प्रकाश 11:6 - डोटेली नयाँ करार

⁶ तिननले उनरो सन्देश घोषणा अद्द्या बर्ष अग्गास बठेइ पानी पड्डा बठेइ रोक्दाइ निउति परमेश्वरले तिननलाइ अधिकार दिया छ। तिननले पानीलाइ रगत जसो रातो बनाउन्या रे पृथ्बीलाइ सब किसिमका भयानक दुःख दिन्या अधिकार लगइ पाया छन। यो प्राय जसो तिननले चाया जसो अद्द सक्दाहान।

प्रकाश 11:6 Iomraidhean Croise

लूका 4:25

मेरी कुरणी सुण। यो सत्य हो कि इस्राएल देशमि एलिया अगमबक्ताको पालामि ताँ भौत बिधवा थिन, तइ बेला जब साडे तीन बर्ष सम्म पानी पडेइन, याँ सम्मकि पुराइ इस्राएल देशमि ठुलो अनिकाल पड्या थ्यो।

प्रकाश 11:3

म मेरा दुइ जाना साक्षि पठाउन्या हु जो मेरो सत्य सन्देश घोषणा अददाहान। तिननले भाङराका लत्ता लाउन्या हुन रे मेरो सत्य सन्देश तिनन एक हजार दुइ सय साठी दिनमि प्रचार अद्दया हुन।”

प्रकाश 16:3

दोसरा स्वर्गदुतले आफ्नो कटौरामि भया चिज समुद्रमी खणेयो, रे उतन्जेइ समुद्र मर्या मान्सको रगत जसो भयो। रे तबइकिलाइ समुद्रमी भया जिउना सब चिज मर्या।

प्रकाश 16:4

तेसरा स्वर्गदुतले आफ्नो कटौरामि भया चिज खणेयो नदी रे पानीका मुलमि खणेयो, रे तिन रगतइ रगत होइय्या।

प्रकाश 8:8

दोसरा स्वर्गदुतले आफ्नो तुरहि बजायो, रे एक ठुलो बल्लार्या पहाड जसो धेकिन्या चिज समुद्रमी खितियो। तबइकिलाइ समुद्रको एक तिहाइ भाग रगतमि बदलियो।