फिलिप्पी 3:8 - डोटेली नयाँ करार

⁸ क्याकि म मेरा प्रभु येशू ख्रीष्टलाइ जाण्न चाहानउ जो सब चिज भण्ना बहुमुल्य छन। म सब कुरणीलाइ बेकारका माण्नौ। जइकि निउति सब कुरणी छाडया छु, रे तिन सबलाइ फोहर कुरणी जसाइ बेकार माण्नउ, ताकि म पूरा रुपमी ख्रीष्टको हुन सकु।

फिलिप्पी 3:8 Iomraidhean Croise

लूका 1:43

म तमलाइ याँ भेटीबर आफ सम्मानित भया माणनउ, मेरा प्रभुकि इजा मलाइ भेट्टाकिलाइ आइ!

लूका 11:20

तर परमेश्वरको औंलाले म भूत निकाल्लउ भण्या, परमेश्वरको राज्य तमनका वाँ आइरइछ।”

यूहन्नाले लेख्या सुसमाचार 14:20

जब म जिउनो भइबर आउन्या हु तइ दिन तमन जाण्न्या हौ कि म मेरा पितामि छु, रे तमन ममि रे म तमनमि छु।

यूहन्नाले लेख्या सुसमाचार 14:7

तमनले मलाइ पछेण्या भया, मेरा पितालाइ लगइ पछेण्नेइथ्या। आब बठेइ तमनले मेरा पितालाइ पछेन्याछौ, क्याकि तमनले उनलाइ धेकि सक्याछौ।”

यूहन्नाले लेख्या सुसमाचार 16:3

तिननले यिन काम अद्देहुन, क्याकि तिननले पितालाइ पछेण्या आथिन रे मलाइ लगइ पछेण्नाइन।

यूहन्नाले लेख्या सुसमाचार 17:3

आब अनन्त जीवन यइ हो, कि तिननले तम, एक मान्तर सत्य परमेश्वरलाइ पछेणुन, रे तमले पठाया म, येशू ख्रीष्टलाइ पछेणुन।

यूहन्नाले लेख्या सुसमाचार 17:8

क्याकि जइ शिक्षा तमले मलाइ दिया, मइले तिननलाइ दिइराइछु, रे तिननले तिन शिक्षा स्वीकार अरिराइछ। म तम बठेइ आया हु भण्न्या तिननले साँच्चि जाणिराइछ, पइ तमले मलाइ पठाया हौ भणि तिननले बिश्वास अर्या छन।

यूहन्नाले लेख्या सुसमाचार 20:13

रे उननले तिनलाइ भण्यो, “हे नारी तु क्याइ रुन्छेइ?” तिनले उलाइ भण्यो, “तिननले मेरा प्रभु येशूको लासलाइ लैया छन रे काँ राख्या छ म जाण्नैन।”

यूहन्नाले लेख्या सुसमाचार 20:28

थोमाले उनलाइ भण्यो, “हे मेरा प्रभु हे मेरा परमेश्वर!”

प्रेरित 20:24

तबइकिलाइ मेरो जीवन आफ्नि निउति केइ मोलको आथिन। इति मान्तर चाहानौ, कि परमेश्वरले मान्स जातिलाइ अनुग्रह अर्याछ भण्न्या सुसमाचार फैलाउन्या कामलाइ म पुरा अद्द सकु, जो प्रभु येशूले मलाइ दिइराइछ।

रोमी 8:18

म पक्‍का छु कि त्यो महिमा जो परमेश्वरले हामलाइ दिन्या हुन, त्यो हामले अइल भोग्या कष्ट हइ ठुलो छ।

१ कोरिन्थी 2:2

क्याकि तमनसित हुनज्या येशू ख्रीष्ट रे उन क्रुसमि मर्या कुरणी बाहेक और केइ नजाण्न्न्या मइले पक्का अर्या।

१ कोरिन्थी 9:10

कि उनले हामकिलाइ यो भण्या होइन ब? हामइ किलाइ यो लेखिया हो। क्याकि जोत्या रे दाइ अद्द्याले अन्नको केइ हिस्सा पाउन्या आसाइमि जोतन्छ रे दाइँअरन्छ।

२ कोरिन्थी 4:4

रे यइ संसारका देब सैतानले तिनन अबिश्वासीका बुद्दीलाइ अन्धा बनाइ दिया छ। ताकि तिननले ख्रीष्टको महिमाको बारेमि सुसमाचार बठेइ आया ज्योति धेक्द जन सकुन, जइले परमेश्वर कसा छन भणीबर धेकाउन्छ।

२ कोरिन्थी 4:6

तबइकिलाइ परमेश्वरले भण्यो, “अनारा बठेइ उजालो चम्कउ।” रे उनइ परमेश्वरले हामरा हृदयमि ज्योति जसोइ हामलाइ ज्ञान दियो, ताकि हामले परमेश्वरको महिमा येशू ख्रीष्टमी प्रकट भया धेक्दसकु।

एफिसी 4:13

हाम सबकि निउति लक्ष्य यइ छ कि हाम आफ्नो बिश्वास बठेइ रे परमेश्वरका चेलोका बारेमि हामरा समज बठेइ एकइ नभया सम्म यो होइरन्या हो। तब हाम परिपक्व हुन्या हौ, हाम उनइ जसा हुन्या हौ, जसा ख्रीष्ट छन।

