फिलिप्पी 3:19 - डोटेली नयाँ करार

¹⁹ तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

फिलिप्पी 3:19 Iomraidhean Croise

मत्ती 16:23

तर फर्किबर उनले पत्रुसलाइ भण्यो, “सैतानले जसेरि मेरो परिक्षा जन अरइ!, तु मेरा निउति बाधा भइ। क्याकि तु परमेश्वरका जसेरि होइन, तर मान्सनका जसेरि सोच्चाछइ।”

मत्ती 25:41

तइ पछा मइले मेरा बाँउतिरका मान्सनलाइ भण्न्या हु, “तम श्रापित मान्स हो, म बठेइ दुर हो रे सैतान रे उइको दुतका निउति परमेश्वरले तयार अर्याको अनन्त आगामी जा।

लूका 12:19

तइ पछा म आफइलाइ भण्नउ, ए प्राण, भौत बर्ष पुग्द्या बड्ताइ अन्न तेरा निउति थुपदीरइछ। सुख-चैनमि बस। खा, पि, रे मजा अर।’

लूका 16:19

“एक जानो धनि मान्स थ्यो, जइले भौत महंगा लत्ता लाइबर दिन दिनै सबहइ निको खाना खानथ्यो।

लूका 18:4

तइले भौत दिन सम्म त माणेइन, तर पछा तइले आफना मनमि भण्यो, ‘म परमेश्वरको डर माण्नइन। मान्सको वास्ता लगइ अद्दइन।

रोमी 16:18

क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

रोमी 6:21

तमनले ननिका काम अर्या, रे आब तइकीलाइ लाज माणन्छौ। तसो भया तमनले तइ कुरणी बठेइ कि पाया? तिन कुरणीले मृत्यु मान्तर ल्याउछ।

१ कोरिन्थी 3:3

तमन अइल लगइ संसारका मान्सन जसा छौ। क्याकि जब तमरा बिचमि झगडा रे इख हुन्छ, तब तमन यइ संसारका मान्सन जसा हउ भणबर धेकाउनइन ब? रे तमन यइ संसारका मान्सनले जसेरि जीवन बिताउछौ, जो प्रभुका होइन्न।

१ कोरिन्थी 5:2

तमनले यइ कुरणिका बारेमि दुःख रे सोक माणनु पड्डयाथ्यो रे इसो अद्द्या मान्सलाइ मण्डलि बठेइ बाइर निकल्लु पणन्छ। तर तमन त घमण्ड अरन्छौ।

१ कोरिन्थी 5:6

तइ अनैतिक मान्सका बारेमि दुःख माणनु रे तइलाइ हटाउनुका सट्टामी, मण्डलिले तइका बारेमि घमण्ड अददाछ। थोक्काइ खमिरले जम्माइ ढुल्लोलाइ फुलाइ दिन्छ भण्नया तमनलाइ पक्‍का था छ। तसेरि यदि एक मान्सलाइ पाप अद्द अनुमति दिया भण्या, छिट्टाइ तइ मान्सले और मान्सनलाइ प्रभाव पाड्डया हो।

२ कोरिन्थी 11:12

म तमनसित सहयोग लिन सक्दइन ताकि म तिननलाइ रोक्द सकु जो हामले परमेश्वरको काम अर्या जसेरि तिननले अददाहान भणि घमण्ड अद्द्या मौका खोज्जाहान।

२ कोरिन्थी 11:15

तबइकिलाइ यो केइ अनौठो कुरणी होइन कि तइका दासले लगइ धार्मिकताका दासका रुपमि आफ्नो भेष बदल्लाहान। तिनरो अन्त्य तिनरा काम अन्सार हुन्छ।

गलाती 6:13

क्याकि खतना अर्या मान्सनले लगइ मोशाको सब कानुन पालन अद्दाइन, तर तिननले तमरो खतना भया चाहानान ताकि तिनन बठेइ तमरो खतना भया हो भणबर तिननले और यहुदि मान्सनका अगाडी घमण्ड अद्द सकुन।

फिलिप्पी 2:21

क्याकि और मान्सन त आफनोइ स्वार्थ खोजी राख्दाहान तर तिननलाइ येशू ख्रीष्ट कि निउति जी महत्वपूर्ण छ तइको तिननलाइ केइ मतलब आथिन।

कलस्सी 3:2

स्वर्गमि राख्या चिजमि इच्छा अर पृथ्बीमि भया चिजमि होइन।

२ थेसलोनिकि 1:9

प्रभुले तिननलाइ आफना उपस्थिति बठेइ निकाल दिन्या हुन रे तिननलाइ उनरो माहान सक्ति उनरो सम्मानमि अनुभव अद्ददिन्या होइन्न। रे उनले तिननलाइ बिनासको अनन्त दण्ड दिन्या हुन।

२ थेसलोनिकि 2:12

रे परिणाम यो हो कि, तिन सब जो पाप अद्या मन अददाहान रे येशू ख्रीष्टका बारेमिको सत्य सन्देशमि बिश्वास अद्दाइन्न, तिनन परमेश्वर बठेइ दोषि गणिन्या हुन।

२ थेसलोनिकि 2:8

तइ पछा त्यो खराब मान्स धेकिन्या हो। तर जब प्रभु येशू फर्कि आउन्याहुन, उनले त्यो खराब मान्सलाइ आफ्ना आदेसले रे उनले तइलाइ आफ्ना महिमाले पूरारुपमी सक्तिहिन बनाउन्या हुन, त्यो महिमा जो उनले आफ फर्कि आउन्ज्या धेकाउन्या हुन।

