प्रकाश 10:11 - डोटेली नयाँ करार

¹¹ पइ मलाइ यो भणियो, “बिभिन्न मान्सको समुह रे जातिलाइ, बिभिन्न भासा बोल्या मान्सनलाइ, रे राजानलाइ एक बेर आजी भण जी परमेश्वरले तमनलाइ बोल्लाइ निउति दिनाहान।”

प्रकाश 10:11 Iomraidhean Croise

प्रकाश 10:10

मइले तइ स्वर्गदुतका हात बठेइ त्यो नानो किताब समाया रे खाया। मेरा मुखमि त्यो मह जसोइ गुल्यो भयो। तर तइ खाया पछा मेरो पेट चुकिलो भयो।

प्रकाश 11:1

तब मलाइ नाप्द्याइ एक निङालो दियो रे परमेश्वरले मलाइ भण्यो, “जा रे मेरो मन्दिर रे बेदिको नाप ला, रे मन्दिरमि मलाइ आराधना अद्द्या मान्सनको गन्ती अर।

प्रकाश 11:9

साडे तीन दिन सम्म तिनन साक्षिका लासलाइ संसारमी हरेक मान्सन, कुल, भासा, रे जातिले तक्द्या हुन तर तिननले कसइलाइ लगइ तिनरा लास खड्ड्याउनाइ अनुमति दिनाइन।

प्रकाश 14:6

पइ मइले अर्खो स्वर्गदुत अग्गास उड्डारया लगइ धेक्या। तइ स्वर्गदुतले सुसमाचार ल्यायो जो सदाइकि निउति अपरिवर्तित रहन्छ, उइले संसारमी, हरेक जाति, कुल, देस, रे भासा बोलल्या मान्सनलाइ प्रचार अर्यो।

प्रकाश 17:10

तिनन सात राजा लगइ हुन तिननमि हइ पाँच जाना पइल्ली मरिसक्या छन, एक जाना आब राजा छन, रे अर्खो आँजइ आया आथिन। तर जब उ आउछ, उइले थोकाइ समयकी निउति मान्तर सासन अद्द्या हुन।

प्रकाश 17:12

तमले धेक्या तिन दस सिङले दस राजालाइ प्रतिनिधित्व अरन्छ जइले सासन अद्द सुरु अर्या आथिन। तिन दस राजालाइ राक्षस सित मिलिबर सासन अद्द्या अनुमति छ, तर तिनरो सासन एक घन्टाकि निउति मान्तर हुन्या हो।

प्रकाश 17:15

तिन स्वर्गदुतले मलाइ भण्यो, पानी जो तुइले अइल बठेइ जइमि त्यो बेश्या बस्न्छे तिनन मान्सन, भिड, जाति, देस, रे भासा हुन।

प्रकाश 5:9

तिनन थुमाका बारेमि यो नयाँ गीत गाउन्ना छन, जो येशू ख्रीष्ट हुन: “तमन किताब खोल्लाइ मोहर समाउन्या रे तोडया योग्यका छौ, क्याकि मान्सनले तमरो बलि दिया छन, रे तमरा मृत्युको रगतले तमले परमेश्वरको निउति हरेक कुल, भासा, मान्स रे जाति बठेइ मान्सनलाइ छुटकारा दियो।