फिलिप्पी 1:1

येशू ख्रीष्टका दास म, पावल रे तिमोथीसित फिलिप्पी सहरमि भया मण्डलिका अगुवान, ख्रीष्टका दास, बिश्वासिनलाइ सेवा अद्द्या मान्सन रे जम्माइ पबित्र जनलाइ यो चिठ्ठी लेख्दाछु, जो येशू ख्रीष्टका हुन।

फिलिप्पी 3:10

म ख्रीष्टलाइ जण्न रे अनुभव अद्द चाहानउ। रे उनलाइ मर्या बठेइ जिउना बनाउन्या सक्ति अनुभव अद्द चाहानउ, रे उनरो मराइमि उन जसा भइबर उनरा दु:खमी सहभागी हुन सकु।

फिलिप्पी 3:12

मइले यिन सब कुरणी पइल्ली बठेइ पाइ सक्या छु, अथवा सिद्द भइ सक्या छु भणबर म दाबि अदइन, तर म सिद्द मान्स हुनाइ प्रयास अददाछु जइकी निउति येशू ख्रीष्टले मलाइ छान्या छन।

फिलिप्पी 3:7

तर जति सब चिज मेरा निउति फाइदाको थ्या, तिन सब चिज मइले आब ख्रीष्ट सितका सम्बन्धका लाग्दा हानि जसाइ माण्या।

२ तिमोथी 4:6

म तमनलाइ यो आदेस दिन्नाछु क्याकि मेरो जीवन परमेश्वरलाइ बलिको रुपमि चडाइ सकिया छ, क्याकि मलाइ था छ कि मेरो संसार बठेइ बिदाइको बेला आइरइछ।

हिब्रु 3:14

यदि हामले हामरो पइल्ली अर्या बिश्वासमि हाम छाड्डीबार सम्म बलिया भया भण्या हाम ख्रीष्टसित सज्जा हकदार हुन्या हौ।

१ पत्रुस 2:7

तमन येशू ख्रीष्टमी बिश्वास अद्द्याकि निउति यो ढुङा भौत मूल्यवान छ। तर पबित्र सास्त्रले उनमी बिश्वास नअद्द्या मान्सका बारेमि भण्नाहान कि, “जइ ढुङालाइ भबन निर्माण अद्द्याले प्रयोग अद्द इन्कार अर्यो यो जग बसाल्लाइ बहुमुल्य ढुङा बन्या छ।”

२ पत्रुस 1:2

म प्रार्थना अद्दउ कि परमेश्वर रे येशू हामरा प्रभुको ज्ञानमि तमन बडिबर जा, रे परमेश्वरले तमनलाइ भौत भण्ना भौत अनुग्रह रे सान्ति दिउन।

२ पत्रुस 1:3

परमेश्वरले आफ्नो सक्ति बठेइ उनलाइ प्रसन्न बनाउन्या जीवन जिउनाइलाइ हामलाइ चाइया सब कुरणी दिया छ। यो सम्भब छ क्याकि हामले परमेश्वरलाइ चिन्नाउ रे उनइ हुन जइले हामलाइ आफ्नो महिमा रे नैतिक भलाइ बठेइ हामलाइ आफ्नो प्रजा हुनाइ बोलाया छ।

२ पत्रुस 1:8

यदि तमनले इसेरि भौत भण्ना भौत आफ्नो जीवन बिताया भण्या, तइले तमन हाम्रो प्रभु येशू ख्रीष्टलाइ काम लाग्द्या रे फलदायी किसिमले जाणन्या हौ।

२ पत्रुस 3:18

तर तमन लगातार हामरा प्रभु रे मुक्तिदाता येशू ख्रीष्टको अनुग्रह भौत भण्ना भौत अनुभव अददु पणन्छ, रे उनरा बारेमि तमरो बुजाइ बड्डु पणन्छ। उनलाइ अइल रे सदासर्वदा प्रसंसा होउ। आमेन।

१ यूहन्ना 1:3

तबइकिलाइ तइ मान्स जइलाइ हामले धेक्याछौ रे सुण्याछौ उन तिनइ हुन जइका बारेमि हाम तमनलाइ भण्नाउ, ताकि हामसित तमरो संगति होस। क्याकि हामरो संगति पिता परमेश्वर रे उनरा पुत्र येशू ख्रीष्टसित छ।

१ यूहन्ना 2:19

ख्रीष्ट बिरोधी मान्सन हामरा मण्डलि बठेइ निकलिबर गया हुन, क्याकि तिनन हामरा थेइन्न। यदि तिनन हाम जसाइ साचो बिश्वासि भया भयले हामसितइ रनेइथ्या, तर तिनन सब हामरा होइन्न भण्न्या कुरणी धेकाउनाइ तिनन हामरा मण्डलि बठेइ निकलिबर गया हुन।

१ यूहन्ना 5:20

हाम जाण्नाउ कि परमेश्वरका चेलो, येशू ख्रीष्ट यइ संसारमी आया छन। रे हामलाइ समज दिया छन, ताकि हाम सत्य परमेश्वरलाइ जाण्न सकउ। हाम सत्य परमेश्वरसित एकतामी छौ क्याकि हाम उनरा चेलो येशू ख्रीष्टसित एकतामी छौ। उन सत्य परमेश्वर हुन रे जइले अनन्त जीवन दिनाहान।