिसि मान्सनले एक अर्खालाइ भण्न पस्या, “तक, हाम बठेइ केइ हुन्या होइन। धेकन्छौ, पुरा संसारइ तइका पछा लाग्यो।”

प्रेरित 8:13

सिमोन आफइले लगइ फिलिपका सन्देशमि बिश्वास अर्यो। तइले बप्तिस्मा लियो, रे त्यो फिलिपसित हिट्ट लाग्यो, चिन्ह रे ठुला-ठुला अचम्मका काम अर्या धेकिबर तइलाइ अचम्म लाग्यो।

प्रकाश 13:12

यइ दोसरा राक्षसले पइलो राक्षसको सब अधिकार प्रयोग अरन्छ। दोसरा राक्षसले धर्ति रे तइमि बस्सयालाइ पइलो राक्षसको आराधना अद्द लाउनथ्यो, जइको मृत्यु ल्याउन सक्द्या जसो बड्ताइ चोट लाग्या चिन्ह थ्यो त्यो चोट निको भयो।

प्रकाश 13:14

पइला राक्षसको सक्ति बठेइ अचम्मका कामका लाग्दा भौत मान्सनले दोसरा राक्षस बठेइ धोका पायो रे प्रभाबित भया। दोसरा राक्षसले मान्सनलाइ तरबारले घाइते भया तर निको भया पइलो जनावरको आराधना अददाइ मुर्ति बनाउनाइ भण्यो।

प्रकाश 17:10

तिनन सात राजा लगइ हुन तिननमि हइ पाँच जाना पइल्ली मरिसक्या छन, एक जाना आब राजा छन, रे अर्खो आँजइ आया आथिन। तर जब उ आउछ, उइले थोकाइ समयकी निउति मान्तर सासन अद्द्या हुन।

प्रकाश 17:11

त्यो राक्षस जो भौत पइल्ली जिउनो थ्यो रे अइल यइ समयमि आथिन, उन आठौं राजा हुन। तर त्यो आठौं राजा सुरुका सात मध्ये एक हो। छाड्डीबार तइ राजालाइ पक्‍कालगइ सदाइकि निउति सजाय दिइन्या हो।

प्रकाश 17:13

तिनन सबइ राजाको एकइ उद्देश्य छ, रे तिननले आफ्नो सक्ति रे अधिकार तइ राक्षसलाइ दिन्या हुन।

प्रकाश 17:17

त्यो आइमाइ जइलाइ तमले धेक्या, यो भण्याको ठुलो सहर हो जो पृथ्बीका सबइ राजामि सासन अरन्छ। यिन सबइ चिज उइ आइमाइलाइ भयाथ्यो क्याकि परमेश्वरइ परमेश्वर हुन जइले आफ्ना उद्देश्य पुरा अददाइ निउति दस राजनको हृदयमि अगुवाइ अर्यो। तबइकिलाइ तिननले परमेश्वरले भण्या कुरणी पुरा नभया सम्म राक्षसलाइ सासन अद्द्या अधिकार दियो।

प्रकाश 17:6

पइ मइले धेक्या कि त्यो आइमाइ परमेश्वरका पबित्र मान्सनका रगतले मातिरइ थी जइलाइ मान्सनले येशूका निउति तिनरा बिश्वासयोग्यताका लाग्दा मर्याथ्या। त्यो धेकिबर म भौत अचम्म पर्या।”

प्रकाश 17:8

तुइले धेक्या तइ राक्षस एक समय जिउनो थ्यो, तर आब जिउनो आथिन, यो अतल कुण्ड बठेइ त्यो बाइर आउन्यावालो छ, रे परमेश्वरले तइलाइ पूरारुपमी नास अद्द्या हुन। संसारमी बस्स्या तिन मान्सन जइका नाउँ परमेश्वरले संसारको सृष्टि हुनाहइ पइल्ली तइ किताबमी लेख्या आथिन जइमि अनन्त जीवन पाया मान्सनको नाउ लेखिया छ। तिनन सब तइ राक्षसलाइ धेकिबर अचम्म पड्डया हुन। यो एक बेर जिउनो थ्यो आब यो बच्या आथिन, तर आजी यो फिर्ता आउन्या हो।”