१ तिमोथी 6:5

रे तिनरो दिमाक ननिका संकाले भरिया हुन्छ रे तिनन औरसित लगातार बिबाद अददाहान। रे तिनन सत्य कि हो बुज्जाइन्न, तिननले सोच्चाहान कि परमेश्वरको सेवा अददु भण्याको धनि हुनु हो।

२ तिमोथी 3:4

बिश्वासघाती, उत्ताउला, और भण्ना आफइलाइ महत्व दिन्या, परमेश्वरलाइ भण्ना सुख बिलासलाइ प्रेम अद्दया,

याकुब 4:16

तर अइल तमनले आफना अहंकारी योजनाका बारेमि घमण्ड अरन्छौ, इसो सब घमण्ड खराब हो।

२ पत्रुस 2:1

भौत समय अगाडी इस्राएलीका बिचमि धेकिया झुटा अगमबक्ता जसाइ, झुटा शिक्षक लगइ तमरा बिचमि धेकिन्या हुन। तिनन झुटा शिक्षामि फस्या हुन, जइले मान्सनलाइ ख्रीष्टमी बिश्वास अद्द बठेइ रोक्द्या हुन। यिन झुटा शिक्षकले ख्रीष्टलाइ आफ्ना मालिकका रुपमि स्वीकार अद्द समेत इन्कार अद्द्या हुन रे जइले तिननलाइ पापका सक्ति बठेइ छुटकारा दियो। इसेरि तिननले अचानक आफलाइ नष्ट पड्डया हुन।

२ पत्रुस 2:13

तिनरो बिनास तिननले अर्या नोक्सानिको इनाम हो। तिनन दिनको उज्यालामि ननिका सुखमि समाबेस हुनाइ मन अददाहान। तिनन तमरा बिचमि अपमान रे दाग हुन। तिननले तमनसित खानाइ खाया लगइ तिनन छल अद्द मन अददाहान।

२ पत्रुस 2:3

यिन शिक्षक लोभि हुनाहान, रे तमन बठेइ पैसा पाउनाइ तमनलाइ दन्त्य कथा सुणाइबर तिननले तमनलाइ धोका दिन्या हुन। परमेश्वरले तिननलाइ सजाय दिन्या हुन भणबर भौत अगाडी निर्णय अरिसक्या छ रे उन त्यो अद्द तयार छन। उनले पक्‍कालगइ तिननलाइ नास अद्द्या हुन।

यहूदा 1:10

तर परमेश्वरको आराधना नअद्द्या मान्सनले नबुज्या कुरणीलाइ निन्दा अरिबर ननिका सब्द भण्नाहान, रे जब तिननले जंगली जनावरका जसो ब्यबहार अददाहान रे नसोचिबर तिननले जाण्या कुरणी अद्दाहान, तब परमेश्वर तिननलाइ दण्ड दिन्या हुन।

यहूदा 1:16

यिन मान्सन सदाइ परमेश्वरको बिरुद्दमि बोल्लाहान रे और मान्सनमि दोस मान्तर धेकाउनाहान। तिनरा ह्रदयले सोच्या अनसार तिनन लगातार दुष्ट काम अददाहान। तिनन आफइले आफ्ना बारेमि घमणडि कुरणी अददाहान रे आफ्ना फाइदाकी निउति और मान्सनकि चाप्लुसी अददाहान।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

प्रकाश 18:7

तमले तइ सहरलाइ चरम पिडा रे दुःख दिनु पणन्छ जो उइको बिलासी जीवन रे आफइमी उनरो गर्बको बराबरि हुन्छ। उनले आफइलाइ भण्यो, ‘म मान्सनमि रानीले जसोइ सासन अद्द्या हु। म बिधवा होइन रे मइले सोकको अनुभव अद्द्या आथिन।’

प्रकाश 19:20

तब त्यो पसु रे तइका उपस्थितिमि अचम्म काम अद्द्या झुटो अगमबक्ता दुइ पकडिया। यिन अचम्मका काम बठेइ तइ झुटा अगमबक्ताले तइ राक्षसको छाप लैन्या रे तइको आराधना अद्द्यालाइ भडकाइ राइथ्यो। यिन दुइ बलिरया गन्धकका अग्नि-कुण्डमी जिउनाइ खितिया।

प्रकाश 21:8

तर जइले ममि बिश्वास अद्दाइन, तिनन गंधकले बलल्या ठाउँमि सामेल हुन बाद्य हुन्या हुन, जो दोसरो मृत्यु हो। रे यइ परिणाम तिनरो हुन्या हो, जो मान्सनका अगाडी मलाइ चिन्न डराउनाहान, कुकर्म अददाहान, हत्यारा हुन, अनैतिक यौन सम्बन्ध राख्दाहान, जादु अददाहान, मुर्तिपुजा अददाहान वाँ झुट बोल्लाहान।”

प्रकाश 22:15

खराब काम अद्द्या, रे मन्त्रतन्त्र अद्द्या, व्यभिचारि, हत्यारा, मुर्ति पुज्ज्या रे झुट बोलल्या तिनन कभइ लगइ सहर पस्स सक्दाइन।”